Monday, December 30, 2013

ဘ၀ဇာတ်လမ်းလေးတစ်ပုဒ် - ၂




"ဟရောင်တွေ…ထစမ်း… ဘယ်အချိန် ရှိနေပြီလဲ…"

မနက်တိုင်း ကြားနေရတဲ့အသံနဲ့တူ ကျွန်တော်နဲ့ အတူ ဘေးနားက အဖော်နှစ်ယောက်ကို ခြေထောက်နဲ့ ကန်ပြီး လိုက်လံနှိုးနေသော တီးဆရာကိုတွေ့လိုက်ရသည်။

"မင်းတို့ကောင်တွေ.. အလုပ်ကို မကြိုးစား… ဒီလောက် ပျင်းရိနေရင် ဘယ်မှာသွားကြီးပွားမလဲ… မင်းတို့ ငယ် ငယ်ကတည်းက ဒီလိုဖြစ်နေရင် ကြီးလာရင် ခွေးဖြစ်မှာ… မနက်ဆိုရင် ..………………….."

နောက်ပိုင်း တီးဆရာပြောတဲ့စကားတွေကို ကျွန်တော် အလွတ်ရနေလေပြီ..။ သူငယ်ချင်းသုံးယောက် အိပ်ယာ ကို တစ်ခါတည်းခေါက် တတွန်တွန် အော်ဟစ် ဆူပူနေတဲ့ တီးဆရာရဲ့ အသံကို နားထောင်ရင်း ကြုံတွေ့နေကြ နေ့တစ်နေ့ ဖြတ်သန်းဖို့ ပြင်ဆင်လိုက်ကြသည်။

ဒီဆိုင်မှာ ကျွန်တော်အပါအ၀င် ကလေး စားပွဲထိုး သုံးဦးရှိသည်။ အသက်တွေက အတူတူ အားလုံး ၁၀ နှစ် သားတွေ ဖြစ်သည်။ ကျွန်တော် ဒီကို နောက်ဆုံးရောက်လာတာဖြစ်ပြီး လပိုင်းပဲရှိသေးသည်။  ကျွန်တော် သုံးတန်းထိ ကျောင်းနေဖူးပေမယ့် အိမ်မှ စီးပွားရေးအခြေအနေအရ ဒီနှစ် ကျောင်းထွက်ပြီး အလုပ်လုပ်ကာ ညီနဲ့ ညီမအတွက် ကျောင်းစရိတ် ရှာပေးရသည်။ အမေက ကျွန်တော့်ကို ကျောင်းမထွက် စေချင်ပေမယ့် ကျွန်တော် သိတတ်ရမည်လေ..။ အကိုအကြီးဆုံးဆိုတော့ လည်း အနစ်နာခံရမည်ပေါ့..။ 

ချမ်းအေးလှတဲ့ နံနက်ခင်း၊ သူများတကာတွေ အိပ်ယာထဲမှာ စောင်နဲ့ကွေးနေတဲ့အချိန်မှာ ကျွန်တော်လည်း ဆောင်းရာသီရဲ့ အရသာကို စောင်ထဲတွင် ခံစားလိုက်ချင်သည်။ သို့ပေမယ့် ဘ၀ပေးအခြေအနေက ဒီလိုမျိုး ဖြစ်ဖို့ မဖန်လာတော့လည်း ဖန်လာရာ ဘ၀ကို ပျော်အောင် နေလိုက်တော့သည်။ မျက်နှာသစ်ရင်း တွေးလက်စ အတွေးကို ဖြတ်ရင်း ကျွန်တော့် သူငယ်ချင်းတွေနဲ့အတူ လ္ဘက်ရည်ဆိုင်က ခုံတွေကိုထုတ်..၊ မီးမွှေး၊ ရေနွေးအိုတည်ပြီး နိစ္စဓူဝ ဖြစ်လာသော အလုပ် လေးတွေကို ခပ်မြန်မြန်လေး လုပ်ဆောင်လုပ်လိုက်သည်။ ခုရက်ပိုင်းတော့ ကျွန်တော်တို့တွေ အလုပ်လုပ်ရာမှာ တက်ကြွနေကြသည်။ လစာထုတ်မည့် ရက်က နီးနေပြီကိုး..။ ဒီလတွင် ကျွန်တော် တစ်လလုံး ရက်ပျက်မရှိ..။ ရက်ပျက်ရှိလျှင် သူဌေးက လစာထဲကနေ တွက်ပြီး ဖြတ်သည်။ နဂိုကတည်းကမှ လစာနည်းပါတယ်ဆို.. လစာဖြတ်ခံရရင် လုံးဝမကိုက်.. ဒါကြောင့် ပျက် ရက်နည်းအောင် ဒီတစ်လလုံး အိမ်တစ်ရက်မှ မပြန်ခဲ့တာဖြစ်သည်။

သူငယ်ချင်း သရဲ



 ဒီကောင့် နာမည်က "ဇော်ကြီး"… မူကြိုစတက်ကတည်းက တွဲလာတာ ဆယ်တန်းထိကို အတူတူပဲ..။ သူငယ်ချင်းတွေ တစ်ယောက်နဲ့ ချစ်လိုက်ကြတာလည်း အရမ်းပဲ .. သူ့အိမ် ကိုယ်အိပ်.. ကိုယ့်အိမ် သူအိပ်.. နေကြတာ..။ အ၀တ်အစားတွေ အသုံးအဆောင်တွေကအစ.. သူ့ဟာ ကိုယ့်ဟာ မခွဲဘဲ ပေါင်းဝတ်ကြတာပေါ့ ဗျာ..။ ဒီကောင်နဲ့ ကျွန်တော်နဲ့က ၀ါသနာလည်း အတော်တူတယ်ဗျ..။ ကျွန်တော်တို့ ဘောလုံး အတူကန် တယ်..။ ဘောလုံးဂိမ်း အတူဆော့တယ်..။ ဘောလုံးပွဲ အတူကြည့်တယ်..။ ကြိုက်တဲ့ အသင်းကလည်း အတူတူပဲ..။ မန်ယူမှ မန်ယူတွေ….။ အကျင့်တူတဲ့ သူနှစ်ယောက် အချစ်ဆုံးသူငယ်ချင်းတွေ ဖြစ်နေကြတာ သိပ်ဆန်းတဲ့ကိစ္စတော့ မဟုတ်ဘူးပေါ့ဗျာ..။

ရပ်ကွက်ထဲမှာ ဘောလုံးအသင်းရှိတယ်ဗျ..။ တစ်နှစ်တစ်ခါ မြို့နယ်အနေနဲ့ ရပ်ကွက်ပွဲတွေ လုပ်ပေးတယ်..။ ဒီကောင်ရယ် ကျွန်တော်ရယ်က ရပ်ကွက် အသင်းမှာ နှစ်တိုင်းမပါမဖြစ်။ ဒီကောင် ဆော့တာက အရှေ့။ ကျွန်တော်က အလယ်..။ မြို့ကလူတွေတော်တော်များများ ကျွန်တော်တို့အသင်းဆိုရင် ကျွန်တော်တို့ နှစ်ယောက်ကို တွဲမြင်ကြတယ်..။ သူနဲ့ကျွန်တော်နဲ့က အမြဲတမ်း တစ်သင်းထဲမှာပဲကစားတယ်..။ ချိန်းပွဲတွေမှာတောင် ခွဲမကန်ဖူးဘူး..။ သူမရှိရင် ကျွန်တော် မဆော့တတ်တော့သလို… ကျွန်တော်မရှိရင် သူလည်း ကွင်းထဲမှာ ငပေါကြီးကို ဖြစ်သွားရော..။ အဲ့ဒီလောက်တွဲလာကြတဲ့ ကျွန်တော်တို့ သူငယ်ချင်း နှစ်ယောက်။

တစ်ရက်… ဒီကောင်က ကျွန်တော့်ကို တောင်နောက်ချောင်းရေသွားကူးဖို့ လာခေါ်တယ်ဗျ..။ ကျွန်တော်လည်း အဲ့ဒီနေ့က နေမကောင်းတာနဲ့ မလိုက်တော့ဘူးဆိုတော့ ဒီကောင်လည်း ကျွန်တော့်ကို အတင်းမခေါ်တော့ပဲ ထွက်သွားတယ်..။

နောက်တစ်ရက်… ဇော်ကြီး ဆုံးသွားပြီတဲ့..။ ကိုယ့်နားကိုယ်တောင် မယုံဘူး..။ တောင်နောက်ချောင်းမှာ ရေနစ်ပြီး ဆုံးတာတဲ့..။ အလောင်းက ဆေးရုံက ရေခဲတိုက်မှာ ရောက်နေပြီ..။ မနေ့က သူ့အိမ်နဲ့ စကားများ ပြီး စိတ်ညစ်ညစ်နဲ့ အိမ်ကထွက်သွားတယ်တဲ့..။ ပြီးတော့ ကျွန်တော့်ကို ၀င်ခေါ်တာ..။ ကျွန်တော်လည်း မလိုက်တော့ ဘီယာသောက်ပြီး ဆိုင်ကယ်နဲ့ တစ်ယောက်တည်း တောင်နောက်ချောင်းမှာ ရေသွားကူးတာ မူးမူးနဲ့ဆိုတော့ ရေနစ်ပြီး ဆုံးသွားတယ်လို့ သူ့အိမ်က ပြန်ပြောပြတယ်..။ 

ကျွန်တော် ဒီကောင့် အလောင်းကို ရင်ခွဲရုံမှာ သွားကြည့်တော့ ပိတ်ဖြူအုပ်ထားတဲ့ အလောင်းကို မြင်ရတယ်..။ ကျွန်တော့်အချစ်ဆုံး သူငယ်ချင်းပါ..။ ရုပ်လေး ကြည့်ပါရစေလို့ အစောင့်ကို ခွင့်တောင်းတော့…. အစောင့်က ကျွန်တော့်ကို ပိတ်ဖြူလေး လှန်ပြတယ်…။ အရင်က နှစ်လိုဖွယ်ကောင်းတဲ့ ဇော်ကြီး မျက်နှာက ရေတွေနဲ့ဖောင်းပွနေပြီး ပေါက်ထွက်တော့မယ် ရေအိတ်ကြီးလိုဖြစ်နေတယ်…။ မျက်လုံးနဲ့ နှာခေါင်း ပါးစပ်ထဲမှာ သဲတွေ ပြည့်နေတာကို တွေ့လိုက်ရတယ်..။ ပိတ်ဖြူအောက်က ထိုးထွက်နေတဲ့ ဗိုက်ပူပူကို မြင်ရတာ လည်း သူ့ဗိုက်ထဲ ရေတွေ ဘယ်လောက်တောင် ၀င်ထားသလဲဆိုတာ သိတာတယ်..။ ကျွန်တော် ဆက်ကြည့် နိုင်စွမ်း မရှိတာနဲ့ မျက်နှာလွဲပြီး ထွက်ခဲ့လိုက်တော့တယ်..။

မှတ်မှတ်ရရ အဲ့ဒီအချိန်က ဘောလုံးပွဲကန်နေတဲ့အချိန်ကြီး တစ်ပွဲကန်ပြီး နောက်တစ်ပွဲကန်ဖို့ စောင့်နေရတဲ့ အချိန်..။ ကျွန်တော် ဇော်ကြီးရဲ့ အသုဘကို တတ်နိုင်သမျှ ကူညီပေးခဲ့တယ်..။ အချိန်ပြည့် သူတို့အိမ်မှာပဲ နေပေပြီး ဝေယျာဝစ္စတွေကို ကူညီလုပ်ကိုင်ပေးခဲ့တယ်..။ အရာအားလုံး အဆင်ပြေပြေ ချောချောမွေ့မွေ့ ပါပဲ..။ အဲ… ထုံးစံ အတိုင်း နောက်ဆုံး ရက်လည် နေ့မှာ ဇာတ်လမ်းက စတာပါပဲ..။ အဲ့ဒီနေ့က သေဆုံးသူက ဆွေမျိုး အပေါင်းအပါတွေကို နောက်ဆုံး နှုတ်ဆက်ခွင့်ရတဲ့ နေ့တစ်နေ့လေ..။

မနက် ပိုင်း တရားနာ၊ ဆွမ်းကပ်ပြီး တရားနာလာတဲ့သူတွေကို ဒံပေါက်ကျွေးဖို့ ကူညီနေရတာနဲ့ မနက်တစ်ပိုင်းလုံး ဘယ်လို ကုန်လို့ ကုန်သွားမှန်းမသိလိုက်ဘူး..။ နေ့လည် နှစ်နာရီလောက်ကြတော့ ကျွန်တော်တို့ နယ်မြေမှူးက ကျွန်တော့်ကို မနက်ဖြန် ဘောလုံးပွဲရှိတယ်ဆိုတယ် ပြင်ဆင်ထားဖို့ လာပြောတယ်..။ ကျွန်တော် တော်တော်လေး စိတ်မကောင်းဖြစ်သွားတယ်..။ ပထမဆုံး ဇော်ကြီး မပါတဲ့ဘောလုံးပွဲကို ကျွန်တော် ကန်ရတော့မယ်ပေါ့..။

ညအိပ်ယာ စောစောဝင်ခဲ့တယ်..။ ဒါမှ မနက်ဖြန် ဘောလုံးကန်ဖို့အားပြည့်နေမှာလေ..။ ဇော်ကြီးကို သတိရနေ မိတယ်..။ အရင်အချိန်တွေဆို မနက်ဖြန်လို ဘောလုံးကန်မယ်ဆို ဒီလိုညမှာ ဒီကောင်က အိမ်မှာလာအိပ်နေကျ။ မင်းဘယ်လိုကန် ငါဘယ်လိုကန်ဆိုပြီး လေပစ်နေတာနဲ့ ညကို ကုန်ဆုံးစေခဲ့တာ..။ အခု တော့ ကျွန်တော် တစ်ယောက်တည်း..။ စိတ်က ဒီကောင့်ဆီကို ရောက်နေတာနဲ့ တော်တော်နဲ့ အိပ်မပျော်…..။ နာရီကို ကြည့်လိုက်တော့ ည ၁၁း၀၀ နာရီ။ ကြိုးစားပြီး အိပ်မှပါလေ ဆိုပြီး စိတ်တင်းပြီး အိပ်ဖို့ ညာဘက်ကို စောင်း အိပ်လိုက်တယ်။

ကျွန်တော် အိပ်ယာဝင်ရင် ညာဘက်ကိုစောင်းပြီး အိပ်လေ့ရှိတယ်..။ အဲ့ဒါက အကျင့်ဖြစ်နေပြီး အဲ့ဒီလိုမှ မအိပ်ရင် မအိပ်ပျော်တော့ဘူး..။ အိပ်မပျော် တပျော် ဖြစ်နေတဲ့အချိန်မှာ အိပ်နေတဲ့ ကျွန်တော့်ကျောဘက်ကနေ အသက်ရှုသံ တစ်သံ ကြားနေရတယ်..။ ကျွန်တော် ကိုယ့်အသက်ရှုသံ ကိုယ်ပြန်ကြားတာများလားဆိုပြီး အသက်ခဏအောင့်ပြီး နားထောင် လိုက်တယ်..။ နောက်က အသက်ရှုသံက မရပ်သွားဘူး..။ သေပြီ..။ ဇော်ကြီး ကျွန်တော့် အိပ်ယာမှာ လာအိပ်နေပြီ.။ ကျွန်တော် ဘာလုပ်လို့ လုပ်ရမှန်းမသိဘူး..။ ကျွန်တော် မျက်လုံ့း မဖွင့်ပဲ အသက်ကို အောင့်ထားရာ ကနေ ဖြည်းဖြည်းချင်း ရှုလိုက်တယ်..။ 

လူတစ်ကိုယ်လုံး ကြောက်စိတ်ကြောင့် ဖြစ်ပေါ်လာတဲ့ ချွေးတွေကြောင့် စိုရွှဲနေပြီ..။ နောက်ဆုံး ဖြစ်ချင်ရာဖြစ် ယောက်ျားပဲ ဆိုပြီး ဆတ်ကနဲ နောက်ကိုလှည့်ကြည့်လိုက်တယ်..။ ကျွန်တော်နဲ့ နှာခေါင်းချင်း ကပ်လျက်အနေအထားမှာပဲ ရေခဲတိုက်မှာ တွေ့ခဲ့ရတဲ့ ဇော်ကြီးမျက်နှာကြီး နီးကပ်စွာမြင်လိုက်ရတယ်..။ ဒီကောင့်မျက်နှာကြီးက ပြုံးနေသလိုပဲ…။ ပြီးတော့ ဒီကောင်က ကျွန်တော် ဘေးနားမှာ ကပ်ပြီး ကျွန်တော်နဲ့ အိပ်နေတာ…။ ကျွန်တော် လိပ်ပြာ လွင့်မတတ်ပါပဲ..။ ရှိသမျှ အသံနဲ့ အသားကုန် ကြုံးအော်လိုက်တယ်..။

"သားကြီး.. ဘာဖြစ်တာလဲ… တံခါးဖွင့်စမ်း.."

အိမ်က လူတွေက အပြင်ကနေ တံခါးထုနေသံကြားတော့ ကျွန်တော် အားရှိသွားတယ်..။ ကုတင်ပေါ်က ကုန်းရုံးထပြီး တံခါးပြေးဖွင့်ဖို့ ပြင်လိုက်တယ်..။ တံခါးဖွင့်ဖို့ လုပ်တုန်းမှာပဲ အမှောင်ထဲမှာ ကုတင်ပေါ်ကနေ ဇော်ကြီး ကုန်းထ နေတာမြင်လိုက်ရတယ်..။ ကျွန်တော် တံခါးလက်ကိုင်ဘုကြီး ကိုင်ပြီး ငေးကြည့်နေမိတယ်..။ ပြီးတော့ ဇော်ကြီးက ကျွန်တော့်ဗီဒိုကို လက်ညှိုးထိုးပြီး ရပ်နေတယ်..။ ကျွန်တော် သူဘာကို ဆိုလိုမှန်း နားလည် လိုက်ပြီ..။ ကျွန်တော် သူကြားနိုင်လောက်တဲ့ အသံတိုးတိုးလေးနဲ့ ပြောလိုက်တယ်..

"အေးပါ ဇော်ကြီးရာ…၊ မင်းဖိနပ်နဲ့ ၀တ်စုံကို ငါမင်းဆီကို ပို့ပေးပါ့မယ်…"

ကျွန်တော် အဲ့လိုပြောလိုက်တော့ ဒီကောင် ကျွန်တော့်ဆီ တစ်လှမ်းချင်း လှမ်းလာတယ်…။ ကျွန်တော် တံခါးဖွင့်ပြီး အပြင်ထွက်လိုက်ရမလား ဒီအတိုင်းနေရမလား စဉ်းစားနေတုန်း ဒီကောင် ကျွန်တော့်ရှေ့ကို ရောက်လာတယ်…။ သေချာတာကတော့ ဒီကောင် ကျွန်တော့်ကို ဒုက္ခမပေးပါဘူး။ ကျွန်တော့်ကို သေချာကြည့်ပြီး ကျွန်တော့်ရှေ့ကနေ ဆေးလိပ်မီးခိုးငွေ့ပုံစံ ပျောက်ကွယ်သွား တယ်..။ ကျွန်တော့်ကို နှုတ်ဆက်သွားတဲ့ ပုံစံပါပဲ…။ ကျွန်တော် ဒီဖြစ်ရပ်တွေကို အမှောင်ထဲမှာ ကြည့်နေရတာ ရုပ်ရှင်တကား ကြည့်နေရသလိုပါပဲ..။ ကျွန်တော် နဖူးပေါ် ကျနေတဲ့ ချွေးတွေကို သုတ်လိုက်ပြီး အခန်းတံခါးလက်ကိုင်ဘုကို လှည့်လိုက်တယ်..

"ဘာဖြစ်တာလဲ သား… တစ်ကိုယ်လုံးလည်း ချွေးတွေနဲ့…"

"ဘာမှ မဖြစ်ပါဘူး… သားအိပ်မက်ဆိုးတွေ မက်နေတာပါ…"

အဲ့ဒီည ရေတစ်ခွက်သောက်ပြီး ကျွန်တော် အေးအေးဆေးဆေးပဲ ဆက်အိပ်ခဲ့ပါတယ်..။ ဘာအနှောင့်အယှက်မှ မရှိပါဘူး..။ နောက်နေ့ မနက် လင်းလင်းချင်း သူ့ဘောလုံးဝတ်စုံနဲ့ ဖိနပ်ကို သူ့ရဲ့ အုတ်ဂူနားမှာ သွားပြီး မြှပ်ပေးခဲ့ပါတယ်..။ ဒီကောင် ကျေနပ်မှာပါ..။ အဲ့ဒီနေ့ ညနေမှာပဲ ကျွန်တော့်ရဲ့ အချစ်ဆုံး သူငယ်ချင်းမရှိတဲ့ ပထမဆုံး ဘောလုံးပွဲကို ကစားခဲ့ပေမယ့် ကွင်းထဲမှာ ပြေးလွှားနေတဲ့ ဇော်ကြီးရဲ့ အရိပ်အယောင်တွေကို တွေ့နေရတယ်လို့ ကျွန်တော် ထင်ယောင်မိပါတယ်…။

အောင်ထွန်းဦး

Sunday, December 29, 2013

အနစ်နာခံ မိခင်မေတ္တာ


တရုတ်ပြည် ဟူနမ် ပြည်နယ်က မိခင် တစ်ယောက် ရဲ့ လုပ် ရပ် တစ်ခုက လူတွေကို တုန်လှုပ်သွားစေခဲ့ပါတယ်။
သူမ ရဲ့ သားဖြစ်သူ မှာ ခံစားနေရတဲ့ အ ရေပြား ဆိုင် ရာ ရောဂါတစ်ခု အတွက် မိခင်ဖြစ်သူက ဆေးဝါး စရိတ် မတတ်နိုင် တဲ့ အတွက် သူမရဲ့ ဗိုက်သား လှီးထုတ်ပြီး အစားထိုး ကုသ စေခဲ့ပါတယ်။ ဆေးရုံစရိတ်လည်း မတတ်နိုင် လို့ ထုံဆေး မ ပေးပဲ လှီးထုတ်ခဲ့ပြီး သားဖြစ်သူ သက်သာဖို့ ဆေး စရိတ် ပိုသုံးနိုင် ဖို့ သူမ ခွဲစိတ်ပြီး လေးရက် မြောက်တဲ့ နေ့မှာ သူမအတွက် ဆေးထိုး ဆေးသောက် ရပ်နားခဲ့ပြီး သားဖြစ်သူ အတွက်သာ အနာခံ အကုန်ကျခံ ပြီး ကုသ ပေးခဲ့တယ် ဆိုတဲ့ သတင်းလေး တစ်ပုဒ် ဖတ်လိုက် ရလို့ သူမရဲ့ မိခင် မေတ္တာကို မနုဿ ချီးကျူး လေးစားပြီး ဘာသာပြန် တင်ပြ ပေးလိုက်ပါတယ်။
 

Credit to >>> မနုဿ

အောင်ထွန်းဦး

Saturday, December 28, 2013

နားမကြားတဲ့ဖား ပုံပြင်



ဖားအုပ်စု တစ်စုဟာ ခရီးတစ်ခုကို အုပ်စုဖွဲ့ပြီး သွားလာနေကြတယ်.. ဒီလိုသွားလာကြရင်းနဲ့ပဲ အုပ်စု ထဲက ဖားနှစ်ကောင်ဟာ ကံဆိုးစွာနဲ့ပဲ တွင်းနက်ကြီး တစ်ခုထဲကို ပြုတ်ကျသွားခဲ့တယ်..။
အခြားဖားတွေဟာ တွင်းနက်ကြီးဘေးကို စုရုံးလာကြတယ်..။ တွင်းဟာ အတော်ကို နက်ပြီး တွင်းထဲက ဖားနှစ်ကောင်ကို ကယ်ဖို့ နည်းလမ်းမမြင်တာကြောင့် သူတို့တွေဟာ ဖားနှစ်ကောင်ကို ဒီတွင်းထဲမှာပဲ စိတ်လျော့ပြီး သေဖို့ပြင်ဆင်ထားကြတော့ဆိုပြီး ပြောကြတယ်..။

တွင်းထဲကျနေတဲ့ ဖားနှစ်ကောင်ကတော့ သူတို့စကားတွေကို လျစ်လျူရှုပြီး အသက်ရှင်ဖို့အတွက် တွင်းထိပ်ဝကို ရှိသမျှ အားတွေ ထုတ်ပြီး ခုန်ကြတယ်..။ အပေါ်ကဖားတွေကတော့ မဖြစ်နိုင်ကြောင်းနဲ့ စိတ်လျော့ပြီး အေးအေးဆေးဆေး သေဖို့ ပြင်ဆင်ထားသင့်ကြောင်းပဲ ပြောဆိုနေကြတယ်..။
နောက်ဆုံးတော့ ဖားတစ်ကောင်ဟာ အပေါ်ကဖားတွေရဲ့ စကားကို လက်ခံလိုက်ပြီး လက်လျော့လိုက်တယ်..။ မောပန်းမှုတွေ စိတ်အားငယ်မှုတွေကြောင့် အဲ့ဒီဖားဟာ ခဏအကြာမှာပဲ သေဆုံးသွားခဲ့တယ်..။ ကျန်တဲ့ဖားတစ်ကောင်ကတော့ ကြိုးစားမြဲပါပဲ..။ အပေါ်ကဖားတွေကတော့ မကြိုးစားတော့ဖို့နဲ့ အခြားတစ်ကောင်လို စိတ်လျော့လိုက်ဖို့ အော်ပြောနေကြတယ်..။

သူဟာ နောက်ဆုံးမှာတော့ အပြင်းထန်ဆုံးကြိုးစားမှုနဲ့ တွင်းပေါ်ကို တက်လာနိုင်ခဲ့တယ်..။ သူ အပြင် ရောက်တဲ့အခါမှာတော့ အခြား ဖားတွေက…

"သေဘေးက လွတ်မြောက်လာတာ ဂုဏ်ယူပါတယ်.. မင်း..ငါတို့ ဆက်မကြိုးစားဖို့ ပြောခဲ့တာကို မကြားဘူးလား.." လို့ မေးတော့…

"မင်းတို့ ငါ့ကို ကူညီပြီး ခုန်ဖို့ အားပေးကြတာကို ကျေးဇူးအရမ်းတင်ပါတယ်..။ ငါက နားမကြားရတဲ့သူ ဆိုတော့ မင်းတို့တစ်ချိန်လုံး အပေါ်က ငါ့ကို အားပေးနေပုံကိုကြည့်ပြီး အားမလျော့ခဲ့တာပါ…"

သင်ခန်းစာ ။   ။ စကားတစ်ခွန်းဟာ လူတစ်ဦးအပေါ် သက်ရောက်မှု အများကြီးရှိပါတယ်..။ ဒါပေမယ့် ကိုယ့်အတွက် အကျိုးမရှိတဲ့စကားတွေကို အရေးတယူလုပ်ပြီး ခံစားနေမယ့်အစား ကိုယ်လုပ်စရာ ရှိတာ ကို အကောင်းဆုံး လုပ်ဆောင်သွားရင် သင့်အတွက် အောင်မြင်မှုက စောင့်ကြိုနေမှာပါ.။

အောင်ထွန်းဦး

မုန်လာဥ၊ ကြက်ဥနဲ့ ကော်ဖီ ပုံပြင်



 အမျိုးသမီးငယ် တစ်ဦးဟာ သူမရဲ့ အမေထံကိုသွားပြီး ဆိုးဝါးလှတဲ့ သူမဘ၀အကြောင်းကို ရင်ဖွင့်ပြောဆိုနေခဲ့တယ်..။ သူမဟာ ဒီ လောကဓံကို ဘယ်လိုရင်ဆိုင်ရမှန်း မသိတော့ကြောင်းနဲ့ အရှုံးပေးချင်စိတ် ဖြစ်ပေါ်နေကြောင်းတွေကိုပါ ပြောပြလျက်ရှိပါတယ်..။

သူမအတွက် ပြသနာတွေဟာ တစ်ခုပြီးတစ်ခု ရောက်ရှိလာတယ်..။ ဖြေရှင်းလို့ကို မပြီးနိုင်ဘူးဆိုပြီး ညည်းညူနေပြန်တယ်..။ သူမအမေဟာ သူမကို မီးဖိုချောင်ထဲသို့ ခေါ်သွားခဲ့တယ်…။ အိုး သုံးလုံးကို ရေထည့်ပြီး မီးဖိုပေါ်တင်ထားလိုက်တယ်..။ ခဏအကြာမှာ ရေနွေးပွက်လာတော့ သူမ အမေဟာ ပထမအိုးထဲကို မုန်လာဥ၊ ဒုတိယအိုးထဲကို ကြက်ဥနဲ့ တတိယအိုးထဲကို ကော်ဖီမှုန့်တွေ အသီးသီးထည့်လိုက်တယ်..။

သူမဟာ သမီးဖြစ်သူကို မိနစ်၂၀လောက်ထိုင်ပြီး စောင့်ကြည့်စေပြီး အဲ့ဒီနောက်မှာ မီးဖိုက မီးကို ငြိမ်းလိုက်တယ်..။ ပြီးတော့ ပထမအိုးထဲကနေ မုန်လာဥကို ထုတ်ပြီး ပန်းကန်လုံးထဲထည့်လိုက်တယ်…။ ပြီးတော့ ကြက်ဥ။ နောက်ဆုံး ကော်ဖီ တို့ကို ခွက်ထဲထည့်ထားလိုက်တယ်..။ ပြီးတော့ သူမ သမီးဘက်ကိုလှည့်ပြီး…

"ကဲ… သမီး… ဘာတွေ့လဲ..အမေ့ကို ပြော…"

"မုန်လာဥ၊ ကြက်ဥနဲ့ ကော်ဖီခွက်လေ အမေရဲ့…" လို့ သမီးဖြစ်သူက ပြန်ဖြေတယ်..။ အမေဖြစ်သူက သမီးကို မုန်လာဥကို ကိုင်ကြည့်ပါလို့ ပြောလိုက်တယ်..။ သူမဟာ ပျော့ပျောင်းနေတဲ့ မုန်လာဥကို သတိပြုမိလိုက်တယ်..။ ကြက်ဥပြုတ်ကိုလည်း အခွံနွှာလိုက်တဲ့အခါမှာ မကျတ် တကျတ် ဖြစ်နေတဲ့ ကြက်ဥပြုတ် တစ်လုံးနဲ့ နောက်ဆုံး ကော်ဖီ တစ်ခွက်ကိုလည်း မြည်းကြည့်ဖို့ပြောတဲ့အတွက် သူမ တစ်ငုံသောက်ကြည့် လိုက်တယ်.။ သူမဟာ အမေဖြစ်သူ ဘာလို့ ဒီလိုတွေ လုပ်ခိုင်းနေလဲဆိုတာ နားမလည်နိုင်တာနဲ့ပဲ

"အမေ… ဘာကိုဆိုလိုမှန်း သမီးတော့ နားမလည်တော့ဘူး.."

"ဒီ မုန်လာဥ၊ ကြက်ဥ၊ ကော်ဖီမှုန့်ဆိုတဲ့ ပစ္စည်းသုံးမျိုးလုံးဟာ တူညီတဲ့ ရေနွေးဆိုတဲ့ အရာနဲ့ ထိတွေ့ခဲ့ကြတယ်..ဒါပေမယ့် သူတို့ အပေါ် သက်ရောက်ပုံခြင်း ကျတော့ မတူခဲ့ဘူး..။ မုန်လာဥဟာ ရေနွေးနဲ့ မထိခင် သန်မာပြီး မာကျောခဲ့တယ်..။ ဒါပေမယ့် ရေနွေးနဲ့ထိပြီး အခါမှာ လုံးဝကို ပျော့သွားခဲ့တယ်..။ ကြက်ဥဆိုတာ အရမ်းကို နူးညံ့တဲ့ အရာတစ်ခုပါ။ ဒါပေမယ့် သူကျတော့ ရေနွေးနဲ့တွေ့တဲ့အခါမှာ ပိုပြီး သန်မာ လာခဲ့တယ်..။ ကော်ဖီမှုန့်တွေကတော့ အရမ်းကို လိမ္မာပါးနပ်တယ်..။ သူတို့ဟာ ရေနွေးနဲ့တွေ့ပြီးနောက်ပိုင်း သူတို့ပါ အရည်အဖြစ် ပြောင်းလဲပစ်လိုက်တယ်.."

"သမီးက ဘယ်ဟာလဲ…… ရေနွေးနဲ့တူတဲ့ လောကဓံက ကိုယ့်အပေါ် သက်ရောက်လာပြီဆိုရင် ဘယ်လိုတုံ့ပြန်မလဲ…? မုန်လာဥလား.. ကြက်ဥလား.. ကော်ဖီမှုန့်လား…ကိုယ်ဟာဘာလဲ ဆိုတာကို သေချာစဉ်းစားပါ.. လောကဓံကို အရှုံးပေးပြီး ပျော့ပြောင်းသွားတဲ့ မုန်လာဥ လား… ဒါမှမဟုတ် လောကဓံကြောင့်ပဲ ပိုမိုသန်မာလာတဲ့ ကြက်ဥလား… ဖြစ်လေရာ ဘ၀မှာ ပျော်နေတတ်တဲ့ ကော်ဖီမှုန့်ပဲလား… ကိုယ့်ဟာကိုယ် စဉ်းစားကြည့်ပါ….."

ဒီ ၀တ္တုတိုလေးက ဒီလောက်ပါပဲ…။ စဉ်းစားစရာတွေ အများကြီးပါဝင်ပါတယ်..။ သင်ကိုယ်တိုင်ရော သင့်ကိုယ်တိုင် ဘာနဲ့ တူလဲလို့ စဉ်းစားမိသလဲ… မုန်လာဥလား..၊ ကြက်ဥလား.. ၊ ကော်ဖီလား….။

အောင်ထွန်းဦး

စားကြမယ်ဟေ့ ကောင်းကောင်း (ထူးဆန်းသော အစားအစာများ)

ထူးဆန်းထွေလာ သတင်းလေးတွေလည်း မရေးဖြစ်တာ ကြာပြီဆိုတော့ ပြန်တင်ပေးလိုက်ပါရစေ... အခုတော့ ကမ္ဘာတစ်လွှားက ထူးဆန်းတဲ့ အစားအသောက် ပေါင်းစုံကို တ၀ကြီး စားသောက် နိုင်ဖို့အတွက် တင်ပေးလိုက်ရပါတယ်.. ထမင်းစားနေရင်းတန်းလန်းဆိုရင်တော့ နောက်မှ ကြည့်ပါလို့ ကြိုပြောပါရစေ...


ဒါကတော့ အကောင် မပေါက်သေးတဲ့ ကြက်ဥ ၊ ဘဲဥတို့ကို အစိမ်းစားခြင်းပါတဲ့...။  

Wednesday, December 25, 2013

အငြင်းခံရတဲ့အတွက် ဘယ်တော့မှ စိတ်မပျက်ပါနဲ့




တစ်ခါတုန်းက ကောင်လေးတစ်ယောက်ဟာ ကောင်မလေးတစ်ယောက်ကို စွဲလန်းစွာ ချစ်မြတ်နိုးခဲ့တယ်..။ သူမဟာ တစ်ခြားသူတွေအတွက်တော့ အချောဆုံး အလှဆုံးမဖြစ်ခဲ့ပေမယ့် သူ့အတွက်တော့ နတ်သမီးလေး တစ်ပါးလိုပါပဲ..။ သူဟာ သူမနဲ့လက်ထပ်ပြီးရင် ကောင်းမွန်စွာနေထိုင်နိုင်ဖို့ အလုပ်ကို ရိုးရိုးသားသား ကြိုးကြိုး စားစား လုပ်ဆောင်ပြီး တစ်နေ့ကျရင် သူမနဲ့ လက်ထပ်မယ်လို့ စိတ်ကူးထားတယ်..။ သူ့သူငယ်ချင်းတွေက

"မင်းသူ့ကို တအားမမျှော်လင့်ထားနဲ့..၊ သူမက မင်းကို ချစ်လား မချစ်လားတောင် မင်းသိတာ မဟုတ်ဘူး..၊ ပထမဆုံး မင်း သူမကို ချစ်ခွင့်ပန်သင့်တယ်…" လို့ အကြံပေးကြတယ်..။ သူလည်း ဒီအတိုင်းပဲ ဖြစ်သင့်တယ်လို့ ထင်တယ်..။

ကောင်မလေးက သူမကို သဘောကျနေမှန်း အစကတည်းက သိပါတယ်..။ ကောင်လေး ချစ်ခွင့်ပန်တဲ့နေ့မှာ တော့ သူမ ကောင်လေးကို ငြင်းဆန်ခဲ့တယ်..။ ကောင်လေးရဲ့ သူငယ်ချင်းတွေကတော့ ကောင်လေးတစ် ယောက် သူ့အိပ်မက်တွေ ပျက်စီးသွားတဲ့အတွက် အရက်၊ မူးယစ်ဆေးဝါးတွေ သုံးစွဲပြီး သူ့ဘ၀ ပျက်ဆီးသွား လိမ့်မယ်လို့ ထင်မှတ်ထားကြတယ်..။ ဒါပေမယ့် တစ်ကယ်တမ်းတော့ အဲ့ဒီလို မဖြစ်ခဲ့ပါဘူး…။


သူငယ်ချင်းတွေက ကောင်လေးကို ဒီလိုငြင်းပယ်ခံရတဲ့ ၀မ်းမနည်းဘူးလားလို့ မေးတဲ့အခါ ကောင်လေးက.. 

"ငါ ဘာလို့ ၀မ်းနည်းနေရမှာလဲ..၊ ငါက ငါ့ကို လုံးဝ မချစ်တဲ့လူတစ်ယောက်ကို စွန့်လွှတ်ရတာ.. သူကတော့ သူ့ကို

 အရမ်းချစ်ပြီး ဂရုစိုက်တဲ့ လူတစ်ယောက်ကို ဆုံးရှုံးရတာလေ…"


 

သင်ခန်းစာ ။ အချစ်စစ်က ရဖို့ ခက်ခဲပါတယ်..။ အချစ်စစ်ဆိုတာ တစ်စုံတစ်ယောက်ကို ဘာမှ အမြတ်အစွန်း

 ပြန်ရလိုစိတ် မရှိပဲနဲ့ ပေးဆပ်ခြင်းဖြစ်ပြီး တစ်ကယ်လို့ အဲ့ဒါကို တစ်ခြား တစ်ဖက်က ငြင်းဆန်ခဲ့မယ် ဆိုရင်တော့ 

အဲ့ဒါဟာ သူ့ဘ၀မှာ အကြီးမှားဆုံး ဆုံးရှုံးမှုတစ်ခုသာဖြစ်ပါလိမ့်မယ်..။ အဲ့ဒီတော့ အငြင်းခံရလို့ စိတ် မပျက်ပါနဲ့…။



အောင်ထွန်းဦး

 



LinkWithin

Related Posts Plugin for WordPress, Blogger...

ထင်မြင်ချက်လေးတွေ ရေးပေးခဲ့ပါ