နေပြည်တော် ကောင်စီနယ်မြေ ဇေယျာသီရိ မြို့နယ်တွင် မိခင် ဝက်မကြီးမှ ဝက်သားပေါက် ခြောက်ကောင် မွေးဖွားသည့် အနက် သုံးကောင်မှာ ဝက်ခန္ဓာကိုယ်နှင့် ဆင်ခေါင်း သဏ္ဌာန် တစ်ကောင်၊ ကြံ့ခေါင်းသဏ္ဌာန် တစ်ကောင်၊ မျောက်ခေါင်းသဏ္ဌာန် တစ်ကောင်တို့ ပါဝင်ခဲ့ကြောင်း သိရသည်။
ယနေ့ နံနက် ၉ နာရီတွင် ဇေယျာသီရိ မြို့နယ် ခေတ်အေး ကျေးရွာအုပ်စု မရင်းကြီး ကျေးရွာနေ ကိုသန်းနိုင်ဦး-မဇင်မာဦးတို့ မွေးမြူထားသော ဝက်မကြီးမှ ဝက်ပေါက် အထီးတစ်ကောင် စတင် သားကျပြီး ဒုတိယ သားပေါက်တွင် ကြံ့ခေါင်း သဏ္ဌာန်ဖြင့် တစ်ကောင်၊ တတိယ သားပေါက်တွင် ဆင်ခေါင်း သဏ္ဌာန်ဖြင့် တစ်ကောင်၊ စတုတ္ထ သားပေါက်တွင် မျောက်ခေါင်း သဏ္ဌာန်ဖြင့် တစ်ကောင်၊ ထို့နောက် ဝက်ပေါက် နှစ်ကောင် စုစုပေါင်း ခြောက်ကောင် ပေါက်ဖွား ခဲ့ကြောင်း သိရသည်။
ယခုပေါက်ဖွားသော ဝက်သားပေါက် ကလေးများမှာ အလျား ၈ လက်မခန့် ရှိပြီး ဆင်ပေါက် ကလေးမှာ နှာမောင်းတစ်ခု ဆင်မျက်လုံး နှစ်လုံး ပါရှိသည်။ ကြံ့ပေါက်လေးမှာ ဦးခေါင်းမျက်နှာပြင် အလယ် တည့်တည့်တွင် မျက်လုံးကြီး တစ်လုံးတည်း ပါရှိပြီး အစွယ်နု၊ ဦးချိုနု၊ ကြံ့ပါးစပ်နှင့် ဝက်ခန္ဓာ ပါရှိပြီး မျောက်သတ္တဝါမှာ မျက်နှာသည် မျောက်မျက်နှာစင်စစ် ဖြစ်ပြီး ခန္ဓာကိုယ်မှာ ဝက်ခန္ဓာကိုယ် ဖြစ်ကြောင်း သိရသည်။
''မွေးပြီး သုံးနာရီ အကြာ မွန်းတည့် ၁၂ နာရီမှာ ဆင်ပေါက်လေးနှင့် ကြံ့ပေါက်လေး သေဆုံးသွားတယ်၊ မျောက်လေးကတော့ အသက်ရှင်လျက် ရှိပါတယ်၊ သေသွားတဲ့ ကြံ့နဲ့ဆင်ကိုတော့ သက်ဆိုင်ရာ တာဝန် ရှိသူများကို ပြပြီး ညွှန်ကြားသလို ပြုလုပ်ပါမယ်''ဟု ဝက်ပိုင်ရှင် မဇင်မာဦးက မြဝတီ သို့ ပြောကြားသည်။
ယခုအခါ ထူးဆန်းစွာ မွေးဖွားလာသော သတ္တဝါလေး များအား ပတ်ဝန်း ကျင် ကျေးရွာများမှလာရောက်ကြည့်ရှု သူများနှင့် စည်ကားလျက် ရှိကြောင်း တွေ့မြင်ရသည်။
credit to - မြ၀တီ
အောင်ထွန်းဦး
No comments:
Post a Comment