ကိုလံဘီယာမှ လိပ်ကလေးဟု ထင်ရှားသော ကလေးငယ်၏ ကျောပြင်မှ လိပ်ခွံသဖွယ်ဖြစ်နေသော အသားပိုကြီးကို ဗြိတိန်ဆရာဝန်တစ်ဦးက ဦးဆောင်ပြီး ကိုလံဘီယာနိုင်ငံတွင် အောင်မြင်စွာ ခွဲစိတ်ဖယ်ရှားနိုင်ခဲ့သည်ဟု သိရသည်။
အသက် ၆ နှစ်အရွယ်ရှိ ဒီဒီယာမွန်တာလ်ဗိုသည် ရှားပါးသည့် လက္ခဏာတစ်ရပ်ဖြစ်သော Congenital Melanocytic Nevus ဆိုသော ရောဂါကို ခံစားနေရခြင်းဖြစ်သည်။ အန္တရာယ်ရှိသော အခြေအနေဖြစ်သော်လည်း ဒီဒီယာ၏မိခင်မှာ ငွေကြေးမတတ်နိုင်ခဲ့သောကြောင့် ခွဲစိတ်ကုသမှု ပြုမပေးနိုင်ခဲ့ရာ တဖြည်းဖြည်း ကြီးလာခဲ့ပြီး လိပ်ခွံသဖွယ် ဖြစ်လာခဲ့ခြင်း ဖြစ်သည်။
ကျေးလက်တွင် နေထိုင်သော ဒီဒီယာတို့မိသားစုမှာ အယူသည်းသော ရွာသားများ၏ ၀ိုင်းပယ်ခြင်းကိုပါခံခဲ့ရပြီး ဒီဒီယာတွင် ယင်းသို့ဖြစ်ခဲ့သည်မှာ နေကြတ်ချိန်တွင် ကိုယ်ဝန်ရှိခဲ့ခြင်းကြောင့်ဖြစ်သည်ဟု ယုံကြည်ကြသည်ဟု ဆိုသည်။
မိစ္ဆာများ၏ ထိတွေ့မှုကို ခံခဲ့ရသူဖြစ်သည်ဟုယူဆပြီး ဒီဒီယာကို ၀ိုင်းပယ်ခဲ့ခြင်းကြောင့် ကျောင်းမတက်နိုင်ခဲ့သလို နှစ်ခြင်းလည်း မခံနိုင်ခဲ့ပေ။
ယင်းဖြစ်စဉ်ကို ကြားသိခဲ့ရသော ဗြိတိန်မှ နာမည်ကျော် ခွဲစိတ်ဆရာဝန်ကြီး နေးလ်ဘားစထရုတ်သည် ကိုလံဘီယာမြို့တော် ဘိုဂေါ့တာသို့ လာရောက်ခဲ့ပြီး ခွဲစိတ်ဆရာဝန်အဖွဲ့နှင့်အတူ ဖယ်ရှားပေးခဲ့သည်ဟု သိရသည်။ အချိန်မီသာ မဆောင်ရွက်နိုင်ပါက ခန္ဓာကိုယ်အတွင်းသို့ ပါ ကူးစက်လာနိုင်သည်ဟု သိရသည်။
ဒီဒီယာကဲ့သို့ ဖြစ်စဉ်မျိုးမှာ မည်သည့်အကြောင်းရင်းကြောင့် ဖြစ်ပေါ်ရသည်ကို မသိရှိသေးသော်လည်း သန္ဓေသားဘ၀တွင် မျိုးဗီဇ ပုံပြောင်းမှုကြောင့် အရေပြားဆဲလ်များ ဖွံ့ဖြိုးမှု ပုံစံပြောင်းခြင်းဖြစ်နိုင်သည်ဟု ပညာရှင်များက ယူဆကြသည်။
အောင်ထွန်းဦး
No comments:
Post a Comment