ခေါင်ရမ်းပန်းနဲ့ ကလေးသရဲ

ကျွန်တော် ငယ်စဉ်ကတည်းက စိတ်ဝင်အစားဆုံးအရာက ခေါင်ရမ်းပန်းနဲ့ ကြောင်နက်…။ ငယ်ဘ၀ကတည်း လူကြီးတွေ ပြောတာကြားဖူးတယ်..။ လူသေခေါင်းမှာ ခေါင်ရမ်းပန်း  ပန်ပေးလိုက်ရင် အဲ့ဒီလူသေဟာ ဖုတ်ဝင်ပြီး သင်းချိုင်းကို တန်းတန်းမတ်မတ် လမ်းလျှောက်သွားတယ်လို့ ကြားဖူးတယ်..။ ရှေးတုန်းက အသုဘချကြရင်လည်း ဒီလိုပဲ ချတတ်ကြသတဲ့..။ နောက်တစ်ခုကတော့ ကြောင်နက်…။ ကြောင်နက် ဆိုတဲ့ နေရာမှာ ကြောင်က တစ်ကိုယ်လုံး မဲနက်နေရမယ်..။ သူရဲ့ မျက်လုံးအစ..။ တစ်ကိုယ်လုံးမဲနက်နေတဲ့ ကြောင်ကိုတော့ ကျွန်တော် တော်တော် များများ တွေ့ဖူးပါတယ်..။ ဒါပေမယ့် မျက်လုံးပါ မဲနက်နေတဲ့ ကြောင် ကတော့ ကျွန်တော့်တစ်သက် ၂ ခါပဲ မြင်ဖူးသေးတယ်..။ ရှားလဲ တော်တော်ရှားမယ့် အမျိုးပါပဲ..။ ရှေးလူကြီး တွေ ပြောကြတာတော့ တောထဲမှာပဲ နေတတ်ကြတဲ့..။ ထူးခြားတာက အဲ့ဒီလိုမျိုးကြောင်နက်တစ်ကောင်က လူသေအလောင်းတစ်ခုရဲ့ ဘယ်သူမှ စေခိုင်းချက်ကြောင့် မဟုတ်ပဲ ညာဘက်ကနေ ဘယ်ဘက်ကို ခုန်ကျော် လိုက်ပြီဆိုရင် အလောင်းကောင်ဟာ ဖုတ်ဝင်ပြီး အသက်ပြန်ရှင်လာတယ်လို့ လဲ ကြားဖူးပါတယ်..။ ဒီနေရာမှာ ပြောချင်တာက ကြောင်ကို အလောင်းကောင်ရဲ့ တစ်ဖက်ကနေ အစာနဲ့မျှားပြီး ခုန်ကျော်အောင် လုပ်တာမျိုးကို မဆိုလိုပါဘူး..။ ဒီအယူအဆကတော့ နိုင်ငံတော်တော်များများမှာ ပျံ့နှံ့ခဲ့သလို အချို့ဗွီဒီယိုကားတွေမှာလည်း ဒီဓလေ့ကို ထည့်သွင်းရိုက်ကူးကြတာ မြင်ဖူးကြမှာပါ…။ နိဒါန်းတောင် တော်တော် ရှည်သွားပြီ..။ ကျွန်တော် ပြောပြချင်တာက ကျွန်တော့်သူငယ်ချင်းတစ်ယောက် ခေါင်ရမ်းပန်း တစ်ပွင့်နဲ့ ဒုက္ခရောက်ခဲ့ရတဲ့ ဇာတ်လမ်း လေး တစ်ပုဒ်ပါ..။ ကဲ…စပါပြီ…။

ကျွန်တော် သူ့ကို ဒီအကြောင်းတွေ ပြောပြတော့ သကောင့်သားက ရယ်တယ်ခင်ဗျ..။ ပြီးတော့ သူလက်တွေ့ စမ်းချင်တယ်တဲ့..။ ဒါနဲ့ လာမည့် တနင်္ဂနွေနေ့ အပုပ်ချိန် ညနေ (၅း၀၀) နာရီ သင်းချိုင်းမှာ စမ်းကြမယ်လို့ ကျွန်တော်တို့ တိုင်ပင်ထားလိုက်ကြတယ်..။ သင်းချိုင်းမှာဆိုတော့ ညဘက်တော့ မစမ်းရဲဘူးဗျို့..။ ဒါကြောင့် အပုပ်ချိန်ကို ရွေးလိုက်ရတာ..။ ပြောပြရအုံးမယ်..။ ကျွန်တော်တို့က သရဲအကြောင်းဆို စိတ်ဝင်စားပြီး သင်းချိုင်းကို ခဏခဏရောက်လွန်းလို့ အဲ့ဒီက သုဘရာဇာနဲ့တောင် မိတ်ဆွေတွေ ဖြစ်နေကြပြီ..။ အခုကိစ္စမှာ လည်း သူလည်း စိတ်ဝင်စားတာကြောင့် ပါမယ်ပေါ့ဗျာ..။ ပြီးရင် သူ့ကို ကိစ္စထူးထူး မထူးထူး ထုံးစံအတိုင်း အရက်ဖိုးတော့ ပေးခဲ့ရမှာပေါ့..။

စနေနေ့မှာ ကျွန်တော် အလုပ်ကိစ္စနဲ့ ရန်ကုန်ကို ခရီးထွက်ခဲ့ရတယ်..။ ရန်ကုန်မှာ နှစ်ပတ်ကြာတယ်..။ ကျွန်တော်ပြန်လာတော့ ဟိုကောင် ဆေးရုံတက်နေရတယ်တဲ့..။ ကျွန်တော် ဆေးရုံကို လိုက်သွားတော့ သက်သာနေတဲ့ သူ့ပုံစံကိုတွေ့လို့ စိတ်သက်သာရာရခဲ့တယ်..။ ဒီကောင်ပြောပြတာက ကျွန်တော် မလာနိုင် မှန်း သိပေမယ့်လည်း စမ်းချင်တဲ့ စိတ်ကို မထိန်းနိုင်တာနဲ့ သူရယ်.. သူငယ်ချင်းတစ်ယောက်ရယ်.. အဲ့ဒီ တနင်္ဂနွေနေ့ ညနေ (၅း၀၀) နာရီမှာ သင်းချိုင်းကို ဆိုင်ကယ်နဲ့ထွက်ခဲ့ပါသတဲ့..။ လက်ထဲမှာတော့ ခေါင်ရမ်းပွင့် တစ်ပွင့်ကို ကိုင်လို့ပေါ့လေ..။

သင်းချိုင်းကိုရောက်ရင်ပဲ သုဘရာဇာဦးလေးက တံခါးလာဖွင့်ပေးတယ်..။ပြီးတော့ ကျွန်တော့်ကိုမေးတယ်တဲ့..။ ဒီကောင်က ကျွန်တော် ရန်ကုန်သွားနေလို့ မလာနိုင်ဘူးဆိုတော့ သူတို့ကို အတင်းပြန်နှင်ထုတ်တယ်ဆိုပဲ..။ နောက်ဆုံး ဒီကောင်တွေလည်း မရမကပြောပြီး မုန့်ဖိုးပိုပေးပါ့မယ် ဘာညာနဲ့ သဘောတူခဲ့ကြတာပေါ့..။ ဒီလိုနဲ့ ဇရပ်ထဲမှာ ဒီညနေကမှ လာပို့ထားတဲ့ ကလေး အလောင်း တစ်လောင်းရှိတယ်..။ နက်ဖန်ကြမှ မြေမြှပ်မှာ…။ စမ်းသပ်ချင်ရင် အဲ့ဒီအလောင်းကို စမ်းသပ်လို့ရတယ်ပေါ့…။ အခေါင်းက ကျကျနနကို လုပ်ထားတာ..။ ကနုတ်ပန်းတွေ ဘာတွေနဲ့…။ 

သူအခေါင်းကိုဖွင့်လိုက်တယ်..။ ကောင်လေးက ၀မ်းလျှောပြီး ဆုံးထားတာ ဆိုတော့ ပါးချောင် နားချောင်တွေ ကျနေပြီး အရိုးစုပုံစံဖြစ်နေပေမယ့် ချစ်စရာကောင်းတဲ့ မျက်နှာလေးကတော့ပေါ်လွင်နေတယ်..။ ပြီးတော့ ကောင်လေးရဲ့မျက်နှာမှာ သနပ်ခါးတွေ လိမ်းပေးထားတာလဲဖွေးလို့…။

သူ ကြာကြာမတွေးတောပဲ.. ကောင်လေးရဲ့ ဘယ်ဘက်နားကြားထဲကို ယူလာတဲ့ခေါင်ရမ်းပန်းထိုးပေးလိုက်တယ်..။ ခဏစောင့်ကြည့်တယ်..။ ထူးလာမလားပေါ့…။ ဘာမှ ထူးမလာဘူး..။ ၁၀ မိနစ် ကြာသွားလည်း ထူးမလာဘူး..။ ဒီလိုနဲ့ ဘာမှလည်းမထူးဘူး ကျွန်တော့်ကို ပြန်ပြောစရာ ရပြီဆိုပြီ ပြန်မယ် အလုပ်မှာ သင်းချိုင်းကုန်း ခြံဝင်း သံတံခါးခေါက်သံကို ကြားလိုက်တယ်..။ သူရယ်..၊ သူ့သူငယ်ချင်းရယ်..၊ သုဘရာဇာ ဦးလေးရယ်.. ဘယ်သူပါလိမ့်ဆိုပြီး သွားလိုက်ကြတယ်..။ ကလေးငယ် တစ်ယောက်…။ ရုပ်က မသဲကွဲ…။ သုဘရာဇာ  ဦးလေးက..

"ဟေ့ ကလေး..မိုးချုပ်တော့မယ်.. ဒီမှာ… ဘာလုပ်မလို့လဲ…"

"ကျွန်တော့်ကို ဒီကနေ ခေါ်နေလို့လာတာ.."

"မင်းက ဒီက ဘယ်သူမှမခေါ်ဘူး..။ မှန်းစမ်း..၊ ဘယ်ရပ်ကွက်ထဲကကလေးလည်း..၊ မိုးချုပ်တော့မယ်.. အိမ်ပြန်တော့" ဆိုပြီး မျက်နှာကို ဓါတ်မီးနဲ့ ထိုးလိုက်တာ…..

 လားး လားး… အဲ့ဒီကလေးက… သူတို့ခုနမှ ခေါင်ရမ်းပန်း ပန်ပေးလိုက်တဲ့ကလေးလေး..။ မျက်နှာမှာ သနပ်ခါးအဖွေးသားနဲ့…။ ဟုတ်ပါတယ်..။ သေချာကြည့်လိုက်မှ သူ့ဘယ်ဘက်နားရွက်ထက်မှာ ပန်းကြီးတစ်ပွင့်..။

ဒါသူ နောက်ဆုံးမှတ်မိပြီး ပြန်သတိရလာတော့ ဆေးရုံရောက်နေတာတဲ့..။ ဟိုတစ်ကောင်ကတော့ သတ္တိရှိပုံ ရတယ်..။ ဆေးရုံတက်ရလောက်အောင် ဘာမှ မဖြစ်လိုက်ပေမယ့် မန္တလေးမှာပဲနေတော့မယ်ဆိုပြီး ပြောင်းသွားလေရဲ့…။ ကျွန်တော်တော့ ဒီအဖြစ်အပျက်နဲ့ မကြုံလိုက်ရတာ ကံကောင်းတာလား ကံဆိုးတာလား မသိတော့ပါဘူးဗျာ…။

အောင်ထွန်းဦး

သားလေးက ပေးခဲ့တဲ့ သင်ခန်းစာ

"မေမေ… သားခေါင်းက ဆံပင်တွေ ဘယ်တော့ပြန်ပေါက်လာမှာလဲဟင်…"

ဒီလို မေးလိုက်တိုင်း သူမမှာ ပြန်ဖြေစရာ အဖြေမရှိခဲ့..။ ဘယ်တော့မှ ဆံပင်ပြန်မပေါက်နိုင်တော့တဲ့ သားလေးရဲ့ ခေါင်းလေးကို ပွတ်သပ်လိုက်ပြီး..

"နောက်ကျရင် ပြန်ပေါက်လာမှာပေါ့သားရယ်….."

သားလေး သူမတို့ မိသားစုထဲကို ရောက်လာတော့ သူမဘ၀အတွက် အရာရာပြည့်စုံသွားခဲ့ပြီ..။ ချစ်တဲ့ ခင်ပွန်းရယ်..၊ သားလေးရယ်က သူမအတွက် နိဗ္ဗာန်ဘုံဆိုလည်းမမှား…၊ ဒါပေမယ့် ကောင်းတာတွေပဲ အမြဲ မဖြစ်တတ်တဲ့ လောကကြီးရဲ့ ပုံသေနည်းအတိုင်းပင် သားလေးတွင် ကင်ဆာရောဂါဆိုး ၀င်ရောက်ခဲ့ပြီး အခုဆိုရင် ဆရာဝန်က သားလေးရဲ့ သက်တမ်းကို နောက်ဆုံး ၆ လလို့တောင် သတ်မှတ်ထားနေပြီလေ..။

အတွေးတွေကြောင့် ကျလုဆဲဆဲ မျက်ရည်တို့ကိုသုတ်ရင်း ကုတင်ပေါ်က သားလေးကို သူမ အားယူပြုံးပြ လိုက်သည်။ သားလေးက ကုတင်ပေါ်မှ အားယူထိုင်လိုက်ပြီး…

"သားကျောင်းပြန်တက်ချင်တယ်မေမေ… စာတွေလည်း မမှီမှာစိုးတယ်.. စာမေးပွဲလည်း ဖြေရအုံးမှာလေ…"

"ဖြေရမှာပေါ့သားရယ်… နောက်တစ်ပတ်ဆို သားက ဆေးရုံက ဆင်းရတော့မှာလေ… "

သူမအသံတွေ တုန်နေမိသည်ထင်သည်။ ချစ်တဲ့ သားလေးနှုတ်ခမ်းပေါ်က အပြုံးလေးတစ်ပွင့်ကို သူမတွေ့လိုက်ရသည်။ သူမ ဒီအခိုက်အတန့်လေးကို သူမမှာ ရှိသမျှ စည်းစိမ်တွေ အကုန်သုံးပြီး ရပ်တန့် ထားလိုက်ချင်သည်။ စိတ်ထဲမှာတော့ သားလေးအတွက် သူမ မီးပင်လယ်ဝေနေပြီလေ…။

"သားကို ကျောင်းမထားရဘူး..၊ သားက နေကောင်းသေးတာလည်း မဟုတ်ဘူး.. အိမ်မှာပဲ အေးအေးဆေးဆေး နေပြီး သားလေးကို မရ ရအောင် အကို ကုမယ်…."

"ဒီမယ် အကို…၊ သားလေး လူ့လောကမှာ ဘယ်လောက်ပဲနေရတော့မှာလဲဆိုတာ အကိုလည်း သိတယ်..၊ သားလေးရဲ့ နောက်ဆုံးအချိန်ကို ပျော်ပျော်ကြီး ဖြတ်သန်းနိုင်အောင် ကျွန်မတို့ ၀ိုင်းကူညီပေးရအောင်ပါ အကို…"

သူ နှုတ်ဆိတ်သွားသည်။ သားလေးကို နောက်ဆုံးအချိန်ထိ မျှော်လင့်နေသည့် ဖခင်တစ်ယောက်ရဲ့ စိတ်ကို သူမသိသည်။ သူဘာမှ မပြောပဲ သူမဆီလျှောက်လာသည်။ မျက်ရည်စတို့ တွဲခိုနေတဲ့ မျက်ဝန်းအစုံကို သူမ ရဲ့ ရင်ခွင်ထဲတွင် အပ်ပြီး ကလေးငယ် တစ်ယောက်လို ရှိုက်ကြီး တငင် အော်ငိုချလိုက်သည်။ တော်ရုံ တန်ရုံ ၀မ်းနည်းခဲတဲ့သူ ငိုမိတာကို သူမ မအံ့သြမိ..။ တစ်ကယ့်ယောက်ျားပီသသူတွေက ငိုတတ်ကြတာပဲလေ…။

ဒီမနက် သားလေး ကျောင်းပြန်တက်ရမှာ ဖြစ်တာကြောင့် တစ်အိမ်လုံး ဆူညံပြီး ပျော်ရွှင်နေကြသည်။ ကျောင်းဝတ်စုံအပြည့်နဲ့ သားလေးကို ကြည့်ရတာ မိုးပေါ်မှ နတ်သားလေး တစ်ပါးဆင်းလာသလို ကျက်သရေ ရှိလှသည်။ သူမ သားလေးကို ဦးထုပ်လေး ဆောင်းပေးလိုက်ပြီး…

"ကျောင်းမှာ ပျော်ပျော်နေနော် ..သားလေး…"

အချိန်တွေက ကုန်ဆုံးတာ အရမ်းမြန်တယ်လို့ ထင်မိသည်။ သူမဘ၀တစ်လျှောက်လုံး ဒီအချိန်တွေသည် အမြန်ဆုံး ကုန်ဆုံးနေသည်ဟုလည်း ထင်မိသည်။ ညနေ မိုးချုပ်မှာကို ကြောက်နေမိသလို နေ့သစ်အဖြစ် နံနက် နေထွက်လာတာကိုလည်း သူမ ရင်မဆိုင်ဝံ့ခဲ့..။ သားလေးက ကျန်းမာရေးအခြေအနေ ဆိုးဝါး လာတာ ကြောင့် အခု ကျောင်းမတက်တော့ပဲ အိမ်မှာပဲ နေနေရသည်။ သူမဘ၀အတွက် အဆိုးဆုံးအချိန်ကာလကို ရောက်တော့မယ်ဆိုတာ သူမသိပေမယ့်လည်း ကြိုတင်ပြင်ဆင်ဖို့ စိတ်မကူးမိသလို တွေးလည်း မတွေး..။ ကုတင်ပေါ်မှာ ရောဂါဒဏ်ရဲ့နှိပ်စက်မှုကြောင့် လူးလွန့်အော်ဟစ်နေရှာတဲ့ သားလေးကို သူမ မကြည့်ရက်တော့..။

"သူရဲ့နောက်ဆုံး အချိန်ကို ရောက်နေပါပြီ…၊ ကြိုတင်ပြင်ဆင်ထားပါဗျာ…"

မိသားစုဆရာဝန်တဲ့ စကားက သူမနားထဲကို သံရည်ပူတွေလောင်းထည့်သလို စီးဆင်းလာသည်။ သူမ သားလေးရဲ့လက်ကို နွေးထွေးစွာဆုပ်ကိုင်ထားလိုက်သည်။ သားလေးခံစားနေရတဲ့ ဝေဒနာအားလုံး လက်ကနေ တစ်ဆင့် သူမဆီကို အကုန်ပို့လိုက်ပါဆိုပြီး စိတ်ထဲကနေ အထပ်ထပ်အခါခါ ဆုတောင်း နေမိပါတယ်…။ ဝေဒနာခံစားနေရတဲ့ သားလေးကို ဘာမှ မလုပ်ပေးနိုင်ပဲ ဘေးနားကနေ ထိုင်ကြည့် နေရတဲ့ ခံစားမှု အတော့်ကို ဆိုးဝါးလှတယ်လို့ သူမထင်မိသည်။

မှတ်မှတ်ရရ အချိန်က နံနက် (၉း၁၀) မိနစ် တိတိ…၊ သားလေးရဲ့ ရုန်းကန်နေတဲ့ ခန္ဓာကိုယ်ငြိမ်ကျသွားခဲ့ သည်။ နိမ့်လိုက်မြင့်လိုက် ဖြစ်သည်အထိ အသက်ရှုရခက်နေသော ရင်အစုံတို့သည်လည်း ငြိမ်သက် သွားခဲ့ ပြီ..၊ သူမဆုပ်ကိုင်ထားသော သားလေးရဲ့ လက်တွေသည်လည်း ဖြေလျော့သွားခဲ့ပြီ…။ သားလေးရဲ့ ကိုယ်မှ စို့နေတဲ့ ချွေးလေးတွေလည်း ခြောက်ခန်းသွားခဲ့သလို စီးဆင်းနေတဲ့ သွေးကြောတွေ ရပ်ဆိုင်းသွားမှုကြောင့် နွေးနေတဲ့ ခန္ဓာကိုယ်လည်း အေးစက်သွားခဲ့ရပြီလေ…။

ရက်လည် ဆွမ်းသွပ် ကိစ္စတွေပြီးတော့ သားလေးရဲ့ အခန်းထဲကို သူမ အလွှမ်းပြေ အမြဲတမ်း ၀င်ကြည့်ဖြစ် သည်။ သားလေးအခန်းကိုလည်း သားလေးရှိစဉ်က ပုံစံအတိုင်းမပြုပြင်ပဲ ထားခဲ့သည်။ သားလေးရဲ့ ကျောင်း လွယ်အိတ်လေးကို သူမတွေ့လိုက်သည်။ သားလေး အရမ်းကြိုက်သည့် ပင့်ကူလူသား ရုပ်ပုံနှင့် ကျောပိုးအိတ် ကလေး..၊ သူမ ကျောပိုးအိတ်ကို ဖွင့်လိုက်သည်။ သားလေးရဲ့ ကျောင်းစာအုပ်တွေကို လှန်လှော ကြည့်သည်။ တစ်နေရာအရောက် စာအုပ်ရဲ့ နောက်ကျော တစ်နေရာမှာ ဆွဲထားတဲ့ ပုံတစ်ပုံ ကို တွေ့လိုက်ရသည်။ ဆွဲထားတဲ့ ပုံက

သူမရယ်.. အကိုရယ်.. လက်တွဲနေတဲ့ပုံ… ဘေးနားမှာက အုတ်ဂူလေး တစ်လုံး….စာလေး တစ်ကြောင်း ရေးထားခဲ့သည်။

"ပျော်ရွှင်စွာ နေခဲ့ပါ ဖေဖေနဲ့ မေမေ…၊ သားကို အရမ်းချစ်မှန်း သိခဲ့ရလို့ သားပျော်ခဲ့ရပါတယ်" တဲ့

 အောက်မှာ ရက်စွဲလည်း ထိုးထား သည်။ လွန်ခဲ့သော ၆ လ က ရက်စွဲ….။ ဟင်….. သားလေး….၊ သူ….သေမယ်ဆိုတာကို ကြိုသိနေခဲ့တာပေါ့…. သူ ဒီအကြောင်းတွေကို ကြိုသိနေခဲ့တာပေါ့….သူမ အံ့သြတယ်ဆိုတာထက် ပိုမို ခံစားမှု မျိုးဖြစ်ပေါ်နေသည်။ သားလေးက ဒီခြောက်လအတွင်း ပျော်ရွှင်စွာပဲ အပူအပင်မရှိ နေထိုင်ခဲ့သည်။ 

သူမ လုံးဝ ထင်မထားမိ..။ သားလေးက သူ့ကိုယ်သူ သေလူတစ်ယောက်ဆိုတာကို သိနေပြီး ကလေးတစ်ယောက် ဖြစ်ပေမယ့် ကြုံတွေ့ လာတဲ့ လောကဓံကို သတ္တိရှိရှိ ရင်ဆိုင်သွားခဲ့တာပဲ.... လူလောကမှာ ကျန်ခဲ့တဲ့ သူမတို့ကကော လောကဓံကို သူ့လောက်တောင် ရင်မဆိုင်နိုင်ဘူးလား…။ သူမရင်ထဲ ဘယ်ကမှန်းမသိတဲ့ ခွန်အားတွေ ၀င်ရောက်လာခဲ့သည်။ သူမ တစ်ချက်ပြုံးလိုက်သည်။ အခုဆို သူမမှာ လောကဓံကို ရင်ဆိုင်နိုင်ဖို့ သားလေးက ပေးတဲ့ ခွန်အားတွေ အပြည့်ရှိနေပြီလေ….။

အောင်ထွန်းဦး

ကျုပ်နဲ့ ရန်ကုန်အထာ - ၄

ကျုပ်ကတောသားဆိုတော့ကာ… ကျုပ်ကို အပေါင်းအသင်း တစ်ချို့က ကျောင်းမှာ စိတ်ရင်းနှင့်ပေါင်းကြတယ်.. အဲ… တစ်ချို့ကြ ပြန်တော့ စချင်နောက်ချင် လောင်ချင် ပြောင်ချင်တဲ့စိတ်နဲ့ ကျုပ်ကို ပေါင်းကြတယ်… ခက်တာက… ကျုပ်အသက်လေးက ဒင်းတို့ထက် မဆိုစလောက် ကြီးနေတော့ကာ တစ်ခါတစ်လေတော့ ကျုပ်က မခံချင်ဘူးရယ်… ဒါပေမယ့် ဘယ်လိုပဲ ဖြစ်ဖြစ်ပါ… ကျုပ်ကတော့ သူတို့အားလုံးနဲ့ အဆင်ပြေအောင် နေလိုက်တာပါပဲ… ဒီနယ်က ကိုယ့်နယ် မဟုတ် တာရယ်… ဒင်းတို့လေးတွေက ကျုပ်ထက် အဆမတန် ငယ်နေတာရယ်ကြောင့်ပါ…

ရွာမှာသာ ဒင်းတို့လေးတွေ ကျုပ်ကို ဒီအချိုးမျိုး လာချိုးကြည့်ပါလား….၊ နပန် ဖုန်ထအောင် ကျင်းလွှတ်ပြီး ဘောကွင်းကို အပျင်းပြေ ဆယ်ပတ်လောက် ပတ်ပြေးခိုင်းလိုက်မယ်… ကျုပ်က ရွာမှာဆို ကြက်ခေါင်းဆိတ် ခံတာမဟုတ်ဘူး..။ မခံဆို အဘကလည်း ပိုက်ဆံရှိ ရွာသူကြီးကိုးဗျ…။ ရွာက ကာလသားတွေ အားလုံးကို ကျုပ်က တပည့်လိုပေါင်းတာ…။ ဟေ့ကောင်တွေ ဆိုတာနဲ့ တစ်ခါတည်း ဗျာ ဆိုတာလာပြီးသား..။ တစ်ခါတစ်လေတော့လည်း ဒီရန်ကုန်ကြီးကို ပစ်ပြီး ကျုပ်ဗိုလ်ကျခဲ့တဲ့ ရွာကို ပြန်ချင်သားဗျ…။ ဒါပေသည့် ကျုပ်ပြန်သွားရင် အရှက်ရမယ့် အဘတို့ကြောင့် သည်းခံပြီး နေနေရတာပလေ..။

ဒီနေ့… ကျောင်းသာ ထွက်လာခဲ့ရတယ်… စိတ်ကသိပ်ပါလှတယ် မဟုတ်ဘူး…၊ မပါဆို.. ဆရာမလေး ကလည်း ဒီနေ့ကစပြီး ခွင့်တစ်ပတ်ယူထားတယ်လေ… ဆရာမလေးမရှိရင် ကျောင်းကြီးက ကျုပ်အတွက် အဓိပ္ပာယ်မရှိတော့ဘူးလို့ ခံစားရတယ်..။ ခက်ပါတယ်…။ ကိုယ်နဲ့ရွယ်တူကလည်း ကျောင်းမှာ တစ်ယောက်မှ မရှိ..။ ရှိတဲ့ ဆရာမလေးကလည်း ကျောင်းမလာ…။ ရှုတ်ပါတယ်..။ ကျုပ် ဒီနေ့ ကျောင်းမတက်တော့ဘူး…။

အခန်းရှေ့ရောက်မှ ပြန်လှည့်ထွက်မယ်အလုပ်…

"ဦးအောင်ဘု…၊ ဦးအောင်ဘု…"

"ဘာတုန်း…."

"ဒီနေ့ သမီးရုပ်ရှင် သွားကြည့်မလို့… အဲ့ဒါ တစ်ယောက်တည်း ဖြစ်နေလို့…ဦးအောင်ဘု လိုက်ပို့မလားဟင်.."

အင်…၊ ဘာလဲဟ…၊ ထူးထူးခြားခြား..၊ အရင်က ကျုပ်ကို တွေ့တာနဲ့ မျက်စောင်းထိုး ကျုပ်နဲ့ သိပ်အစေးမကပ် တဲ့ ဒီဟာမလေးက ကျုပ်ကို ရုပ်ရှင်သွားကြည့်ဖို့ လာခေါ်နေပါလား..၊ ဘာအကွက်တွေ ရှိလဲတော့ မသိ..၊ တောသား ဆိုပေမယ့် နည်းနည်းတော့ နပ်လာပီ…

အစွမ်းထက်တဲ့ မိခင်မေတ္တာ

ဆရာဝန်တွေက Carolyn Isbister ကို သူမရဲ့ သမီးလေးဟာ နောက် မိနစ် ၂၀ အတွင်းမှာ သေဆုံးလိမ့်မယ် လို့ ပြောလိုက်တဲ့အခါမှာ သူမဟာ အဆိုးဆုံးကို ရင်ဆိုင်ဖို့ ပြင်ဆင်ခဲ့တယ်..။

သူ့သမီးငယ်လေး Rachel ကို လွန်ခဲ့တဲ့ မိနစ်အနည်းငယ်ကမှ သူမွေးဖွားခဲ့ပြီး အလေးချိန် 1.4 ပေါင် သာရှိပါတယ်..။ Rachel ရဲ့အသက်ရှုနှုန်းဟာလည်း ၁၀ စက္ကန့်မှာမှ တစ်ကြိမ်သာ ရှုပါတယ်..။ အမေ ဖြစ်သူ Isbister ဟာ အလွန်ဆုံး မိနစ် ၂၀ လောက်သာ လူ့လောကမှာ နေရတော့တဲ့ သမီးလေး Rachel ကို ဖန်ပေါင်း ပြွန်ထဲကနေ ထုတ်ယူလိုက်ပါတယ်..။ ပြီးတော့ နှစ်သက်မြတ်နိုးစွာ သမီးလေး နဖူးကို နမ်းလိုက်ပြီး သူမ ရင်ဘတ်ထဲမှာ ပွေ့ဖက်ထားခဲ့ပါတယ်..။

အရင်ဆုံးသူမ Rachel ရဲ့နှာခေါင်းကနေ အသက်ရှုသံညှင်းညှင်းလေးကို ကြားလိုက်ရပါတယ်..။ ခဏအကြာမှာ တော့ Rachel ရဲ့ အသက်ရှုနှုန်းဟာ မြန်သထက်မြန်လာခဲ့ပြီး သူမရဲ့ ပါးပြင်ဟာလည်း အညိုရောင်ကနေ ပန်းရောင် ပြောင်းလဲလာပါပြီ…။ နောက်ဆုံး သူမဟာ Rachel ရဲ့ ငိုသံကို ကြားလိုက်ရပါတယ်..။ အဲ့ဒီအသံဟာ သူမအတွက်တော့ အရမ်းကို သာယာနာပျော်စေခဲ့တဲ့ အသံဖြစ်ခဲ့ပါတယ်..။

လေးလကြာတဲ့အခါမှာတော့… ဆရာဝန်တွေဟာ Rachel လေးကို အိမ်ကို ခေါ်ခွင့်ပြုခဲ့ပါပြီ…။ ဆရာဝန်တွေက လက်လျှော့ထားပြီး မိနစ် ၂၀သာ အသက်ရှင်ရတော့ သမီးငယ်လေးကို မိခင်ရင်ငွေ့ကနေ အသက်ပြန်ကယ် နိုင်ခဲ့တာဟာ အိပ်မက် တစ်ခု မဟုတ်ခဲ့သလို ပြဇာတ် တစ်ခုလည်း မဟုတ်ခဲ့ပါဘူး..။ ဒါဟာ တိုက်ဆိုက်မှု တစ်ခု ဖြစ်ကောင်း ဖြစ်နိုင်ပေမယ့်… ကျွန်တော်ပြောရဲပါတယ်… ဒါဟာ…. မိခင်မေတ္တာဆိုတဲ့ တုနှိုင်းမရှိတဲ့ ဆေးစွမ်း တစ်လက်ကြောင့်လို့ ဆိုတာ ဘယ်သူမှ မငြင်းနိုင်ခဲ့ကြဘူး….

အောင်ထွန်းဦး

အမှိုက်ကားနဲ့တူသော လူများ

တစ်နေ့ ကျွန်တော် Taxi တစ်စီးကို တားလိုက်ပြီး လေဆိပ်ကို ထွက်ခဲ့တယ်..။ ကျွန်တော်တို့ ကားဟာ လမ်းရဲ့ ညာဘက်ကနေ ပုံမှန်မောင်းနှင်နေတုန်း ရုတ်တရက် အရှေ့မှာ ရပ်ထားတဲ့ ကားတစ်စီးဟာ ရပ်ထားရာကနေ ချက်ချင်းပဲ မောင်းထွက်လာခဲ့တယ်..။

ကျွန်တော် စီးနေတဲ့ကားရဲ့ Driver ဟာ ဘရိတ်ကို အမြန်နင်းချလိုက်ပြီး စီယာတိုင်ကို ဆွဲကွေ့လိုက်တယ်.. လျက်တစ်ပျက် အတွင်းမှာ သူရဲ့ကျွမ်းကျင်မှုကြောင့် ကားတိုက်မှုကနေ လက်မ အနည်းလောက်နဲ့ ကျွန်တော် တို့ လွတ်မြောက်ခဲ့ကြတယ်..။

အဆိုပါ ကားရဲ့ Driver ဟာ ကားထဲကနေ ခေါင်းထွက်လာပြီး ကျွန်တော်တို့ကို ဆဲဆိုနည်း ပေါင်းစုံနဲ့ ဆဲဆို သွားခဲ့တယ်..။ ကျွန်တော့် Taxi Driver ကတော့ ဘာမှ မပြောပဲ ပြုံးပြီး အဲ့ဒီလူကို လက်ဝှေ့ရမ်းပြီး နှုတ်ဆက် လိုက်တယ်..။ တစ်ကယ့်ကို ရင်းရင်းနှီးနှီး ပုံစုံလိုပါပဲ….။ ဒါကြောင့် ကျွန်တော်လည်း မနေနိုင်တာနဲ့..

"ခင်ဗျားက သူဒီလောက် ဆဲဆိုသွားတာကို ဘာမှလဲ ပြန်မပြောဘူး..။ ကိုယ်က မှန်နေတာပဲ..။ ပြီးတော့ ကိုယ့်ကို ဆေးရုံပို့မယ့် သူကိုတောင် ခင်ဗျားက လက်ပြပြီးတောင် နှုတ်ဆက်လိုက်သေးတယ်..။ ဘာလဲ..။ သူက ခင်ဗျား အသိလား…"

သူက … "လူတွေဟာ အမှိုက်ကားနဲ့ တူကြတယ်ဗျ…။ သူတို့တွေဟာ အမှိုက်တွေ အပြည့်နဲ့ လှုပ်ရှား သွားလာ နေကြတယ်..။ တစ်ကိုယ်ကောင်းစိတ်.. ဒေါသစိတ်…၊ အတ္တစိတ်တွေဆိုတဲ့ အမှိုက်တွေနဲ့ပေါ့ဗျာ… သူတို့မှာ အမှိုက်တွေ များလာတာနဲ့အမျှ အမှိုက်သွန်စရာနေရာ ရှာတတ်ကြတယ်..။ တစ်ခါတစ်လေ ကိုယ့်ကိုယ်တိုင်နဲ့ တစ်ခြား လူတွေ အပေါ်ကိုပေါ့.."

"ဒီတော့ ကျွန်တော်ကတော့ သူဆီက ရလာမယ့် အမှိုက်တွေကို မယူဘူး..၊ အမြဲတမ်း ပြုံးပြ နှုတ်ဆက်ပြီး ထွက်လာလိုက်တော့ပါပဲ…"

ဒီဇာတ်လမ်းလေးဟာ အခုကျွန်တော် မြင်တွေ့နေရတဲ့ ရန်ကုန်မြို့က Taxi Driver တွေ၊ Bus Driver တွေ အတွက်များ ရေးထားသလားလို့တောင် ထင်မိပါတယ်….။ အမှိုက်ကင်းတဲ့ နေ့လေးတစ်နေ့ ဖြစ်ပါစေ…။

အောင်ထွန်းဦး