သရဲ၊ နာနာဘာဝများနှင့် ကခုန်ခြင်း (၂)

ရင်ခွဲရုံထဲမှ ကလေးမလေး

        ကျွန်တော် (၁၀) တန်းရောက်တော့ အဖေ ဆေးပင်စင်နဲ့ တပ်ထဲကထွက်လိုက်ပါပြီ၊ တစ်မိသားစုလုံး ရပ်ကွက်ထဲမှာ အိမ်တစ်လုံးဝယ်ပြီး နေကြပါတယ်..၊ ကျွန်တော် (၁၀) တန်းဆရာတစ်ယောက်ရဲ့ အိမ်မှာ Night Study လုပ်ပါတယ်..၊ ညဆို ၇ နာရီလောက်အိမ်ကသွားရပါတယ်..၊ ကျွန်တော့်အိမ်ကနေ ဆရာ့အိမ်ကို သွားဖို့ဆိုရင် ကုတင် (၁၀၀) စစ်ဆေးရုံထဲကနေ ဖြတ်ရပါတယ်..၊ မိနစ်နှစ်ဆယ်လောက်တော့ လမ်းလျှောက် ရပါတယ်..၊

          အဲဒီစစ်ဆေးရုံမှာ ရင်ခွဲရုံရှိပါတယ်…၊ စစ်တပ်ဆေးရုံဆိုတော့ သိတဲ့အတိုင်းပဲ…၊ လေ၀င်ပေါက်မှာ ရှိတဲ့ မှန်တွေက ကွဲနေပြီး အထဲကို အတိုင်းသားမြင်ရပါတယ်..၊ ရင်ခွဲရုံတံခါးကိုတော့ အမြဲတမ်းသော့ခတ်ထားပြီး… အရှေ့မှာ ဆင်ဝင်ပုံစံ ၀ရံတာလေးရှိပါတယ်..၊ အဲဒီဝရံတာလေးမှာ မီးလုံးတစ်လုံးချိတ်ဆွဲထားပါတယ်..

          တစ်ည ကျွန်တော် ထမင်းစားရင်းနဲ့ Night Study သွားမယ့်အချိန် တော်တော် နောက်ကျသွားတယ်..၊ အိမ်က စထွက်တော့ကို 7:45 လောက်ရှိနေပြီ..၊ ကျွန်တော်လည်း နောက်ကျနေတာကြောင့် ခပ်မြန်မြန် လမ်းလျှောက်ခဲ့တယ်..၊ ကျွန်တော် လျှောက်နေတဲ့လမ်းက မှောင်ပါတယ်.. ဘာမီးမှမရှိပါဘူး.. ရင်ခွဲရုံနားကို ရောက်တော့ ၀ရံတာမှာ ချိတ်ထားတဲ့ မီးအလင်းရောင်နဲ့ ရင်ခွဲရုံပတ်ဝန်းကျင်ကို ရှင်းရှင်းလင်းလင်း မြင်ရတယ်… ကျွန်တော်လည်းအမှုမဲ့ အမှတ်မဲ့ ရင်ခွဲရုံဘက်ကို တစ်ချက်လှမ်း ကြည့်လိုက်တယ်..၊ ကျွန်တော်မြင်ခဲ့ရတဲ့ မြင်ကွင်းကို ကျွန်တော်အခုထိ ညအိပ်တော့မယ်ဆို မြင်ယောင်နေတုန်းပါ… ကျွန်တော် အဲဒီတုန်းက ဘယ်လိုခံစားခဲ့ရလည်းဆိုတာကိုတော့ စာနဲ့ မရေးပြတတ်တော့ပါဘူး… တစ်ခုသိတာကတော့ ကျွန်တော် ကြက်သီးဖြန်းခနဲထပြီး ခေါင်းကြီးသွားတယ်ဆိုတာကတော့ သိပါတယ်… မြင်လိုက်ရတဲ့ မြင်ကွင်းက.. လေကာမှန်ကွဲနေတဲ့နေရာက ကလေးမလေးတစ်ယောက် ခေါင်းထုတ်ပြီး ကျွန်တော့်ကို လျှာထုတ် ပြောင်ပြနေပါတယ်.. အသက်က အလွန်ဆုံးရှိလှ (၆) နှစ်ပေါ့..၊ လေကာပြတင်းပေါက်က လူကြီးတစ်ယောက် မတ်တပ်ရပ်နေမှ ခေါင်းမြင်ရရုံလောက်မြင့်တာပါ…။ သူ့အသက်နဲ့ ဒီလေကာပြတင်းကို မီဖို့ဆိုရင် ရင်ခွဲရုံထဲခုံတစ်ခုခုပေါ်ကို တက်ပြီး မြင်ရမှာပေါ့..။

ကျွန်တော် ယောင်ယမ်းပြီး မျက်လုံးမှိတ်လိုက်တယ်.. ပြီးတော့ ပြန်ဖွင့်ကြည့်တယ်… ကလေးမလေးက ရှိနေတုန်းပါ… ကလေးမလေးက ချစ်စရာလေးပါ.. ဆံပင်နှစ်ဖက်ကိုချီထားတယ်..၊ ပါးနှစ်ဖက်မှာ ပါးနီတွေ ဆိုးထားသလို နီနီရဲရဲလေးဖြစ်နေတယ်.. ပထမကတော့ ကျွန်တော်ကြောင်ကြည့်နေမိတယ်..ဒါပေမယ့်…. ဒီလိုအချိန်… ဒီလိုလူသေတွေထားတဲ့ ရင်ခွဲရုံထဲမှာ ရိုးရိုးလူ ရှိမနေနိုင်ဘူးလို့ တွေးမိတာနဲ့ ကျွန်တော်ဆရာ့အိမ်ရောက်တဲ့ အထိ တောက်လျှောက်ပြေးခဲ့ပါတော့တယ်…၊

ဒီတစ်ကြိမ်လည်း ကယောင်ကတမ်းဖြစ်ပြီး တစ်ပတ်လောက် ဖျားလိုက်ရပါသေးတယ်…။

ကျွန်တော် ပြန်တွေးကြည့်မိတာက ဒီကောင်မလေးက ကျွန်တော်နဲ့လည်းမသိပဲ ဘာလို့ ကျွန်တော့်ကို လာပြီး စနောက်ချင်တာလဲဆိုတာကိုပါ..၊ တစ်ခုရှိနိုင်တာက ကောင်မလေးက မနေ့ တနေ့က ဆေးရုံမှာ ဆုံးသွားမယ်..၊ ရင်ခွဲရုံထဲမှာ ထည့်ထားမယ်..၊ သူ့ဝိဥာဉ်ကလည်း အဲဒီမှာပဲ ရှိနေမယ်..၊ အဲဒီချိန်မှာ ကျွန်တော့်ကို မြင်တော့ ကလေးတို့ သဘာဝ စချင်နောက်ချင်လို့ အပျော်သဘောသက်သက် လျှာထုတ် ပြောင်ပြတာ ဖြစ်ပါလိမ့်မယ်..၊ ကျွန်တော် ဖျားပြီး ပြန်သက်သာတော့ အဲဒီလမ်းကို တစ်ယောက်တည်း မသွားရဲ လို့ အဖော်ခေါ်ပြီး သွားရပါတယ်..၊ ဒါပေမယ့် အဲဒီကောင်မလေးရဲ့ အရိပ်အယောင်တော့ လုံးဝမတွေ့ရတော့ပါ ဘူး…၊ ကျွန်တော်ကတော့ ဒီချစ်စရာကောင်းတဲ့ကလေးမလေး အဲဒီဘ၀ကနေ လွတ်ကျွတ်သွားတာဖြစ်ပါစေလို့ အခုထိ ဆုတောင်းဆဲပါ….

အိမ်နောက်ဖေးက အူဝဲ သရဲ

          ကျွန်တော်တို့ အိမ်နောက်မှာ အိမ်ခန်းလေးတွေ ဆောက်ပြီး လိုင်းခန်းလေးတွေ ဖွင့်ထားပါတယ်..၊ စုစုပေါင်း (၁၁) ခန်းရှိပါတယ်…၊အဲဒီမှာ အစွန်ဆုံးအခန်းမှာ လာငှားနေတဲ့ လင်မယားနှစ်ယောက်ရှိပါတယ်..၊  စလာတုန်းကတော့ အဆင်မပြေပါဘူး..၊ ဒါပေမယ့် ကျွန်တော်တို့ လိုင်းခန်းငှားမှာ နေပြီးတော့ အလုပ်လုပ်ပြီးနောက်ပိုင်း တော်တော်အဆင်ပြေလာတယ်လို့ တော့ထင်ပါတယ်..၊ သဘောကောင်းတဲ့ လင်မယားပါ..၊ ၆ လလောက်လည်း ကြာရော.. သူတို့ရဲ့ ပထမဆုံး သမီးလေးကို မွေးပါတယ်..၊ ကလေးက ဖြူဖြူလုံးလုံး ချစ်စရာလေးပါ..၊ ကလေးက ကံမကောင်းခဲ့ရှာပါဘူး…၊ ၆ လသားအရွယ်လောက်မှာ.. အပြင်းဖျား ပြီး ဆုံးသွားပါတယ်..၊ အဖေ ရော အမေရော… အလုပ်သွားနေတဲ့အချိန်မှာ ဆုံးသွားတာပါ..၊ ဘယ်အချိန်ဆုံးသွားလဲတောင် မသိပါဘူး..၊ ပြန်လာတော့ ကလေးက တောင့်တောင် နေပါပြီ..၊ ဒီကလေး ဆုံးသွားတယ်ကြားတော့ ကျွန်တော်ယုံတောင်မယုံချင်ပါဘူး..၊ ကလေးက မသေသင့်ပဲ သေရတာဖြစ်ပြီး မိဘတွေရဲ့ ပေါ့ဆမှုလည်း ပါပါတယ်..၊ ကလေး နေမကောင်းဖြစ်နေမှန်း သိရက်နဲ့ ဆေးရုံ/ဆေးခန်းမပြပဲ အလုပ်လုပ်ဖို့လောက် စဉ်းစားနေကြတာကိုး…. ထားပါတော့လေ…အခု ကျွန်တော်ပြောမယ့် အကြောင်းအရာက ကလေးဆုံးပြီး တစ်ပတ်တိတိအကြာမှာ..သူတို့ရဲ့ အစွန်ဆုံး အခန်းလေးမှာ စဖြစ်တာပါပဲ..

          မိဘတွေက ဆုံးတာကလည်း ကလေးဆိုပြီး ဘာမှ ထွေထွေထူးထူး မလုပ်ကြဘူး..၊ ဒီတိုင်းပဲ သချိင်္ုင်းမှာ သွားမြှပ်လိုက်တယ်..၊ ဘုန်းကြီးကျောင်း ဆွမ်းချိုင့်ပို့တယ်..၊ ဒါပဲ လုပ်ပေးတယ်…၊ ဆုံးပြီး ၇ ရက်နေ့ တိတိမှာ ဘာစဖြစ်ကြသလဲဆိုတော့..…… လင်မယားနှစ် ယောက် နှစ်ခြိုက်စွာ အိပ်မောကျနေကြတယ်..၊ အမေလုပ်သူက ရုတ်တရက် မျက်လုံးပွင့်လာတယ်..၊ ပွင့်လာတာနဲ့ နာရီကို တန်းမြင်နေရတယ်..၊ အချိန်က ည ၁၂း၀၀ နာရီတိတိ…၊ နာရီကိုကြည့်ပြီး သူရဲ့ ညာဘက်ကို လှည့်ကြည့်လိုက်တော့….လားလား….သူ့ညာဘက် လက်မောင်းပေါ်မှာ ကလေးလေးတစ်ရောက် ရောက်နေတယ်…၊ အဲဒီကလေးက မျက်လုံးကြီးပြူးပြီး သူ့ကိုစိုက်ကြည့်နေတယ်..၊ အဲဒါသူ့သမီး ဆိုတာကို ရုတ်တရက် သူ မမှတ်မိဘူး..၊ ဘယ်မှတ်မိမလဲ.. ကလေးက ပါးမှာ အကောင်တွေတောင် တက်နေပြီလေ..၊ ဆံပင်တွေတောင် လုံးဝမရှိတော့ပဲ ခေါင်းတစ်ခေါင်း လုံး ညိုမဲပြီး ပါးစပ်ထဲမှာလည်း မြေကြီးတွေအပြည့်နဲ့ဖြစ်နေတာကိုး…။ သူလည်း လန့်ပြီး သူ့ယောက်ျားကို နှိုး လိုက်တော့ သူ့ယောက်ျားလည်း နိုးလာတယ်..၊ ဒါပေမယ့် ဘာမှ မတွေ့ရတော့ဘူး…။

          သူတို့ပြန်ပြောပြချက်အရ ကျွန်တော်သိရတာက ဒီလိုမျိုး ဖြစ်တာ နေ့စဉ် မဟုတ်တောင် တစ်ပတ်မှာ နှစ်ခါတော့ အနည်းဆုံးဖြစ်ကြောင်း ပြောပြပါတယ်..၊ သူတို့လည်း ဘုန်းကြီးပင့်ပြီး ကုသိုလ်လုပ် အမျှဝေပါတယ်..၊ ဒါပေမယ့် အမျှမရဘူးထင်ပါရဲ့..၊ အဲဒီကလေးက ရှိနေတုန်းပါ..၊ သိပ်မကြာပါဘူး..၊ သူတို့လင်မယား ပြောင်းသွားပါတယ်…၊ နောက်ရောက်လာတဲ့ မိသားစုလည်း အလားတူ အဖြစ်မျိုးကို ကြုံတွေ့ ရတယ်လို့ပြောပြပါတယ်…၊ ဒါပေမယ့် လူတိုင်းကြုံတွေ့ရတာတော့ မဟုတ်ပါဘူး..၊ မိသားစုထဲက အမျိုးသမီးတစ်ဦးသာ ကြုံတွေ့ရတာပါ…၊ ကလေးက သူ့အမေမှတ်လို့ နေပါလိမ့်မယ်…၊ညညဆို (၁၂း၀၀) တိတိမှာ မျက်လုံးဖွင့်လာတယ်..၊ ဒါဆိုသေချာပြီ… ကိုယ့်ညာဘက်လက်မောင်းပေါ်မှာ အဲဒီကလေးလေး ရောက်နေပြီး ကိုယ့်ကို စိုက်ကြည့်နေပြီ..၊ ဒါတွေက ဖော်မြူလာ..ပုံနေနည်းတွေလိုတောင် ပုံသေဖြစ်နေပါပြီ…၊ အဲဒီမိသားစုလည်း နှစ်ပတ်လောက်နေပြီး တစ်ခြား တစ်ခန်းကိုရွှေ့ပေးဖို့ တောင်းဆိုလာတာနဲ့ ရွှေ့ပေးလိုက်ရပါတယ်..၊

          အဲဒီကလေးလေးရဲ့ အခန်းကိုတော့ ယခုအချိန်ထိ အငှားမတင်တော့ပဲ ပိတ်ထားရဆဲပါ..။

ဆွဲကြိုးချသေတဲ့ ညီမသုံးဖော်

          ကျွန်တော်ဆယ်တန်းအောင်ပြီးတော့ (၁၀) တန်းတွေကို Night Guide ပြန်လုပ်ပေးဖြစ်ပါတယ်..၊ Night Guide လုပ်ပြီး သုံးနှစ်မြောက်မှာ ၀ိုင်းတစ်ခုကနေ Night Guide လုပ်ဖို့ကမ်းလှမ်းလာခဲ့ပါတယ်...၊ အဲဒီဝိုင်းက ဘူတာဘက်မှာရှိတာပါ..၊ ကျွန်တော့်အိမ်ကနေ ပုံမှန်အတိုင်း ဆိုင်ကယ်စီးသွားရင် မိနှစ် (၂၀) လောက်တော့ စီးရပါမယ်..အဲဒီသွားတဲ့လမ်းမှာ… နာမည်ကြီးအိမ်ပျက်ကြီး တစ်အိမ်ရှိပါတယ်…။

          နာမည်ကြီးတာကတော့ အဲဒီအိမ်မှာ အရမ်းချောတဲ့ ညီမသုံးယောက်နေကြောင်း၊ တစ်နေ့ ဘာအကြောင်းကြောင်းမှ မရှိပဲ ညီမသုံးယောက်လုံး အိမ်ထဲမှာ ဆွဲကြိုးချပြီးသေနေကြောင်း၊ သူတို့ သုံးဦး မကျွတ်မလွတ်ဘဲ အခုချိန်ထိ လမ်းသွားလမ်းလာတွေကို ခြောက်လှန့် နေကြောင်း … စသည်ဖြင့် …ကြားသိထားပါတယ်…ဒါတွေက ဟုတ်မဟုတ်တော့ မသိပါဘူး… ကျွန်တော်၎ နှစ်သားအရွယ်မှာ ဖြစ်ပျက်ခဲ့တာလို့တော့ သိရပါတယ်… ကျွန်တော်ကတော့ ယခင်က မကြုံတွေ့ဖူးပါ… နေ့ခင်းဘက် ခဏတစ်ဖြုတ် ဖြတ်သွား ဖူးတာလောက်ပဲရှိပါတယ်..၊ ဒါပေမယ့် ဖြတ်သွားရင်း ခဏတစ်ဖြုတ် လှမ်းကြည့်မိလိုက်ရင်ပဲ အိမ်ပျက်ကြီးဟာ ကြက်သီးများ တစ်ဖြန်းဖြန်း ထသွားလောက်အောင် ကြောက်စရာ ကောင်းနေတာကိုတော့ သတိထားမိပါတယ်..

          အိမ်ကြီးပုံစံကို ပြောပြပါအုံးမယ်..၊ အိမ်ကြီးက ကျွန်တော် အိမ်ကနေ၀ိုင်းကို လာရင် လမ်းမကြီးရဲ့ ညာဘက်မှာ တည်ရှိပါတယ်..၊ နှစ်ထပ်အိမ်ကြီးပါ..၊ တံခါးတွေက ပျက်စီးနေပြီဖြစ်သလို နံရံတွေပေါ်မှာလည်း အပင်တွေ ၀င်ရောက် တွယ်ကပ်နေပြီဖြစ်ပါတယ်..၊ မှန်ပြတင်းများက ကွဲနေသလို လေတိုက်ရင် တံခါးများက လက်ခုပ်တီးသလို တစ်ဖျန်းဖျန်း မြည်နေပါတယ်..၊ အိမ်ကြီးက လမ်းဘက်ကို မျက်နှာမမူပဲ ညာဘက်ကို လှည့် ဆောက်ထားပါတယ်..၊ ကျွန်တော်တို့ ရှမ်းပြည်အယူအဆအရ ဒါမျိုးလှည့်ဆောက်ထားရင် နိမိတ်မကောင်းဘူး လို့ ယူဆကြပါတယ်…၊ တစ်ဝန်းလုံးလည်း ချုံနွယ် ပိတ်ပေါင်းတွေ ပြည့်နှက်နေပြီး…၊ လပြည့်ညတွေဆို.. လမ်းပေါ်ကနေ ကြည့်ရင် လရောင်နဲ့ အိမ်ကြီးထဲကို တံခါးပေါက်..၊မှန်ကွဲ..များမှတစ်ဆင့် အတိုင်းသား မြင်ရပါတယ်။

          ကျွန်တော် Night Guide လုပ်တာ ညဆိုရင် ၀ိုင်းမှာ ညအိပ်လေ့မရှိပါဘူး.. ည ၁၁း၀၀ နာရီလောက်ဆို အိမ်ပြန်အိပ်ပါတယ်..၊ စာမေးပွဲ နီးမှသာ ၀ိုင်းမှာ အိပ်ဖြစ်တာပါ…၊ တစ်ည… ကျွန်တော် ၁၁း၀၀ ထိုးတာနဲ့ ကလေးတွေကို နှုတ်ဆက်..၊ ဆိုင်ကယ်မောင်းပြီး…၊ အိမ်ပြန်ခဲ့ပါတယ်..၊ ငါးမိနစ်လောက်စီးပြီးရင်ပဲ… ဆိုင်ကယ် နောက်ဘီးက ထောင်းကနဲ အသံကြားလိုက်ရတယ်.. ဆိုင်ကယ်ရပ်ပြီး စစ်ဆေးကြည့်လိုက်တော့.. ချိန်းကြိုး ပြတ်သွားတာ… ဒီလိုအချိန်ဆိုရင် ရန်ကုန်၊ မန္တလေးလိုမြို့မျိုးမှာ စည်ကားနေသေးပေမယ့် လားရှိုးလိုမြို့ ကတော့ ဆိုင်တွေ အကုန်ပိတ်ပြီး လူသွားလူလာ လုံးဝ ပြတ်သွားတဲ့ အချိန်မျိုးပါ…၊ ကျွန်တော်လည်း လုပ်ဖို့ တစ်ခုပဲရှိပါတော့တယ်..၊ ဒါကတော့ အိမ်ထိ ဆိုင်ကယ်ကို တွန်းပြီးပြန်သွားဖို့ပါပဲ…။

          ကျွန်တော်ဆိုင်ကယ်တွန်းပြီး ၁၀ မိနစ်လောက်ကြာအောင် လမ်းလျှောက် ပြီးတော့ အဲဒီအိမ်ကြီးကို လှမ်းမြင်လိုက်ရပါတယ်..၊ အိမ်ကြီးမြင်မှ ကျွန်တော် သတိရတာကို ငါဒီအိမ်ကြီးရှေ့က ဘယ်လို ဖြတ်လျှောက် ရမလဲဆိုတာပါပဲ..၊ ကျွန်တော် ဆိုင်ကယ်ကို ဒေါက်ထောက်၊ နောက်ကဖြစ်ဖြစ် ရှေ့က ဖြစ်ဖြစ် တစ်ခြား အဖော်များ လာလေမလားဆိုပြီး စောင့်ကြည့်နေပါသေးတယ်..၊ ဘယ်သူမှ ပေါ်မလာပါဘူး..၊ လာကလည်း ထိန်ထိန် သာလျှက်ပါ…၊ နောက်ဆုံး…ဖြစ်ချင်ရာဖြစ်..သွားမယ်ကွာ… သူတို့က လူကို ခြောက်ပဲခြောက်နိုင်တာ.. ဘာမှ လုပ်နိုင်တာမဟုတ်ဘူးလို့တွေးပြီး… ဆိုင်ကယ်ကို တွန်းလာခဲ့ပါတယ်…၊

          အဲဒီခြံရှေ့ စရောက်တာနဲ့ လူကို ကြက်သီးတဖြန်းဖြန်း ထသွားပါတယ်..၊ ကျွန်တော် သတိထားမိတာ က ကျွန်တော် သရဲ၊ ၀ိဥာဉ်၊ နာနာဘာဝတွေ ခြောက်လှန့်တာ မခံရခါနီး ကြက်သီးထတတ်တာပါပဲ…၊ ကျွန်တော် ကိုယ့်စိတ်ကိုယ်တင်းပြီး ဆိုင်ကယ် ဆက်တွန်းလာတယ်..၊ အရင်ဆုံး ကျွန်တော် ကြားလိုက်ရတာက မိန်းကလေးတွေရဲ့ ရီသံကိုပါ… ကျွန်တော်ခေါင်းကြီးသွားပါတယ်..သွားပြီ.. ငါတော့ အခြောက်ခံနေရပြီ လို့တွေး မိပါတယ်.. ကျွန်တော် ပါးစပ်ကလည်း ရသမျှ ဘုရားစာတွေ ဆိုပါတယ်..၊ ကိုယ်အရမ်းရတဲ့ ဘုရားစာ တွေက ဒီလိုအချိန်မှာ အကြောက်လွန်ပြီး မေ့သွားတတ်ပါတယ်..၊ သြကာသ တောင် ဆက်မဆိုတတ်လောက် အောင်ကို ဖြစ်သွားပါတယ်..ကျွန်တော် ကိုယ်တွေ့ပါ..၊ ကျွန်တော် အိမ်ထဲကို လှည့်မကြည့်ဖို့ ဆုံးဖြတ်လိုက်ပါ တယ်..၊ ဟုတ်တယ်လေ.. သူတို့က ကြည့်စေချင်လို့ ရီသံပေးနေတာကို ကျွန်တော်က လှမ်းကြည့်လိုက်ရင်.. ကျွန်တော် အခြောက်ခံရမှာပေါ့..ကျွန်တော် ခေါင်းငုံပြီး ဆိုင်ကယ်ကိုသာ ဆက်တွန်းပါတယ်..၊ ဘုရားစာမရတော့..၊ သီချင်းပြောင်းဆိုကြည့်တယ်..၊ ဒါကျတော့ ရတယ်ဗျ… မမေ့ဘူး..:) .. စိတ်အာရုံကို အဲဒီ အိမ်ကြီးဘက်မရအောင် ထိန်းထားတယ်..၊ ရီသံခဏပျောက်သွားတယ်..၊ ခဏတော့ စူးစူးဝါးဝါးအော်ငိုသံတွေ ထွက်လာတယ်…၊ ကလေးကို မိဘက အသားကုန်ရိုက်လို့ ငိုနေတဲ့ အသံမျိုးပါ..၊ ဒါပေမယ့် ကလေးသံတော့ မဟုတ်ပါဘူး..၊ ခုနက ရီနေတဲ့ အမျိုးသမီးတွေအသံပါပဲ… ဒီတစ်ခါတော့ ကျွန်တော်လည်း လှည့်မကြည့်ပဲ ဆိုင်ကယ်ကို တွန်းပြီး တောက်လျှောက်ပြေးပါတော့တယ်..၊ ပြေးလေ နှေးလေပါပဲ..ကိုယ့်ကိုယ်ကို အရမ်းနှေး တယ်လို့ ထင်မိပါတယ်..၊ လူတစ်ကိုယ်လုံးလည်း ချွေးတွေ စိုရွှဲနေပါပြီ..၊ အဲဒီအိမ်ကို ကျော်သွားမှပဲ ဆိုင်ကယ် ခဏရပ်ကာ အမောဖြေနေလိုက်ပါတယ်..

          အဲဒီအချိန်မှာ ကျွန်တော့်ကို တစ်ယောက်ယောက်က စိုက်ကြည့်နေသလိုမျိုး ခံစားလိုက်ရတယ်..၊ လူတစ်ယောက်က ကိုယ့်ကို နောက်ကနေ စိုက်ကြည့်နေရင် မသိစိတ်ကနေ သိတတ်တာကို လူတိုင်း ကြုံဖူးမှာပါ..ကျွန်တော်ခံစားရတာလဲ.. အဲဒီအတိုင်းပါပဲ…ကျွန်တော်လည်း.. ဘာဖြစ်လဲ.. ငါအဲဒီခြံဝန်းကျော်လာ ပြီပဲဆိုပြီး.. လှည့်ကြည့်လိုက်ပါတယ်…. အဲဒီမှာ …လားလား… အဲဒီအိမ် အပေါ်ထပ် ပြတင်းပေါက်ကနေ ကျွန်တော့်ကို သေချာ စိုက်ကြည့်နေတဲ့ အမျိုးသမီး သုံးဦးကို လရောက်အောက်မှာ တွေ့လိုက်ရပါတယ်..၊ မျက်နှာကတော့ မည်းတူးနေတာပါပဲ… ဆံပင်တွေကတော့ အရှည်ကြီးတွေပါ… အရပ်လည်း တော်တော်ရှည်ကြပါတယ်…၊

          ကျွန်တော် ပြန်လှည့်ကြည့်တာလည်း မြင်ရော ညီမသုံးယောက်လုံး နောက်လှည့်ပြီးပြေးပါတယ်..၊ ခြေသံတွေ တစ်ဒုန်းဒုန်းကို အတိုင်းသား ကြားနေရပါတယ်..၊ အောက်ထပ်ကို ပြေးဆင်းလာတာပါ…၊ ပြီးတော့ ခြံဝန်းထဲကို ပြေးထွက်လာကြပါတယ်….

          ကျွန်တော် ဘာမှ စဉ်းစားမနေတော့ပါဘူး…၊ ဒါသူတို့ ကျွန်တော့်နောက်ကို လိုက်မလို့ ပြေးဆင်းလာကြတာပါ…ကျွန်တော်ဆိုင်ကယ်ဒေါက်ပြန်ဖြုတ်…တွန်းပြီး … ပြေးပါတော့တယ်… ပုဆိုးဝတ် ထားတာဆိုတာ့ လိုသလောက် ခရီးမပေါက်ပါဘူး…. ဒါပေမယ့် လုံးဝ နောက် လှည့် မကြည့်တော့ ပါဘူး…ကျွန်တော်တို့ လမ်းထိပ် ရောက်တဲ့အထိ လုံးဝ မရပ်ပဲ တောက်လျှောက် ပြေးပါတော့တယ်…၊

          ကျွန်တော်တို့လမ်းထဲဝင်တော့ ကျွန်တော် သတ္တိရှိသွားပါပြီ…ဒီလမ်းက ငယ်ငယ်လေးကတည်းက နေခဲ့တာမို့လို့ ကြောက်စိတ်လုံးဝမရှိပါ… ဒီလမ်းထဲထိတောင် လိုက်လာရင်တော့ ရင်ဆိုင်တွေ့မယ်လို့ ဆုံးဖြတ်ပြီး ဆိုင်ကယ်ကိုရပ်ပြီး နောက်လှည့်ကြည့်လိုက်ပါတယ်…၊

          ကျွန်တော့်စိတ်ထဲမှာတော့ ဘာမှ မရှိတော့ဘူးထင်ပြီး လှမ်းကြည့်လိုက်တာပါ… ဒါပေမယ့် လမ်းထိပ်မှာ အံတွေကြိတ်ပြီး.. မျက်နှာမည်းတူးပြီး..ဆံပင်အရှည်ကြီးတွေနဲ့ တော်တော်အရုပ်ဆိုးတဲ့ အဲဒီညီမသုံးယောက် ရပ်နေတာကို တွေ့လိုက်ရပါတယ်…စိတ်တိုနေတဲ့ပုံတွေပါ.. အံတွေကြိတ်ထားလို့ မေးရိုးတွေတောင် ထောင်လို့ပါ…၊ ကျွန်တော် ရပ်နေပါတယ်…၊ သူတို့ လိုက်မလာပါဘူး…၊ လမ်းထိပ်ကနေသာ ကျွန်တော့်ကို စိုက်ကြည့်နေပါတယ်..၊ ကျွန်တော်လည်း ကိုယ့်လမ်းထဲမှာ မပြေးဖို့ ဆုံးဖြတ်ထားလို့ မပြေးပါဘူး…၊ သူတို့ ၀င်မလာပါဘူး… ကျွန်တော့် အထင် လမ်းထဲကို ၀င်လို့မရလို့ထင်ပါတယ်..၊ ကျွန်တော်လည်း အမောပြေမှ ဆိုင်ကယ်ကို အိမ်ထဲ အေးအေးဆေးဆေးတွန်းဝင်.. ရေသောက်…ဘုရားရှိခိုး.. မေတ္တာသုတ်ကို ရွှတ်ဖတ်ပြီး အိပ်ယာဝင်ခဲ့ပါတော့တယ်…။

          နောက်မှ ပြန်တွေးကြည့်မိတော့ ကျွန်တော် တစ်ကယ်လို့ ပထမနေရာမှာ ကတည်းက မပြေးပဲ ရပ်နေမယ် ဆိုရင် သူတို့ ကျွန်တော့်ကို ဘာလုပ်ကြမှာလဲ…အိမ်ပေါ်ထပ်ကနေ ပြေးဆင်းလာပြီး.. ကျွန်တော့်ကို သူတို့ ခြောက်လှန့်ချင်လို့လား..ဒါမမဟုတ်..အကူအညီတောင်းစရာရှိလို့လား… အကူအညီတောင်းဖို့တော့ ဖြစ်ဟန် မတူပါဘူး… ဒေါသတွေကြီးပြီး စိတ်တိုနေတဲ့ သူတို့ ဟန်ပန်ကြည့်ရတာ.. လူကို ဒုက္ခပေးဖို့ ရည်ရွယ် ချက်ရှိဟန်တူပါတယ်…

          ဒါဆိုဘာလို့ သူတို့ အိမ်ရှေ့ ဖြတ်ကတည်းက ..ဆင်းလာပြီး ဒုက္ခမပေးတာလဲ..? ကျွန်တော်သူတို့ အိမ်ရှေ့ဖြတ်လျှောက်တုန်းက ရီသံတွေ..၊ ငိုသံတွေ.. ကြားရပေမယ့် အိမ်ဖက်ကို လုံးဝ မကြည့်ခဲ့ပါဘူး..၊ စိတ်ကိုလည်း… အိမ်ကြီးဖက်မရောက်အောင်… ဘုရားစာဆိုလိုက်.. သီချင်းဆိုလိုက်…လုပ်ခဲ့တာပါ… ခြံဝင်းကျော်မှသာ သိချင်စိတ်ကြောင့် နောက်ကို ပြန်လှည့်ကြည့်မိလိုက်တာပါ…

          ဒါဆို ကောက်ချက်ချလို့ရတာက သူတို့နဲ့ စိတ်ချင်း ဆက်သွယ်မှု ရမှသာလျှင် လူကို ဒုက္ခပေးနိုင်တာ ဖြစ်ပါလိမ့်မယ်..၊ ဒါကြောင့် သရဲ ကြောက်တတ်သူများ မိမိ၏ ကြောက်စိတ်က မိမိကို ပြန်လည်ပြီး ဒုက္ခပေး တတ်ကြောင်း အသိပေးလိုပါတယ်.. ကြောက်တတ်ရင် လုံးဝမစဉ်းစားပါနဲ့…မတွေးပါနဲ့… အဲ… ကြုံလာခဲ့ရင် တော့ ကျွန်တော့်လို ပြေးသာပြေးပါ….ဘာမှတွေးမနေပါနဲ့… တစ်ခုတော့ သတိပေးပါရစေ… ပုဆိုးတော့ မြဲအောင် ၀တ်ထားပါ…J

          အခုတော့ အဲဒီအိမ်ကြီးလည်း မရှိတော့ပါဘူး.. ဗျူဟာမှူး တစ်ယောက်က ၀ယ်ပြီး စစ်မိန့် နဲ့ နှင်ထုတ် ပြီးပြီလို့ သိရပါတယ်..၊ အိမ်ဟောင်းကြီးကိုဖျက်ပြီး အိမ်သစ်ကြီးလည်း ဆောက်ထားပါတယ်…၊ အဲဒီ ညီမသုံး ဖော်လည်း ကျွန်တော်နဲ့ နောက်ဆုံးတွေ့ပြီးကတည်းက အစပျောက်သွားခဲ့တာ အခုထိ ဘာသတင်းမှ မကြားရ တော့ပါကြောင်း………………………….။

အောင်ထွန်းဦး

၅. ဧပြီ. ၂၀၁၂ ခုနှစ်

ည ၁၁း၃၀