Monday, June 16, 2014

နေရာချင်း လဲချင်သူ


"ဟိုင်း…."

"ဟိုင်း……"

"မင်္ဂလာပါ..။ သူငယ်ချင်းမရှိလို့ ခင်ချင်လို့ပါ…"

သူမ ကျွန်တော့်ကို လာမိတ်ဆက်ခဲ့ပုံက ရိုးရိုးလေးပင်ဖြစ်သည်။ ဒီလိုနဲ့ ဟိုအကြောင်း ဒီအကြောင်း ရောက်တတ်ရာရာပြောရင်း ကျွန်တော်တို့ online ပေါ်က သူငယ်ချင်းဖြစ်ခဲ့ကြသည်။ အမှန်တိုင်း ၀န်ခံရလျှင် ကျွန်တော်သည် စာရိုက်ပြီး chatting လုပ်ရတာကို ပျင်းရိသော လူအမျိုးအစားထဲတွင် ပါဝင်သည်။ ပြောတိုင်းလိုင်း အပေါက်အလမ်းက တည့်ချင်မှတည့်သည်။ လူဘုကလန့်လို့လည်း တစ်ချို့က ခေါ်ကြသည်။ ဒါကြောင့် ကျွန်တော့်တွင်း online သူငယ်ချင်းလည်း များများစားစားမရှိခဲ့..။ 

ဒါပေမယ့် သူမနဲ့ chatting လုပ်ရင်း သတိထားမိလာတာက ကျွန်တော် chatting လုပ်ရတာကို ပျော်နေမိသည်။ သူမက ဟာသဥာဏ်ရွှင်သည်။ လူတစ်ဖက်သား မခံချင်အောင်လည်း စတတ်သည်။ သူစလို့ ကျွန်တော် စိတ်ဆိုးနေပြီဆိုရင် သူမမှာ ပျော်လို့မဆုံး..။ ပြီးလျှင် စကားတတ်သော သူမက ကျွန်တော်စိတ်ဆိုးပြေအောင် ရီစရာတွေ ပြန်ပြောပြနေတတ်သည်။ ဒါတွေသည်ကပဲ ကျွန်တော့်ကို သူမနဲ့ chatting လုပ်ရတာ ပျော်နေစေသည်လား မပြောတတ်။

ကျွန်တော် နာရီကို တစ်ချက်ကြည့်လိုက်သည်။ အချိန်က ည ၁၁း၄၅..။ နောက် ၁၅ မိနစ်ဆိုရင် ၁၂း၀၀ နာရီထိုးပြီ..။ ၁၂း၀၀ နာရီဆိုရင် chatbox မှာ သူမရဲ့ account မီးစိမ်းလေးလင်းလာလိမ့်မည်။ ကြိုတွေးထားသည့် အတိုင်းပင် ၁၂း၀၀ နာရီထိုးသည်နှင့်….

"ဟိုင်း…အစ်ကို…"

"ဟိုင်း..ညီမ..." ….. ဒီလိုနဲ့ပဲ ကျွန်တော်တို့အကြား သံဃောဇဉ်ဟူသော ကြိုးသည် လေလှိုင်းထဲမှတစ်ဆင့် အသံမကြား ရုပ်မမြင်ရသော စာလုံးတွေနဲ့ ဖြစ်တည်လာခဲ့ရလေပြီ..။

Saturday, June 14, 2014

အဖေသို့......

သူ…. သူဟာ ဘယ်လောက်မောမော အိမ်ပြန်လာလို့ သားသမီးတွေ မျက်နှာမြင်ရင် မောပန်းသမျှ ပြေသွားတယ်တဲ့….. ဒါပေမယ့် အိမ်ပြန်လာတဲ့ သူ့မျက်နှာဟာ ကျွန်တော့် အမြင်မှာ သူဟာ ပျော်ရွှင်နေပုံ မပေါက်ခဲ့ဘူး..။
သူ…. သူဟာ ကျွန်တော့်ကို သူ့လိုမျိုး ပညာမတတ်ပဲ မောမောပန်းပန်းနဲ့ အလုပ်လုပ်ရမှာကို မဖြစ်ချင်ဆုံးပါတဲ့… ဒါပေမယ့် ကျွန်တော်ကတော့ သူက အားအားရှိ ကျွန်တော့်ကို ပင်ပန်းအောင် ရှာကြံ ခိုင်းနေတယ်လို့ပဲ ထင်ခဲ့မိတယ်..။
သူ…. သူဟာ ကျွန်တော် မလိမ်မာလို့ ရိုက်နှက်ဆုံးမပြီးရင် ကျွန်တော် မသိအောင် အမေ့ကို ဆေးလူးခိုင်းပြီး သက်သာသလား စိုးရိမ်စွာ မေးတတ်ပါသတဲ့… ဒါပေမယ့် ကျွန်တော်ကတော့ သူ့ကို ရက်စက်တတ်သူလို့ပဲ ထင်ခဲ့တယ်..။
သူ… ထမင်းစားပွဲမှာ ကျွန်တော်မပါရင် မျက်နှာမကောင်းပဲ အစောကြီး ထ ထ သွားပြီး ကျွန်တော် ထမင်းစားပြီးပြီလားဆိုပြီး တမေးတည်း မေးနေတတ်တယ်တဲ့....။ ဒါပေမယ့် ကျွန်တော်ကတော့ သူ ဟင်းမကောင်းလို့ ဆက် မစားတာလို့ပဲ ထင်ခဲ့တယ်..။
သူ…. သူ့ကျန်းမာရေးအတွက် ၀ယ်ရမယ့် ဆေးကို မ၀ယ်ပဲ ကျွန်တော့် အတွက် ကျောင်းသုံး ပစ္စည်းတွေကို ၀ယ်ပေးခဲ့တယ်..။ ကျွန်တော်ကတော့ ကိုယ်လိုချင်တဲ့ အကောင်းစားပစ္စည်းမရလို့ သူ့ကို ကပ်စေးနှဲကြီးလို့ ထင်ခဲ့တယ်..။
သူ…. ကျွန်တော် စာမေးပွဲအောင်တော့ … "ငါ့သား ဘယ်လောက်တော်လဲ ကြည့်စမ်း..၊ ဒါမှ ငါနဲ့ တူတဲ့ ဖအေတူသား.. ငါ့သားကွ.." ဆိုပြီး  အမေ့ကို ကြွားပြောပါသတဲ့…..။ ကျွန်တော်ကတော့ ကျွန်တော် စာမေးပွဲအောင်တာတောင် ပျော်ရွှင်ပုံမပေါ်တဲ့ သူ့ကိုကြည့်ပြီး စိတ်ပျက်ခဲ့တယ်..။
သူ… ကျွန်တော် အလုပ်ကရတဲ့ ပထမဆုံးလခကို ကန်တော့ တော့ မျက်ရည်ကျပြီး သူဟာ ငိုခဲ့ပါသတဲ့..။ ကျွန်တော်ကတော့ ကန်တော့ အပြီးမှာ ဆုတောင် မပေးပဲ မျက်နှာလွှဲသွားတဲ့သူ့ကို မာနကြီးသူကြီးလို့ နာမည် တပ်ခဲ့မိပါတယ်….။
သူ…. ကျန်းမာရေး မကောင်းဖြစ်ပြီး ခံစားနေရတဲ့ ဝေဒနာတွေကို အံကြိတ်ပြီး အပူရုပ်ကို ဟန်လုပ် ပြုံးပြနေခဲ့တဲ့သူ..၊ ကျွန်တော်ကတော့ အပေါ်ယံကိုကြည့် အရာရာကို အဆင်ပြေလှပြီလို့ပဲ တွေးထားခဲ့မိတယ်…။
သူ… သူ့ရဲ့ နောက်ဆုံးအချိန်လို့ သိလိုက်နေချိန်မှာ… သူ့ မာန် မာနတွေ ခ၀ါချ..၊ နွေးထွေးတဲ့ ဖြူလျော့တဲ့ လက်နှစ်ဖက်နဲ့ ..၊ ကျွန်တော့်လက်ကို ကိုင်ပြီး ဝေဒနာတွေကို အံတု အားတင်းပြီး ပြောလိုက်တဲ့ စကားတစ်ခွန်းက "သားကို ဖေဖေ သိပ်ချစ်ပါတယ်…" တဲ့….။ ကျွန်တော် ကြားချင်လှတဲ့ စကားကို ကျွန်တော် ကြားရချိန်မှာ ကျွန်တော်ဟာ ပျော်နေတဲ့ သူတစ်ယောက် မဖြစ်ခဲ့ရဘူး..။

သူ…သူ…သူ… သူဟာ စကား အများကြီး မပြောတတ်ဘူး..။ ပြောလိုက်တိုင်းလည်း ချစ်ကြောင်း ပျော်ရွှင်ကြောင်းတွေ မပါပဲ ဆုံးမစကားတွေပဲ ဖြစ်နေတယ်..။ ဒါပေမယ့်……. သူ သားသမီး အပေါ် ချစ်တဲ့ ရင်ထဲက အချစ်ကတော့ ကိုးလလွယ် ဆယ်လမွေးခဲ့တဲ့ အမေတွေရဲ့ အချစ်ထက် တစ်ပြားသားမှ မလျော့ပါဘူးဆိုတာကို သင်သိလိုက်ရတဲ့အချိန်ဟာ နောက်မကျပါစေနဲ့လို့ ဆုတောင်းလိုက်ပါရစေ…။

အောင်ထွန်းဦး

သင်းချိုင်းရွှေ့ခြင်းနဲ့ တရုတ်မိသားစု

စစ်တပ်တွေ အများစုဟာ သင်းချိုင်းတွေကို ဖျက်ပြီး တည်ထားကြတယ်ဆိုတာကို တော်တော်များ များ သိကြပြီး ဖြစ်မှာပါ..။ အဲ့ဒီလို သင်းချိုင်းတစ်ခု ကို ဖျက်ပြီး စစ်တပ်တစ်ခု တည်ပြီဆိုရင်လည်း လုပ်စရာ ကိစ္စတွေကတော့ များပါတယ်..။ သင်းချိုင်းမှာ ရှိကြတဲ့ နာနာဘာဝတွေကို ပင့်ဖိတ်၊ ကားတွေနဲ့တင် သူတို့ရဲ့ နေရာအသစ်တွေမှာ ချထားပေးတာတွေကို တတ်ကျွမ်းနားလည်တဲ့ ဆရာတော်တွေနဲ့ အတူတကွ ပြုလုပ်ရလေ့ရှိပါတယ်..။ ဒါတွေကိုတော့ နောက်ပိုင်းကျရင် ဗဟုသုတ တင်ပြပါအုံးမယ်..။ အခုတော့ ကျွန်တော် ပြောချင်တဲ့ အကြောင်းအရာလေးတစ်ခုကို စပြောပါရစေ..။
အခု တပ်တည်မယ့် သင်းချိုင်းကုန်းနေရာက တော်တော်ကြီးပါတယ်.။ ဘာသာပေါင်းစုံ သင်းချိုင်း ဖြစ်ပြီး တစ်မြို့လုံးက အသုဘကို ဒီသင်းချိုင်းမှာပဲ ချကြတော့ တစ်ဖြည်းဖြည်းနဲ့ အကျယ်ကြီး ဖြစ်လာတာ..။ သင်းချိုင်းကို ခရစ်ယာန်၊ ဟိန္ဒူ၊ မွတ်စလင်၊ ဗုဒ္ဓဘာသာဆိုပြီး နေရာလေးတွေ ကန့် သတ်ပြီး လုပ်ထားပေးပါတယ်..။ ဒီလိုနဲ့ သင်းချိုင်းဖျက်တော့မယ်ဆိုတော့ ဗုဒ္ဓဘာသာ သင်းချိုင်းမှာ  စပြီး ဘုန်းကြီး ငါးပါးနဲ့ နာနာဘာဝနဲ့ မကျွတ်မလွတ်တွေကို ပင့်ဖိတ်ပြီး ကားပေါ်ကိုတက် စေပါတယ်..။ လူမရှိတဲ့ ကားနောက်ခန်းနေရာမှာ.. ရွှံ့တွေ ပေပွနေတဲ့ ခြေထောက်ရာတွေ အများအပြားကို အံ့သြစွာ တွေ့ခဲ့ရပါတယ်..။ ကားပေါ်ကို အလုအယက်တက်ကြတဲ့ အသံတွေကို လည်း အတိုင်းသားကြားနေရပါတယ်တဲ့..။ တက်သူတွေ တအားများပြီး ကားမထွက်နိုင်လို့ နှစ်ခေါက် သုံးခေါက် ပြန်လည် သယ်ယူကြရပါတယ်..။ ဒီအချိန်မှာ ဘုန်းကြီးက စည်းဝိုင်း တစ်ခု ပြုလုပ်ပြီး လူသား အားလုံးကို စည်းဝိုင်းအထဲမှာပဲ နေစေပါတယ်..။ အပြင်ကို လုံးဝထွက်ခွင့်မပြုပါဘူး..။ ဒီလိုနဲ့ ဗုဒ္ဓဘာသာသင်းချိုင်းက အခက်အခဲမရှိ ချောချောမွေ့မွေ့နဲ့ ပြီးသွားပါတယ်..။
ဇာတ်လမ်းက အခုမှ စပါတယ်..။ တစ်ခြားဘာသာတွေရဲ့ သင်းချိုင်းက နာနာဘာဝနဲ့ မကျွတ်မလွတ် တွေကို ဘယ်လိုနည်းလမ်းနဲ့ ဘယ်လိုပင့်ဖိတ်ရတယ်ဆိုတာ ဘယ်သူမှ မသိပါဘူး..။ အတွေ့အကြုံလည်း မရှိကြပါဘူး..။ ဘုန်းကြီးတွေလည်း ကြိုးစားပြီး ပင့်ဖိတ်ပါသေးတယ်..။ ထူးဆန်းစွာပဲ အရင်ကလို ခြေသံတွေ ခြေရာတွေ လုံးဝမတွေ့မြင်ရပါဘူး..။ တိတ်ဆိတ် ငြိမ်သက်လျက်ပါ..။ နောက်ဆုံး ဘယ်လိုမှ မရတဲ့ အဆုံး အထက်က စစ်မိန့်နဲ့ နှင်တယ်ဆိုပြီး စစ်မိန့်ဖတ်ပါတယ်..။ ပြီးတော့ သင်းချိုင်းကို ဖျက်ပါတယ်..။

Friday, May 16, 2014

သရဲမွေးမိသူ မိခင်


"ကဲ… သားရေ…လာစားလှည့်တော့… ဒီမှာ သားဖို့ အမဲသားတစ်ဆွဲ.. အမေ၀ယ်လာတယ်.."
 ပြောပြောဆိုဆို သူမ လက်ထဲက အမဲသားဆွဲကို သစ်ပင်ခြေရင်းအောက် ချလိုက်သည်။ ပြီးတော့ ဘေးဘီ တစ်ချက်ဝှေ့ကြည့်လိုက်သည်။ သေချာသည်။ ဘယ်သူမှ ရှိမနေ..။
တစ်အောင့်အကြာမှာ သစ်ပင်ထက်မှ အရိပ်မဲတစ်ခု အောက်ကိုထိုးဆင်းလာသည်။ အပုပ်နံ့နှင့်အတူ ဆိုးရွားလှသော အနံ့ပေါင်းစုံ နှာခေါင်းထဲ အလုအယက် တိုးဝင်လာသည်။ ထိုအရိပ်မဲမှ ထိုးထွက်လာသော အမွှေးအမျှင်များ နှင့် ရှည်လျားသော လက်တစ်စုံမှာ အမဲသားဆွဲကို သစ်ပင်ထက်သို့ ဆွဲယူသွားခဲ့လေတော့သည်။ သူမမှာတော့… ထိုမြင်ကွင်းကို ပီတိဖြစ်စွာ.. ငေးကြည့်လျက်……။
မနက်ဖြန်ဆို သူမ၏ တစ်ဦးတည်းသော သား၊ အသုဘချမည့်နေ့ဖြစ်သည်။ သူမ ထိုနေ့ကို ဘယ်လိုဖြတ်သန်း ရမှန်းမသိ..။ ဖတဆိုးသားလေးမို့ အချစ်တွေ အကုန်ပေးအပ်ပြီး အလိုလိုက်ချစ်ခဲ့သော်လည်း ကံကြမ္မာက သူတို့ သားအမိကို ရက်ရက်စက်စက်ခွဲခဲ့လေပြီ..။ သူမသားကို နောက်ဆုံးတွေ့လိုက်ရတဲ့ အချိန်က ချောင်းထဲမှာ ရေသွားကူးမည်ဆိုပြီး ပျော်ရွှင်စွာ ထွက်သွားခဲ့ခြင်းဖြစ်သည်။ ဒါပေမယ့် အိမ်ကို တော့ သားလေးရဲ့ ရေစိုဖောင်းကားနေတဲ့ ခန္ဓာကိုယ်သာ ပြန်ရောက်လာခဲ့သည်။ အသက် ပြန် ပါမလာခဲ့တော့..။ သူမ သားလေးကိုချစ်သည်။ သားလေးသည် သူမရဲ့ တစ်ခုတည်းသော မျှော်လင့် ချက်ဖြစ်သည်။ သူမ သားလေးကို ဘယ်လိုနည်းနဲ့မှ အဆုံးရှုံးမခံနိုင်။ သူမ အလွန်ကြောက်မက်ဖွယ် ကောင်းသော ဆုံးဖြတ်ချက်တစ်ခုကို ချလိုက်သည်။ 
သူမ ခပ်မြန်မြန်ပဲ အိမ်နောက်ရှိ သစ်ပင်ကြီးအောက်မှာ တွင်းတစ်တွင်း အမြန်တူးလိုက်သည်။ ထို့နောက် ဘယ်သူမှ မရိပ်မိခင် အခေါင်းထဲမှ သားအလောင်းကို ထုတ်ပြီး အခေါင်းထဲတွင် စောင်တွေ ခေါင်းအုံးတွင် ထည့်ထားလိုက်သည်။ သားအလောင်းကိုတော့ သူမ ကျွင်းတူးထားတဲ့ အိမ်နောက်က သစ်ပင်ကြီးရှိရာသို့ မချီသွားခဲ့ကာ ထိုကျွင်းထဲတွင် မြှပ်လိုက်သည်။ သူမ ကျေနပ်စွာ တစ်ချက်ပြုံးလိုက်သည်။
ည ၁၂း၀၀…၊ တစ်လောကလုံး မှောင်မည်းတိတ်ဆိတ်နေသည်။ သူမ အိပ်ယာထဲမှ ရုတ်တရက် ထထိုင်လိုက်သည်။ သူမ ချက်ချင်းပဲ အိမ်ပြင်ကို ထွက်လိုက်သည်။ သူမရဲ့ ဦးတည်ရာကား သားလေး ကို မြှပ်ထားတဲ့ အိမ်နောက်မှ သစ်ပင်ကြီး။ သားလေး ဒီအချိန်ဆို တစ်ယောက်တည်း ပျင်းနေလောက်ပြီ.။ သူမ သားလေးနဲ့သွားတွေ့မည်။ သူမ နဲ့ သားလေး စကားတွေ တ၀ကြီး ပြောကြမည်။
"သားလေး…"
တစ်လောကလုံး တိတ်ဆိတ်ငြိမ်သက်မှောင်မည်းနေပြီး တိရစ္ဆာန်အချို့၏ အော်သံကိုပင် မကြားရ လောက်အောင် တိတ်ဆိတ်နေသည်။
"သားလေး..၊ မေမေပါ…၊ မေမေတို့ စကားပြောရအောင်လေကွယ်…"
"သားလေး…၊ လာပါကွယ်…၊ မေမေ့ကို သနားပါအုံး..၊ မေမေ့ကို ဆင်းတွေ့ပါအုံး သားလေးရယ်…"
သစ်ပင်ပေါ်မှ အရွက်တစ်ချို့ လှုပ်ခါသွားကြသည်။ ဆိုးဝါးလှတဲ့ အပုပ်နံ့နဲ့အတူ မီးခိုးလား လူလား မကွဲပြားသော တစ်စုံတစ်ခု သစ်ပင်မှ လျောဆင်းလာသည်။ သစ်ပင်အောက်ရောက်မှ သူမ သေချာ ကြည့်မိသည်။ ထိုအရာသည် သူမ၏ ချစ်လှစွာသောသား တစ်ဖြစ်လဲ သူမ ကိုယ်တိုင် ဖန်ဆင်းလိုက်သော သရဲတစ်ကောင် ဖြစ်နေလေတော့သည်။
ယခင်က ချစ်စရာကောင်းလှသော သူမ၏သားသည် မျက်နှာတစ်ခုလုံး ရေများဖြင့် ဖောရောင်နေပြီး အပြာရောင်သန်းနေသည်။ ခေါင်းပေါ်မှာ ရှိသော ဆံပင်များကလည်း ရေတွေ စိုရွှဲနေသည်။ ဘောလုံး တစ်လုံးပိုက်ထားသကဲ့သို့ ရေများကြောင့် ဗိုက်ပူလျက်ရှိပြီး ခန္ဓာကိုယ်ရှိ အချို့နေရာများတွင် အရေခွံ များ ပြဲလှန်ထွက်နေကာ အသားအရောင်မှာလည်း ဖြူဖတ် ဖြူရော် ဖြစ်နေလေသည်။ သူမ သား၏ ရုပ်ကို သူမ အတော်ပြန်ဖမ်းယူရသည်။ ကိစ္စတော့ မရှိ။ သူမ ဒီကိစ္စကို ကြိုတင် မျှော်လင့်ထားပြီးဖြစ် သည်။
သူမ ၀မ်းသာစွာ ပြုံးလိုက်သည်။ သူမ ရည်ရွယ်ထားတာ အထမြောက်သွားပြီ။ သူမနဲ့ သားလေး မခွဲရတော့ဘူး..။ ကဲ..ဘာတတ်နိုင်သေးလဲ..။ သူမ မသေသေးသရွှေ့ ဒီလိုမျိုး သားလေးကို နေ့တိုင်း အစာကျွေးမယ်..၊ စကားပြောမယ်..။
"သားလေး…၊ မေမေ..နဲ့ သားလေး မခွဲရအောင် …မေမေ စီစဉ်ထားတာလေ… မကောင်းဘူးလား.."
"ကျွန်တော့်ကို သွားခွင့်ပေးပါမေမေ..၊ ကျွန်တော် ဒီလိုဘ၀နဲ့ မနေချင်ဘူး.."
"မသွားပါနဲ့ သားရယ်..၊ မေမေ့ကို တစ်ယောက်တည်း ထားခဲ့မလို့လား.."
"ကျွန်တော် ဒီလိုဘ၀နဲ့ မနေရပါစေနဲ့၊ ဒီလိုဘ၀မှာ ကျွန်တော်ခန္ဓာကိုယ်ဟာ စက္ကန့်တိုင်း ဝေဒနာတွေ အပြင်းအထန် ခံစားရပါတယ်..၊ သားကို သွားခွင့်ပြုပါ…"
"သားကို မေမေ မခွဲနိုင်ဘူး…၊ အဲ့ဒီတော့..၊ မေမေ သွားခွင့်မပြုနိုင်ဘူးသား.."
"သားကို သွားခွင့်ပြုပါ…"
"မနက်ဖြန် ဒီလိုအချိန် အမေ အစာ လာကျွေးမယ်.."
သူမ လှည့်ထွက်လာခဲ့သည်။ သူမထံမှ ထွက်သွားဖို့တောင်းဆိုနေသည့် သား အသံကို သူမ နားမထောင်ချင်တော့…။ အရာအားလုံးသည် နဂိုအခြေအနေအတိုင်း ပြန်လည် တိတ်ဆိတ်ငြိမ်သက် သွားခဲ့သည်။
အချိန်ကာလတို့သည် တစ်ခုပြီးတစ်ခု အစီအစဉ်တကျ ကျော်ဖြတ်လာခဲ့သလို သူမ၏ အိမ်နောက်ဖေး မှ သစ်ပင်သည်လည်း အတော်အတန်ပင် ကြီးထွားလာပြီး ၄င်း၏ အကိုင်းအခက်များမှာ လမ်းပေါ်သို့ ပင် အုပ်ဆိုင်းလျက်ရှိနေတော့သည်။
သူမ လုပ်နေကျ ၀တ္တရားအတိုင်း ၁၂း၀၀ ထိုးသည်နဲ့ အမဲသားဆွဲကို ဆွဲပြီး သစ်ပင်ကြီးဆီသို့ ထွက်ခဲ့ သည်။ ထို့နောက် သစ်ပင်ခြေရင်းတွင် အမဲသားထုပ်ကို ချထားလိုက်သည်။ တအောင့်အကြာ လေပြင်းတွေ တ၀ှီးဝှီးတိုက်ခတ်လာသည်။ သူမ ပတ်ဝန်းကျင်တစ်ခုလုံး တိမ်မည်းများ ဖုံးအုပ်သွားသလို ခံစားရသည်။ သူမ ပြုံးလိုက်သည်။ သြော်.. သူမ သားလေးတောင်မှ အတော် အကောင်ကြီးလာ နေပြီပဲလေ...။ မျက်စိတစ်မှိတ်အတွင်းမှာပင် သူမ၏ မျက်စိရှေ့မှ အမဲသားဆွဲ ပျောက်သွားခဲ့သည်။ သို့သော် ယခင်လို တိမ်မည်းများ မပျောက်သွား..။ လေပြင်းများ ပိုမို တိုက်လာသလို… တိမ်မည်းတို့သည်လည်း ပိုမိုများပြားလာသည်ဟုထင်မိသည်။ တစ်ခုခုတော့ မှားနေ ပြီထင်သည်။ ယခင်ကဆို အမဲသားထုပ်ယူ ပြီး သည်နှင့် သားလေး အပင်ပေါ် ပြန်တက်သွားနေကြ..။ ဒီနေ့ သူဘာကို စိတ်အလိုမကျသည် မသိ..။
"သားရေ…..သား…"
လေပြင်းများ ပိုမိုတိုက်ခတ်လာသလို တိမ်မဲများကြောင့် သူမ ပတ်ဝန်းကျင် တစ်ခုလည်း မှောင်မည်း သွားသလို သူမသည်လည်း မီးမရှိတဲ့ အလုံပိတ် အခန်းထဲ ရောက်နေသလို ခံစားလာရသည်။ သူမ ကြောက်စိတ်ဝင်လေပြီ..။ သူမကို သား ရန်ပြုတော့မည်။ အချိန်လွန်မှ ရတဲ့နောင်တတို့ ခေါင်းထဲ ရောက်လာချိန် နောက်ကျသွားခဲ့လေပြီ..။ သူမ ထွက်ပြေးဖို့ကြိုးစားလိုက်သည်။  အိပ်မက်ထဲမှာ ပြေးနေရသလို ပြေးရတာ အားမပါလှပဲ ဒီ တိမ်တိုက်မဲထဲကနေ မထွက်နိုင်ဖြစ်နေသည်။ ထိုစဉ် တိမ်တိုက်မဲ တစ်နေရာမှ ကြောက်မက်ဖွယ်အသွင်ဆောင်နေသော သားရဲ့ မျက်နှာကို မြင်တွေ့လိုက် ရသည်။
သူမအော်ဖို့ကြိုးစားသော်လည်း အသံမှာ လည်ပင်းဝတွင်သာ ပျောက်သွားခဲ့သည်။ ချွန်ထက် နေသော သွားများ စီတန်းနေသော သား၏ပါးစပ်မှာ တဖြည်းဖြည်းကျယ်လာခဲ့ပြီး သူမခန္ဓာကိုယ်ကို ၀ါးမြိုရန် တစ်ဖြည်းဖြည်း အုံ့မိုးလာခဲ့တော့သည်။ သူမ စိတ်လျော့လိုက်သည်။ ဒီကိစ္စတို့သည် သူမကြောင့် ဖြစ်လာရသည်ပဲလေ..။ သူမ မျက်လုံးမှိတ်ထားလိုက်တော့သည်။
နောက်တစ်နေ့နံနက်…၊ ခြံနောက်က သစ်ပင်ကြီးအောက်တွင် ကြောက်ရွှံ့ထိတ်လန့်စွာ မျက်လုံးပြူးပြီး အသက်ကင်းမဲ့နေသော သူမခန္ဓာကိုယ်ကို လူအများ ထူးဆန်းအံ့သြစွာ ၀ိုင်းအုံ ကြည့်နေကြလေတော့သည်။
 မှတ်ချက် - ဖြစ်ရပ်မှန် တစ်ခုအား ဇာတ်လမ်းဆင်ကာ ရေးသားပါသည်။

 အောင်ထွန်းဦး

Saturday, May 10, 2014

နှစ်ရှည် သရဲ


သရဲဆိုတာ တစ်ကယ်ရှိပါတယ်..။ ကျွန်တော် လေ့လာ မှတ်သားဖူးသမျှ ပြောရရင် ဒီဘ၀ ဒီခန္ဓာမရှိတော့ဘူး ဆိုတာနဲ့ နောက်ဘ၀တစ်ခုမှာ နောက်ခန္ဓာတစ်ခုအဖြစ် ချက်ချင်း ပေါ်ပေါက်လာ ပါတယ်..။ အဲ့ဒီမှာ ကိုယ်ပြုထားတဲ့ ကံအရ ကောင်းတဲ့ဘုံဘ၀ရောက်သွားသူတွေရှိသလို အ၀ီစိ၊ ငရဲ မှာ ခန္ဓာ သွားဖြစ်ရသူတွေလည်း ရှိပါတယ်..။ ငရဲမကျလောက်အောင် ၀ဠ်ကံမကြီးသူတွေအဖို့တော့ လူတွေထက် တစ်ဆင့်နိမ့်တဲ့ ပြိတ္တာလို့ဆိုရမယ့် သရဲ၊ နာနာဘာဝ ဖြစ်သွားရပါတယ်..။ အချိန်တန်လို့ ကျွတ်ချိန်တန်ရင် အဲ့ဒီဘ၀က ကျွတ်မှာ ဖြစ်ပြီး ကျွတ်ချိန်မတန်သေးရင်တော့ ကျန်ခဲ့တဲ့ မိသားစုက ဘယ်လောက်ပဲ ကောင်းမှုကုသိုလ်လုပ်လုပ် သာဓုမခေါ်နိုင်ပဲ ကျွတ်လွတ်အုံးမှာ မဟုတ်ပါဘူး..။
ကျွန်တော်အခုပြောမယ့် အကြောင်းကတော့ ကျွတ်ချိန်မတန်သေးတဲ့ သရဲတစ်ကောင်နဲ့ တွေ့ခဲ့တဲ့ အကြောင်းပဲဖြစ်ပါတယ်..။ တစ်နေ့ နယ်က အမျိုးတွေ အိမ်ကိုလာလည်ကြတယ်..။ အဲ့ဒီမှာ ၂ နှစ်အရွယ် ကောင်လေးတစ်ယောက်ပါလာတယ်..။ ကျွန်တော်နဲ့ဆို တူ တစ်ဝမ်းကွဲလောက် တော်မှာပေါ့..။ နေ့လည်ပိုင်း မြို့ထဲမှာ လည်စရာ ပတ်စရာတွေ ရှိတဲ့ လိုက်ပို့ပေးလိုက်ပြီး ည ၈း၀၀ လောက်မှာ အိမ်မှာ ညစာစားပြီး အိမ်ရှေ့ ဘုရားစင်ရှေ့မှာ သူတို့အိပ်ဖို့အတွက် အိပ်ယာပြင်ပေးလိုက်တယ်..။ ဒီလိုနဲ့ စကားစမြည် ပြောဆိုရင်း ည၁၂း၀၀ ကျော်သွားတယ်..။ ကလေးကတော့ အိပ်နေပြီ..။  ကျွန်တော်တို့တွေသာ စကားပြောကောင်းကောင်းနဲ့ ပြောနေကြတာ..။ ခဏကြာတော့ ကလေးက ရုတ်တရက် လန့်နိုးလာတယ်..။ ပြီးတော့ အော်ငိုပါလေ ရော..။ ပြီးတော့ ကျွန်တော့်အခန်းထဲကို လက်ညှိုးထိုးပြီး ကြောက်တယ်..၊ ကြောက်တယ်..၊ ဆိုပြီး အော်ငိုပါလေရော..။ ဘယ်လိုမှလည်း ချော့လို့မရဘူး..။
အဲ့ဒါ အမျိုးတွေက အိမ်မှာ ဘာတွေ ဖြစ်ဖူးလည်း၊ ဘာညာမေးတာပေါ့..။ ကျွန်တော်တို့ ဒီအိမ်ကို ပြောင်းလာတာ ၁၀ နှစ်ကျော်ပြီ ဘာအရိပ်အယောင်မှ မတွေ့ဖူးကြောင်း၊ အရင်မိသားစုဆီကလည်း ဘာအသံမှ မကြားခဲ့ရကြောင်း ပြန်ပြောပြတော့ပေါ့..။ ကလေးကတော့ အရမ်းကြောက်နေတဲ့ ပုံပဲ..။ တုန်တောင် တုန်နေတယ်..။ ကျွန်တော်လည်း ကလေး အကြောက်ပြေအောင်…
"သားသား..၊ ဒီမှာကြည့်..၊ ဦးဦးအခန်းထဲ ဘာမှ မရှိဘူး..၊ ဦးဦးဝင်ပြမယ်.." ဆိုပြီး အခန်းထဲဝင်ပြလိုက်တယ်..။ အခန်းက မီးပိတ်ထားတော့ မှောင်မဲနေတယ်..။ ကျွန်တော် ၀င်ဝင်လိုက်ချင်းပဲ ကြက်သီးတွေ အပြင်လိုက်ထလာပြီး ကျောတစ်ခုလုံးအေးစိမ့်သွားတယ်..။ ကျွန်တော့် အခန်းထဲကို ကျွန်တော် ၀င်နေကျ..။ ဒါမျိုး တစ်ခါမှမဖြစ်ဖူးဘူး..။ ကျွန်တော်လည်း မီးခလုပ်ကို စမ်းပြီး မီးဖွင့်လိုက်တယ်..။
"အောင်မလေးဗျ…"
ကျွန်တော့်စာကြည့်စားပွဲမှာ ကျွန်တော့်ကို မျက်လုံးပြူးပြီး စိုက်ကြည့်နေတဲ့ ကျွန်တော့်အရွယ် ကောင်လေး တစ်ယောက်ကို တွေ့လိုက်ရတယ်..။ တွေ့ရတယ်ဆိုတာ လုံးဝ အရှင်းကြီး မဟုတ်ပေမယ့် ထိုင်ခုံပေါ်မှာ ထိုင်နေတဲ့ သူ့ခန္ဓာကိုယ်ကို အခိုးအငွေ့လိုမျိုး ဖောက်ထွင်းမြင် နေရပါတယ်..။ သူ ၀တ်ထားတဲ့ အ၀တ်အစားက ရှမ်းတိုင်းရင်းသား အ၀တ်အစား ။ သူ့မျက်နှာမှာ သွေးမရှိ ဖြူဖတ်ဖြူရော် ဖြစ်နေပေမယ့် ပြုံးနေတယ်ဆိုတာ သူ့နှုတ်ခမ်းတွေက သိသာ တယ်..။
ကျွန်တော် ယောင်ပြီး မီးခလုပ်ကို ချက်ချင်းပြန်ပိတ်လိုက်မိတယ်.။ မှောင်သွားတော့ ချက်ချင်း ကြောက်စိတ်ဝင်လာပြီး မီးခလုပ်ကို ချက်ချင်း ပြန်ဖွင့်လိုက်တယ်..။ ထိုင်ခုံပေါ်မှာ ဘယ်သူမှ မရှိတော့ဘူး..။ ကျွန်တော်လည်း စိတ်ထင်တာဖြစ်မှာပါဆိုပြီး အခန်းထဲက ပြန်ထွက်ဖို့ လှည့်ထွက် လိုက်တယ်..။ အဲ့ဒီမှာ.. ကျွန်တော့်နောက်မှာ ကပ်ပြီးရပ်နေတဲ့ အခိုးအငွေ့ ပုံသဏ္ဍာန်သူ့ကို ကျွန်တော့် ခန္ဓာကိုယ် တစ်ခုလုံးနဲ့ တိုက်မိသလို ဖြစ်သွားတယ်..။ သူက ကျွန်တော့်နောက်ရောက် နေတာကိုး..။ ကျွန်တော် ကြောက်စိတ်က ငယ်ထိပ်ရောက်သွားပြီး ကျွန်တော် မူးမေ့လဲကျသွားခဲ့တယ်..။
ကျွန်တော် သတိရလာတော့ အိမ်မှာ ဘုန်းကြီး နှစ်ပါးရောက်နေပြီး ကျွန်တော့်ကို မိုးပြီးကြည့်နေတယ်..။ ပြီးတော့ ဘယ်လိုနေလဲလို့ မေးတယ်..။ ကျွန်တော် ဘာဖြစ်သွားခဲ့တာလဲလို့ မေးတော့… မနေ့ညက ကျွန်တော် အခန်းထဲဝင်ပြီး လဲကျသွားခဲ့တယ်တဲ့..။ ပြီးတော့ ချက်ချင်းပဲ ကျွန်တော် ပြန်ထ လာပြီး ကလေးဆီကို ပြေးလာတယ်တဲ့..။ ပြီးတော့ ကလေးကိုချီပြီး တော်တော် ပျော်နေတယ်တဲ့..။ ပျော်လွန်းလို့ ငိုတောင် ငိုတယ်တဲ့..။ ဒီကလေးက သူကျွတ်အောင် ချွတ်ပေးမယ့်ကလေး..။ သူ့ကို ကုသိုလ်လုပ် အမျှဝေပေးမယ့်ကလေး..။ သူဒီကလေးကို စောင့်နေရတာ တော်တော်ကြာနေပြီ. ဖြစ်ကြောင်း သူဒီဘ၀က လွတ်ချင်ပြီဆိုတဲ့အကြောင်းကို ကျွန်တော့်အသံ မဟုတ်တဲ့ ရှမ်းဘာသာ စကားနဲ့ပြောတော့တာပဲ..။ ကလေးကတော့ ကြောက်လန့်ပြီး တစ်ချိန်လုံး အော်ငိုနေတာပေါ့..။ နောက်ဆုံး ကလေးရဲ့ပါးကိုနမ်းပြီး ကလေးကို ဂရုစိုက်ဖို့နဲ့ ရေနဲ့ ဝေးဝေးနေဖို့ပြောပြီး လဲကျသွားတယ်လို့ ပြန်လည်သိရပါတယ်..။

အဲ့ဒါနဲ့ ဘုန်းကြီးနှစ်ပါးပင့်ပြီး အိမ်ကိုခေါ်လာ ကလေးကို ပရိတ်ရေတိုက်ပြီး၊ ကျွန်တော့်ခေါင်းကိုလည်း ပရိတ်ရေစွတ်၊ ပရိတ်ကြိုးတွေစွဲပေးပါတယ်..။ ကျွန်တော် နေလာတဲ့ ၁၀နှစ်ကျော်ကာလအတွင်း သူရဲ့ အရိပ်အယောင်တစ်ခါမှ မတွေ့ဖူးပါ..။ ဘယ်ကတည်းက ၀ဠ်ကြွေးခံနေရတဲ့ နာနာဘာဝလည်း မသိပါဘူး..၊ အဲ့ဒီအဖြစ်အပျက် ဖြစ်ပျက်ပြီးနောက်ပိုင်းလည်း သူ့ရဲ့အရိပ်အယောင်ကို အိမ်ထဲမှာ ခုချိန်ထိ မတွေ့ရတော့ပါကြောင်း……..။

အောင်ထွန်းဦး

Monday, April 28, 2014

တိရိစ္တာန်များကိုBonsai အဖြစ်ပြုလုပ်ခြင်းနှင့် key changeအဖြစ်ရောင်းချခြင်းအား ဆန့်ကျင်ကြပါစို့


လူတွေမှာတကယ်ပဲ သနားညှာတာစိတ်မရှိတော့တာလား အသွေးချင်းအသားချင်း စာနာစိတ်မရှိတော့တာလား ဒါမှမဟုတ် ... ရက်စက်ကြမ်းတမ်းတဲ့စိတ်တွေ မွေးဖွားလာခဲ့တာလားဆိုတာ ပြုလုပ်သူကာယကံရှင်တွေပဲသိပါလိမ့်မယ် ။ တစ်ကမ္ဘာလုံးက စာနာထောက်ထားသူတွေက တိရိစ္ဆာန်ညှင်းပမ်းမှုမှ ကာကွယ်စောင့်ရှောက်ရေးကို အားတက်သရော ဆောင်ရွက်နေချိန်မှာ အင်တာနက်မှသတင်း ၂ ပုဒ်ကို ဝေမျှပေးလိုက်ပါတယ် ။

ပထမသတင်းကတော့ အရှင်လတ်လတ် ငါးကလေးတွေ နဲ့လိပ်ကလေးတွေကို ကီးချိန်းအဖြစ်အိတ်ထဲမှာ ထည့်သွင်းရောင်းချခြင်းဖြစ်ပါတယ် ။ ( သတင်းအမှန်ပါ )

တရုတ်ပြည်ရဲ့လမ်းမကြီးတွေမှာ လိပ်ကလေးတွေကို လက်ဆောင်အဖြစ် အိတ်ကလေးတွေထဲထည့်ပြီး ရောင်းချနေကြတာတွေ့ရတယ် ဒီလိပ်ကလေးတွေက အသက်ရှင်နေတုန်းပါပဲ ။ စတိုးဆိုင်ပိုင်ရှင်ကတော့ ဒီလိုကီးချိန်းလေးတွေထဲက လိပ်ကလေးတွေဟာ တစ်လမှ ၃ လအထိအသက်ရှင်တယ်လို့ဆိုတယ် တစ်ကောင်ကို 5RMB ပေးရပါတယ် ။ တော်တော်ရက်စက်ကြမ်းကြုတ်ပြီး လက်ခံနိုင်ဖွယ်ရာမရှိတဲ့လုပ်ရပ်ပါပဲ ။

ဒီလို အိတ်ထဲ ထည့်သွင်းခံရပြီးရောင်းချခံရတဲ့လိပ်ကလေးတွေငါးကလေးတွေဟာ အသက်ရှုကြပ်ပြီးတစ်ချိန်မှာ မချိမဆန့်ဝေဒနာခံစားရပြီးသေဆုံးကုန်ကြတော့မှာပါ ။ ပြုလုပ်ရောင်းချသူတွေကို ပလပ်စတစ်အိတ်ကြီးထဲထည့်ပြီး လမ်းလယ်ခေါင် ချရောင်းကြရင်ဖြင့် ဘယ်လိုနေကြမှာပါလိမ့် ။

ငွေရှာဖို့အတွက် တခြားနည်းလည်းမရှိဘူးလားလို့မေးစရာရှိပါတယ် ။ တကယ်တော့ ရောင်းတဲ့သူမှာရော ၀ယ်တဲ့သူမှာရော ၂ ဦး ၂ ဖက်စလုံးမှာ အကုသိုလ်များလွန်းလှပါတယ် ။ မီဒီယာတွေကနတဆင့်အစိုးရဟာ ဒီသတင်းကြားပြီး ဒီလိုလုပ်ရပ်တွေကို တရားမ၀င်လုပ်ရပ်အဖြစ် သတ်မှတ်ပြီး အမြန်ဆုံးဖယ်ရှားနိုင်ပါစေလို့ပဲ ဆုတောင်းပေးပါတယ် ။

http://skeptics.stackexchange.com/questions/8743/are-bagged-turtles-and-goldfish-sold-as-keychains-in-china
https://www.youtube.com/watch?v=UU1XGXMELyw
http://inhabitat.com/live-animals-trapped-in-plastic-bags-sold-as-key-chains-in-horrifying-chinese-souvenir-scheme/
====================================

နောက်သတင်းတစ်ခုကတော့ ကြောင်ကလေးတွေကို ဘွန်ဆိုင်းအဖြစ် ပုလင်းတွေထဲမှာ ထည့်သွင်းရောင်းချခြင်းဖြစ်ပါတယ် ။ တရားဝင်လိုလိုပြုလုပ်ရောင်းချနေတဲ့ဆိုက်ကတော့http://bonsaikitten.com/bnw.html ဖြစ်ပါတယ် ။ တချို့သတင်းဆိုက်တွေမှာ Hoax သတင်းမှားလို့ ဖော်ပြနေကြတာလည်းတွေ့ရပါတယ် ။

http://struckbyenlightning.wordpress.com/2010/03/29/bonsai-kittens-82-hoax/

မှာပြောထားတာကတော့ MIT Grad students အုပ်စုကဒီ Bonsai Kitten ဆိုက်ကို ပြုလုပ်ခဲ့တာလို့ဆိုပါတယ် ။ သတင်းထဲမှာတော့ တော်တော်ကြောက်ခမန်းလိလိပါပဲ ဂျပန်မှာ ပြုလုပ်ရောင်းချတာလို့ဆိုပါတယ် ။

ဒါကတော့ကြောင်ကလေးတွေကို Bonsai လုပ်ဖို့လိုအပ်တဲ့အရာတွေပါ ။ အသေးစိတ်ကိုတော့ စိတ်ဆင်းရဲလွန်းလို့ ချမရေးချင်ပါဘူး ဆေးထိုးတဲ့အဆင့်ဆင့်တွေအများကြီး ဖန်အိမ်ထဲနေနိုင်အောင်လေ့ကျင့်ပေးတဲ့အဆင့်တွေအများကြီးပါပဲ ။ ကုသိုလ်ကံမကောင်းလို့သတ္တ၀ါ လာဖြစ်ရတဲ့ကြားထဲ ဒီလို လူတွေတွေကြောင့် ဘယ်လောက်များ ဒုက္ခခံစားရမှာပါလိမ့် ။

၁ ။ ပထမဆုံးအဆင့်အနေနဲ့ ကြောင်ကလေးကို အစာအငတ်ခံထားပြီး ၁၂ နာရီကြာတဲ့အခါ Ketamine , Valium 2mg ဆေးထိုးလိုက်ပါတယ် ။ ထည့်သွင်းမယ့် ဖန်ပုလင်းကို အစာစားဖို့အပေါက်ရင် ကျင်ကြီးကျင်ငယ်စွန့်ဖို့အပေါက်ရယ် ဖောက်ထားပါတယ် ။

၂ ။ ကြောင်ကိုပုလင်းထဲသွတ်သွင်းပြီးတဲ့အခါမှာတော့ အစာစားတဲ့ပိုက်ကိုမထည့်ရသေးပါဘူး အသက်ရှုဖို့ကတော့ တစ်လက်မရဲ့လေးပုံတစ်ပုံလောက်ပဲရှိတဲ့အပေါက်ကလေးကနေရှုရပါတယ် ။

၃ ။ အဲဒီနောက်မှာ ကျင်ကြီးကျင်ငယ်စွန့်ချင်ရင် အပေါက်ထဲကနေ စွန့်ရပြီး တော်တော်လေးကို ဒုက္ခဝေဒနာခံစားနေရတဲ့အဖြစ်ကို ခံစားလို့ရနိုင်မှာပါ ။ အဲဒီလိုပြုလုပ်တဲ့ လူတွေကိုလည်း ပုလင်းကြီးထဲ သွတ်သွင်းချင်စိတ်တွေဖြစ်လာမိတာတော့အမှန်ပဲ တော်တော်လေးကို ကိုယ်ချင်းစာစိတ်မရှိတဲ့ လုပ်ရပ်ပါ ။

ဒီတော့ ကျွန်တော့်အနေနဲ့ပြောချင်တာကတော့

ပထမသတင်းသည် သတင်းမှန်ဖြစ်ပြီး ဒီလို ကီးချိန်းပြုလုပ်သူတွေကို ထိထိရောက်ရောက်အရေးယူနိုင်ပါစေ ။ တရုတ်အစိုးရအနေနဲ့လည်းတင်းတင်းကြပ်ကြပ်တားမြစ်နိုင်ပါစေ ။

ဒုတိယသတင်းသည် သတင်းမှားဖြစ်ပါစေ တကယ်ပဲ MIT ကျောင်းသားတွေလက်ဆော့ထားတဲ့ အတုအယောင် ဆိုက်တစ်ခုဖြစ်ပါစေး။ တကယ်သာအစစ်ဆိုရင်တော့ တော်တော်ရက်စက်ယုတ်မာတဲ့လုပ်ရပ်ပါပဲ ။

သက်တန့်ချို
28 April 2014

ကလေးကို သတ်ပြီး ဟင်းချက်ဖို့ကြိုးစားတဲ့ လင်မယား

က မ္ဘောဒီးယားနိုင် ငံ မှာ ဖြစ်ပွားတဲ့ အမှုပါ။ ဖခင် နဲ့ မိခင် တို့  နှစ် ဦးပေါင်းပြီး
မိမိ ရင်သွေး ကိုခုတ်ပိုင်း ပြီး ဟင်းချက် ဖို့ ပြင် ဆင် ထားတာပါ သူ တို့  အသိတရားပြန် ဝင် တဲ့အချိန် မှာ မိမိသားကို သတ်မိပြီမို့  အဖမ်း ခံ ခဲ့ ပါ တယ်
စိတ် ကြွ ဆေး သုံးစွဲ တာ တွေ့ ရှိ တာ ကြောင့် ယင်းမိဘ နှစ် ဦးကို
တစ်သက် တစ်ကျွန်း ချမှတ် လိုက်ပါတယ်။ မူးယစ်ဆေးဝါးနောက် ဆက်တွဲ ပြဿနာကို
အများသိ အောင် share ပေးပါ ဦး

မျက်လှည့် နှင့် ထူးဆန်းဖွယ် ရာ' group မှ ဖော်ပြသည်

အောင်ထွန်းဦး

Sunday, March 30, 2014

အလောင်းကောင်မှ ပီယဆေး


ယောက်ျားလေး ပီယဆေးဆိုတဲ့ ဝေါဟာရကို ကောင်းကောင်း ရင်းနှီးကြမယ်ထင်ပါတယ်..။ ကျွန်တော်တို့ လူပျိုပေါက် အရွက်တုန်းက ပီယဆေးဆိုတာကို လိုချင်လိုက်တာ ပြောမနေနဲ့တော့..။ အတန်းထဲမှာ ပါဖြောင့်ဖြောင့်နဲ့ ရည်စားထည်လဲတွဲနိုင်တဲ့ကောင်ဆိုရင် ပီယဆေး ရှိတယ်လို့ နာမည် ကြီးပြီ..။ အဲ့ဒီမှာ ကျွန်တော်တို့ကလည်း မနေနိုင် မထိုင်နိုင် ပီယဆေး ဘယ်ကရလဲ ဘယ်လိုလုပ်ရလဲ ဆိုပြီး အောက်ကျခံပြီး မေးရတော့တာပေါ့..။ ကျွန်တော် မှတ်မိသလောက်ဆိုရင် ပီယဆေးကို ဖော်နည်း ၈ မျိုးလောက်ရှိမယ်ထင်ပါတယ်..။ နောက်ကျရင်တော့ အလျဉ်းသင့်သလို တင်ပေးသွားပါ့မယ်..။ အခုတစ်ခါကတော့ အလောင်းကောင်ကနေ ပီယဆေး ရယူရင်း သရဲနဲ့ ထိပ်တိုက် တွေ့ခဲ့တဲ့အကြောင်းလေး ပြောပြချင်ပါတယ်.။
၈ တန်းလောက်တုန်းက ကျောင်းကို ကျောင်းသားသစ်တစ်ယောက်ရောက်လာတယ်..။ နာမည်က ကျော်ကျော်တဲ့..။ ရုပ်ရည် အပြောအဆိုကတော့ ကျွန်တော်တို့အတွက်တော့ သူလိုကိုယ်လိုပါပဲ..။ ခက်တာက အခန်းထဲက မိန်းကလေးတွေ..။ တစ်ကျော်တည်း ကျော်နေတော့တာ..။ မုန့်စားဆင်းချိန် လည်း သူ့အတွက် မုန့်ဝယ်ပေးလာရတာနဲ့ ထမင်း၊ ဟင်းပိုထည့် ပေးလာရတာနဲ့..ဆိုတော့ ကျွန်တော်တို့အဖွဲ့က နည်းနည်းတော့ အမြင်ကပ်လာတော့ပေါ့နော်..။ အဲ့ဒါ တစ်ရက်လည်းကျရော.. သတင်းတစ်ခုက ထွက်လာတယ်.. "ကျော်ကျော့်မှာ ပီယဆေးရှိတယ်တဲ့.."
နောက်နေ့ မုန့်စားဆင်းတော့ ကျွန်တော်နဲ့ အခြား သူငယ်ချင်းနှစ်ယောက် မုန့်နဲ့ အချိုရည် ၀ယ် လိုက်တယ်..။ ပြီးတော့ ကျော်ကျော့်စားပွဲကို သွားပြီး မုန့်နဲ့ အချိုရည်ကိုတင်လိုက်တယ်..။ ပြီးတော့ မျက်နှာကို အချိုဆုံးလုပ်ပြီး "သူငယ်ချင်းကျော်ကျော်.. စားပါအုံး… မင်းအတွက် ၀ယ်လာတာကွ.."
ဒီကောင်က ကျွန်တော်တို့ကို မယုံသလိုကြည့်တယ်..။ ပြီးတော့ သူ့အိပ်ကပ်ထဲကို သူပြန်ကြည့်တယ်..။ ပြီးတော့ ပါးစပ်ကနေ "ဒုတ်ခပဲ..။ ဒီဆေးက ယောက်ျားလေးတွေပါ အစွမ်းပြတာလားဟ…" ဆိုပြီး တိုးတိုးလေး ရေရွတ်သံကြားလိုက်ရတယ်..။
"ဟာ.. ဟရောင်.. တစ်မျိုး မထင်ပါနဲ့ကွာ.. ငါတို့က ရိုးရိုးသားသားကျွေးတာပါ.. တစ်ခုပဲ မင်းဆောင်ထားတဲ့ ပီယဆေးအကြောင်းသိချင်တယ်..။ မပြောပြရင်တော့ ငါတို့ အတန်းပိုင်ဆရာမနဲ့ တိုင်ရလိမ့်မယ်…"
"တိုင်တော့ မတိုင်ပါနဲ့ကွာ..။ ပြောပြမယ်.. ။ ကတိတစ်ခုတော့ပေး.. မင်းတို့ သုံးယောက်ကလွဲပြီး ဘယ်သူမှ မသိစေနဲ့.."
"အေး..ရတယ်..သဘောတူတယ်.."
"ဒီလိုကွ… ဒီပီယဆေးက လူသေကောင်ဆီက ယူထားရတာ.. စွမ်းတာ မစွမ်းတာတော့ မင်းတို့ အမြင်ပဲနော်.."
"အမငီးးးး. လူသေကောင်ဆီက…??? …ဘယ်လိုမျိုးလဲ ပြောပြပါလား.."
"အသက် ၄၀ ကျော်ပြီး လူပျိုစစ်စစ်ဆိုတဲ့ ဘယ်အလောင်းကမဆို ပီယဆေး ယူလို့ရတယ်..။ အဓိကက လူပျိုစစ်ရမယ်..။ အသက် ၄၀ကျော်မှ သေတဲ့အလောင်းဖြစ်ရမယ်..။ နောက်တစ်ချက်က အစိမ်းသေ မဖြစ်ရဘူး..။ ဆိုလိုတာက ရောဂါနဲ့ ဆုံးနဲ့သူဖြစ်ရမယ်.."
"အင်း..ရပြီ…ပြီးတော့ရော…"
"မခက်ပါဘူး.၊ ၂လက်မအရှည်ရှိတဲ့ ဆံပင် အချောင်း ၃၀၊ ညာဘက် လက်မ လက်သည်းခွံ၊ ဘယ်ဘက် လက်သန်း လက်သည်းခွံ၊ ညာဘက် ခြေမ ခြေသည်းခွံ၊ ဘယ်ဘက် ခြေသန်း ခြေသည်းခွံ တွေက အိတ်သေးလေး တစ်အိတ်ထဲမှာ ရောထည့်ပြီး သွားလေရာမှာ ဆောင်သွား..။ ဒီမှာကြည့်.."
အဟုတ်ဗျာ..။ သူ့အိတ်ကပ်ထဲက ထုတ်လိုက်တာ ဆံပင်နဲ့ လက်သည်းခွံလေးတွေ ရောထည့်ထားတဲ့ အိတ်အကြည်လေးတစ်ခု..။ ကျွန်တော်တို့ သူငယ်ချင်းသုံးယောက်ကတော့ အပြုံးတွေ ကိုယ်စီနဲ့..။
ထုံးစံအတိုင်း သင်းချိုင်းက သုဘရာဇာဆီ အပူကပ်ရသည်။ စောင့်ရမည်။ သုံးသောင်း ပေးရမည်တဲ့…။ သူငယ်ချင်းသုံးယောက် တစ်ယောက် တစ်သောင်း ပေါင်းပြီး သုံးသောင်း ပေးထားလိုက်သည်။ ခက်တာက အလောင်းကောင် တစ်ကောင်ဆီကပဲဆိုတော့ ပီယဆေးက တစ်စုံပဲရမည်။ ကိစ္စမရှိ။ သူငယ်ချင်းသုံးယောက် တစ်ယောက် တစ်ပတ် အလှည့်ကျ ဆောင်ဖို့ တိုင်ပင်ထားကြသည်။
ကျွန်တော့်အထင် ၂ လ ၃ လ လောက်ကြာသွားသည်ထင်သည်။ သုဘရာဇာကြီးထံမှ အကြောင်း ကြားလာသည်။ ပီယဆေးရနိုင်မည့် အလောင်းတစ်လောင်း ဒီနေ့ရောက်လာမည်။ ညနေ လာယူရန် ပြောလာသည်။ ညနေ ကျောင်းဆင်းတာနဲ့ သူငယ်ချင်းသုံးယောက် ကျူရှင်လစ်ပြီး သင်းချိုင်းကုန်း ပြေးသည်။ ကျွန်တော့်တို့ရောက်တော့ သုဘရာဇာကြီးက အသင့်ဆောင့်နေလေပြီ..။
"ကဲ..ကဲ.. ယူစရာရှိတာ မြန်မြန်ယူ… သူများတွေ မြင်ရင် မကောင်းဘူး.."
"ဟာ.. ဦးလေး ယူပေးလေ.."
"ခွီး… ငါ့အလုပ်နဲ့ငါတောင် မအားဘူး..၊ ငါဟိုဘက်မှာ ရှိမယ်..။ ယူပြီးရင် ငါ့လာပြော.. ရော့ ဒီမှာ လက်သည်းညှပ်နဲ့ ကပ်ကြေး.."
အဲ့ဒါမှ ဒုတ်ခ..။ ကိုယ်ကလည်း ဒီအခြေအနေထိ ရောက်မှတော့ မတတ်နိုင်။ ဟိုနှစ်ကောင်ကြည့်ရတာ လည်း အားကိုးလို့ရမည့်ပုံမပေါ်..။ အလောင်းကောင်ကို ကျွန်တော် ငုံ့ကြည့်လိုက်သည်။ အလောင်းကောင်ပေါ် နားနေသော ယင်ကောင် တစ်သိုက် ထပျံသွားပြီး ဆုံးရွားလှသော အပုပ်နံ့က နားခေါင်းထဲ အလုအယက် တိုးဝင်လာသည်။ အလောင်းကောင်က မျက်နှာ တစ်ခုလုံးဖူးယောင်နေပြီး နာခေါင်း၊ နားရွက်၊ မျက်စိ၊ ပါးစပ် စတာတွေက သွေးပုပ်တွေ ကျလျက်ရှိသည်။ သြော်… ဦးနှောက် သွေးကြောပြတ်သေတဲ့ သူဆိုတော့လည်း လူကသေသွားပေမယ့် သွေးတွေက တောက်လျှောက် ကျဆင်းနေတာ ဖြစ်လိမ့်မည်။
ကျွန်တော် အသက်အောင့် ကပ်ကြေးယူပြီး အလောင်းကောင် ဦးခေါင်းက ဆံပင် အနည်းငယ်ကို ညှပ်ချလိုက်သည်။ ပြီးတော့ လက်သည်း၊ ခြေသည်းတွေကို လိုက်ညှပ်သည်။ အလောင်းကောင်က အသက် ၅၀ လောက်ရှိမည်ထင်သည်။ ပိုက်ဆံရှိ လူလတ်တန်းစားထဲက ဖြစ်နိုင်သည်။ လိုချင်တာတွေ ယူပြီးသည်နှင့် သုဘရာဇာကြီးကို နှုတ်ဆက်ပြီး ပြန်ခဲ့တော့သည်။ ကျွန်တော်တို့ သင်းချိုင်းမှ ပြန်ထွက်လာချိန်သည် ညနေ ၆း၃၀ ခန့်ရှိလေပြီ။
ပီယဆေးကို ကျွန်တော်အရင်ဆုံး ဆောင်ရမည်ဖြစ်သောကြောင့် အထုပ်ကို ကျွန်တော့်အိမ်ကို ယူလာလိုက် သည်။ အိမ်ထဲဝင်ဝင်ချင်း ဘေးအိမ်က ကောင်မလေး ကျွန်တော့်ကို လှမ်းပြုံးပြတာ မြင်လိုက်သည်။ နဂိုဆိုရင် အကြောမတဲ့သော ဒီတစ်ယောက် ဘာစိတ်ကူးတွေ ပေါက်ပြီး လာပြုံးနေသည်မသိ။ ပီယဆေးကြောင့် ပြုံးပြတာဖြစ်နိုင်သည်။ ကျွန်တော်လည်း ကိုယ့်ကိုယ်ကို ကျေနပ်ပြီး ပီယဆေးကို ကျောင်းလွယ်အိတ်ထဲထည့်ထားလိုက်ပြီး အခန်းထဲ ချိတ်ထားလိုက်သည်။ ပြီးတော့ ရေမိုးချိုး၊ ထမင်းစား၊ တီဗွီကြည့်ပြီး ည ၁၀း၀၀ နာရီလောက်မှာ အိပ်ယာဝင်ခဲ့သည်။ အဲ့ဒီအထိ အဆင်ချောသေးသည်။
ည ၁း၀၀ နာရီလောက် လုံးဝ နှစ်နှစ်ခြိုက်ခြိုက် အိပ်မောကျနေသည့်အချိန်။ ကုတင် အောက်မှာ တစ်ယောက်ယောက် ငိုနေသံကို ကြားလိုက်ရသည်။ အသံက အမျိုးသားတစ်ဦးအသံ။ ငိုတာမှ တအားကို ရှိုက်ကြီးတငင် ငိုနေတဲ့အသံ။ ကျွန်တော် အံ့သြစွာပဲ ဆက်လက်နားဆွင့်နေလိုက်သည်။ သေချာသည်။ ဒီငိုသံသည် အိမ်မှ လူတွေထဲကတော့မဟုတ်။ ကျွန်တော် ဇောချွေး ပြန်လေပြီ။ မဟုတ်က ဟုတ်က လုပ်ထားတာတွေကြောင့်လား…။
"ကျွန်တော့်ကို လွတ်ပေးပါဗျာ… ကျွန်တော့်ကို မချုပ်ထားပါနဲ့…။ ကျွန်တော် သွားပါရစေ…"
ငိုသံတွေကြားမှ စကားသံတွေ ကျွန်တော်ကြားနေရသည်။
"ကျွန်တော့်မှာ ဘာအပြစ်ရှိလို့လဲဗျာ..။ ကျွန်တော်သွားပါရစေ..။ ကျွန်တော့်ပစ္စည်းတွေကို ကျွန်တော့် အုတ်ဂူခြေရင်းမှာ ပြန်မြှပ်ပေးပါ..။ ကျွန်တော့်ကို သွားခွင့်ပေးပါဗျာ….အီး..ဟီး..ဟီး…"
သေချာပြီ..။ ညနေက အလောင်းကောင် ကျွန်တော့်ဆီ သူ့ပစ္စည်းတွေ ပြန်တောင်းနေခြင်းဖြစ်သည်။ ကျွန်တော် စိတ်စွဲပြီး အိပ်မက်မက်တာလားဆိုတာ သေချာအောင် အမှတ်စဉ်ရေကြည့်သည်။ ကိုယ့်အသားကိုယ် ဆွဲစိတ်ကြည့်သည်။ အိပ်မက်မက်နေတာမဟုတ်။ ငိုသံက ပိုမိုကျယ်လောင်လာသလို… သူ့အသံတွေထဲမှာ ဒေါသသံတွေ ပါလာသည်ဟုလည်း ကျွန်တော် ထင်မိသည်။ အိမ်ကလူတွေကတော့ တစ်ယောက်မှ သိပုံမပေါ်..။
ကျွန်တော်လည်း အရဲစွန့်ပြီး…"ကျွန်တော် မနက်ဖြန် ညနေ ပြန်ထားပေးပါ့မယ်..။ ကျွန်တော့်ကို ခွင့်လွှတ်ပါခင်ဗျာ.." လို့ ပြောပြီး နားပိတ်ပြီး ရသမျှ ဘုရားစာတွေ ရွတ်ဆိုနေလိုက်တယ်..။ ကျွန်တော် ဘယ်အချိန် အိပ်ပျော်သွားလဲဆိုတာတောင် မသိလိုက်ပါဘူး..။

နောက်နေ့ ဟိုကောင်တွေကို ပြောပြီး ညနေကျောင်းဆင်းတာနဲ့ သူ့အုတ်ဂူခြေရင်းမှာ သူ့ပစ္စည်းတွေကို ပြန်မြှပ်ပေးလိုက်တယ်..။ အဲ့ဒီနောက်ပိုင်းမှာတော့ ဘာပြသနာမှ မရှိတော့ပါဘူး.. ဒီနည်းလမ်းက တစ်ကယ်စွမ်းလား မစွမ်းလာတော့ မသေချာပါဘူး..။ ဒါပေမယ့် သေချာပါတယ်..။ ဆံပင်နဲ့ ခြေသည်း၊ လက်သည်းတွေဆိုတာ ၀ိဥာဉ်ချုပ်တဲ့ ပစ္စည်းတွေပါပဲ..။ ကျော်ကျော်ကတော့ ကိုယ့်အကျိုးအတွက် ၀ိဥာဉ်တစ်ကောင်ကို အဲ့လိုချုပ်ထားနေတာလား..၊ ဒါမှမဟုတ် ကျွန်တော် ကျမှပဲ ဒီဖြစ်ရပ်မျိုး ကြုံတာလားဆိုတာကတော့ မစဉ်းစားတတ်တော့ပါဘူး.. ဒါပေမယ့် အဲ့ဒီနောက်ပိုင်း ပီယဆေးဆိုတဲ့အသံကြားတာနဲ့ ကျွန်တော်လည်း ဝေါင်ဝေါင်ရှေး ပြီး ဝေးဝေးကနေသာ ရှောင်ခဲ့တော့ပါကြောင်းးး..
အောင်ထွန်းဦး 

Friday, March 21, 2014

ကင်ဆာရောဂါခံစားနေသူ တိရစ္ဆာန်ရုံမှ ၀န်ထမ်းရဲ့ နောက်ဆုံး နှုတ်ဆက်ခရီး



မာရီယိုလို့ခေါ်တဲ့ သူဟာ Ratterdarm's Diergaarde Blijdrop တိရစ္ဆာန်ရုံမှာ အလုပ်လုပ်ခဲ့တာ တော်တော်ကြာခဲ့ပါပြီ.။ အခုဆိုရင် သူဟာ အသက် ၅၄ နှစ်ရှိနေပြီဖြစ်ပြီး ဆေးရုံမှာ ကင်ဆာရောဂါကို ခံစားနေရလျက်ရှိပါတယ်..။ သူရဲ့ နောက်ဆုံးရလာဒ် ထွက်လာ အပြီးမှာ သူဟာ ဆေးရုံက ၀န်ထမ်းကို အကူအညီတောင်းခဲ့ပါတယ်..။ သူငယ်စဉ်ကတည်းက ထိန်းသိမ်းစောင့်ရှောက်လာခဲ့တဲ့ သစ်ကုလားအုတ်တွေကို နှုတ်ဆက်ဖို့ပါ.။
"သစ်ကုလားအုတ်တွေက သူ့ကို မှတ်မိကြပါတယ်..။ ပြီးတော့ သူနေမကောင်းဖြစ်နေတာကိုလည်း သိပုံရတယ်..။ တစ်ကောင်ဆိုရင် သူ့ကို လာပြီးတော့တောင် နှုမ်းရှုံ့သေးတယ်"လို့ တိရစ္ဆာန်ရုံကို လိုက်ပို့ပေးခဲ့တဲ့ Kees Veldboer က Dutch သတင်းစာ Algemeen Dagblad ကို ပြောပြခဲ့ပါတယ်.."

"ဒါက အရမ်းဝမ်းနည်းဖို့ကောင်းတဲ့မြင်ကွင်းပါ..။ သူ ဒီတိရစ္ဆာန်ကို နောက်ဆုံးအကြိမ် နှုတ်ဆက်ဖို့ လာရောက်တာ သူ့ရဲ့ သစ်ကုလားအုတ် တွေလည်း သိပုံရတယ်..။ သူတို့ရဲ့ ၀မ်းနည်းမှုတွေကို ကျွန်တော် သူတို့မျက်လုံးတွေထဲကနေ မြင်နိုင်တယ်…" လို့ တိရစ္ဆာန်ရုံ ၀န်ထမ်း တစ်ဦးမှ ပြောပြခဲ့ပါတယ်..။

အောင်ထွန်းဦး

Friday, February 28, 2014

Highway ခရီး တစ်ညတာ

 



ညနေ (၄း၀၀) နာရီ..။ ကိုယ်စီးရမည့် ကားကို ကြည့်ပြီး ကျေနပ်နေမိသည်။ စီးရမှာ အတော် ဇိမ်ကျမည့် ကားကြီး…။ ဟုတ်သည်။ အခုနောက်ပိုင်း အထူး express ကားတွေ ပြေးဆွဲလာတာကြောင့် ကျွန်တော်တို့လို မကြာခဏ ခရီးသွားနေသူများအဖို့ အရမ်း ကို အဆင်ပြေလွန်းသည်။ လေယာဉ် မစီးနိုင်သူများအဖို့ ယခင်က ကုန်းလမ်းအဖြစ် ရထားကိုသာ အားကိုး အားထား ပြုခဲ့ရမှ ယခုအခါတော့ အဆင်ပြေပြေနဲ့ သွားလာနိုင် ကြပြီ ဖြစ်သည်။

အခုလည်း ရန်ကုန်ကို ခဏတစ်ဖြုတ်လာဖို့ရှိတာကြောင့် ကားဂိတ် ရောက်နေရခြင်းဖြစ်သည်။ (၄း၀၀) နာရီ ထိုးသည်နှင့် ကားပေါ်ကို ကျွန်တော်တက်လိုက်သည်။ ခရီးသွားဖူးသူတိုင်း သိကြမည်ထင်သည်။ ကိုယ် ဘယ်တူနဲ့အတူ ထိုင်ခုံ အတူထိုင်ရမလဲဆိုတာ စိတ်ဝင်စားဖို့ကောင်းသည်။ ယောက်ျားလေး အများစုကတော့ ကောင်မလေး ချောချောလေးတွေနဲ့ အတူထိုင်ရဖို့ ဆုတောင်းကြမိထင်သည်။ ဒါပေမယ့် အဲ့ဒီလို ဆုတောင်း ကြတိုင်း ၀တုတ်တုတ် အဒေါ်ကြီးတွေ..၊ အရက်မူးနေတဲ့ သူတွေ..၊ အိပ်ချိန်မရှိအောင် စကားများပြီး ဆုံးမ သြ၀ါဒ ပေးတတ်တဲ့ လူကြီးသူမ များနှင့်သာ အတူထိုင်ရသည်က များသည်။

ယခုလည်း စိတ်ထဲတွင်တော့ ၀တ်မှုန်ရွှေရည် နီးနီးလှပသော ကောင်မလေးတစ်ယောက်နဲ့ အတူထိုင်ရဖို့ စိတ် ကူးယာဉ်ပြီး ကားထဲဝင်လိုက်သည်။ မိမိထိုင်နံပါတ်က ၁၅။ ၁၆ မှာ ဘယ်သူမှ ရှိမနေ..။ မရောက်သေးတာ ဖြစ်မည်။ ကျွန်တော် ကားပေါ်တက်ပြီး ၅ မိနစ်လောက်နေတော့ ကားစထွက်သည်။ ဘေးက ထိုင်ခုံမှာ လူမရောက် လာသေး..။ သြော်… သိပြီ..။ သီပေါ..၊ ကျောက်မဲ တို့မှာ လမ်းကြုံ ၀င်တင်မှာ ဖြစ်နိုင်သည်။

ကားစီးရင် အိပ်တတ်သည်က ကျွန်တော့်အကျင့်ဖြစ်သည်။ စထွက်ကတည်းက အိပ်လိုက်တာ ညစာ စားဖို့ ကျောက်မဲ ရောက်မှ နှိုးသည်။ မိမိဘေးခုံနေရာကို တစ်ချက်ကြည့်လိုက်သည်။ ဘယ်သူမှ မရှိသေး။ ဒါဆိုရင် ဒီနေရာသည် ရောင်းမထွက်သည့်ခုံ ဖြစ်ဖို့များသည်။ ကံကောင်းပြီ..။ နှစ်ယောက် ထိုင်ခုံမှာ တစ်ယောက်တည်း ပက်ပက်စက်စက် အိပ်ပြီး စီးပစ်လိုက်အုံးမည်။

ဒီလိုနဲ့ ညစာ စားသောက်ပြီး ပြန်ထွက်ကတည်းက ကျယ်ကျယ်လွန့်လွန့်နှင့် ပျော်ပျော်ကြီး အိပ်ခဲ့တော့သည်။  ဘယ်လောက် ကြာကြာအိပ်ပျော်သွားသည် မသိ..။ "ကျွိ" ခနဲ ကားရပ်သံနဲ့ အတူ ကားထိုးရပ်သွားတာ ကြောင့် နိုးလာခဲ့သည်။ နိုးနိုးချင်း ချက်ချင်းပဲ နာရီကို တစ်ချက် ကြည့်လိုက်မိသည်။ အချိန်က (၁း၁၅) မိနစ်..။ ဒါဆို ယခု မန္တလေးကျော်ပြီး..၊ နေပြည်တော် လမ်းပေါ်မှာရောက်နေပြီလို့ ခန်းမှန်းမိလိုက်သည်။

ကား ဒရိုင်ဘာနဲ့ စပယ်ယာ အပေါင်းအပါများ စကားပြောဆိုနေသံများကို ကြားလိုက်ရသည်။

"ဒီနေရာ ဒီလို အချိန်ကြီးမှာ ဘာဖြစ်လို့လဲ ညီမ.."

"ကျွန်မ မှတ်မိတာ ဒီနေရာ ကျွန်မတို့ကားပျက်နေတာပါ..။ အဲ့ဒါ ကျွန်မလည်း အပေါ့ခဏဆင်းသွားတာ ပြန်လည်း လာရော ကားက ထွက်သွားပြီး ကျွန်မနဲ့ သမီးလေး ကျန်ခဲ့တာ.."

"သြော်.. ကလေးငယ်လေးနဲ့ကိုး… ညီမ ဘယ်က စီးလာတာလဲ..၊ ဘယ်ကားဂိတ်နဲ့လာတာလဲ.."

"လားရှိုးကပါ..၊ ရန်ကုန်သွားမလို့..၊ ဘာကား စီးလာလဲတော့ မမှတ်မိဘူး.၊ ညီမက ခရီးသွားနေကျ မဟုတ်ဘူးလေ.."

ကျွန်တော် သဘောပေါက်လိုက်သည်။ ကားပျက်လို့ ပြင်နေချိန်မှာ သူမက ကလေးနှင့် အပေါ့ဆင်းသွားမည်။ ကားပြင်ပြီးတော့ ကားဆရာတွေက လူမစစ်ပဲ ကားမောင်းထွက်သွားလို့ သူတို့ ကျန်ခဲ့တာ ဖြစ်နိုင်သည်။ နေရာ ကလည်း တစ်ကယ့်ကို မှောင်မိုက်နေတဲ့နေရာ။ မသမာသူများနဲ့ တွေ့သွားလို့ကတော့ မလွယ်..။

"ခုံလွတ် ရှိသေးလားဟေ့.."

"တစ်ခုံလွတ်သေးတယ် ဆရာ.."

"တစ်ခုံတော့ လွတ်တယ် ညီမ..၊ လိုက်ခဲ့လိုက်ပေါ့..၊ ရန်ကုန်ရောက်မှ ဟိုကားမှာပါသွားတဲ့ ပစ္စည်းတွေ စုံစမ်းပြီး ယူတာပေါ့.."

"ဟုတ်..၊ ကျေးဇူးတင်ပါတယ်ရှင်.."

ကားပေါ်တက်လာပြီး သူမ ကျွန်တော့်ဘေးက ခုံမှာ ၀င်ထိုင်လိုက်သည်။ အသက် ၂၀ ကျော်ပင်ရှိအုံးမည်။ ဖြူဖွေး နုဖတ်ပြီး ချောမောလှသော သူမကို ကြည့်ရတာ ငွေကြေးရှိ လူတန်းစားထဲမှ ဖြစ်နိုင်သည်။ အနှီးပတ် ထားသော ကလေးငယ် တစ်ယောက်က သူ့လက်ထဲမှာ အိပ်မောကျနေသည်။ ဒီလို ငယ်ငယ်ရွယ်ရွယ် ချောမော လှပသော ကောင်မလေးတစ်ယောက် ကားကြုံသာ မတွေ့လို့ကတော့ ကျွန်တော် မတွေးရဲ။ ဒီလိုလမ်း ဒီလိုအချိန်မှာက လူကောင်းထက် လူဆိုးတွေက ပိုများတာကိုး..။

သူမ ကျွန်တော့်ကို တစ်ချက်ပြုံးပြသည်။ အပြုံးမှာ အသက်မပါလှ။ ဟန်လုပ်ပြုံးပြမှန်း သိသာသည်။ သူမ အရမ်း ပင်ပန်းနေပြီထင်သည်။ ကျွန်တော်လည်း အလိုက်သင့် ပြန်ပြုံးပြလိုက်ပြီး ဘာမှ အနှောင့်အယှက်မပေးပဲ ပြန်လည် အိပ်ဖို့ပြင်ဆင်လိုက်သည်။ 

ဒီအချိန်မှာ ကျွန်တော့်နှာခေါင်းထဲ အပုပ်နံ့တစ်ခုရလာသည်။ အပုပ်နံ့ကမှ ကြွက်တွေသေပြီး ရှာမတွေ့တဲ့အခါ ရတဲ့ အနံ့မျိုး..။ အရင်က ဒါမျိုးအနံ့မရ။ ကျွန်တော် အားနာ စွာနဲ့ပဲ..

"ညီမ..၊ ကလေးက..၊ အလေးများ သွားထားလား မသိဘူး..၊ အနံ့ရလို့…"

"သြော်..၊ ကြည့်လိုက်အုံးမယ်..၊ မသွားထားပါဘူး အကိုရဲ့..၊ ဘာအနဲ့ရလို့လဲ.."

"ဟိုလေ..၊ ကြွက်ပုပ်နံ့လိုလို..၊ အသားပုပ်နံ့လိုလိုပဲ..၊ အရမ်းကို ဆိုးတယ်.."

"ဟုတ်လား..၊ ညီမတော့ မရပါဘူး.."

"စပယ်ယာအကို..၊ ဒီနား တစ်ချက်လာပါအုံးဗျာ..၊ ဘာအနံ့ရလဲလို့.."

စပယ်ယာ ချက်ချင်းပဲ ကျွန်တော့်အနား လျှောက်လာပြီး တရှုံရှုံနဲ့ အနံ့ခံသည်။

"မရပါဘူး အကိုရ..၊ အကို စိတ်ထင်လို့ပါ..၊ ကျွန်တော် air freshener လေး လာဖျန်းပေးမယ်.."

"အေး..အေး.."

Air freshener လာဖျန်းပေးသည့်နောက်တွင် အနံ့ဆိုးက အနည်းငယ်သက်သာသွားသည်။ လုံးဝ ပျောက်သွား သည်တော့ မဟုတ်။ နံနေသေးသည်။ ကျွန်တော်လည်း ဂဂျီဂဂျောင် ကျတယ် ထင်မှာစိုးတာကြောင့် ဘာမှ မပြောပဲ ဆက်အိပ်ဖို့ ကြိုးစားလိုက်သည်။ ဒီအချိန်မှာပဲ.. ကျွန်တော့် လက်မောင်းနဲ့ နောက်ကျော တစ်ပြင်လုံး ကြက်သီးမွေးညှင်းတွေ တဖျင်းဖျင်းထသွားသည်။ ဒုတ်ခတော့ရောက်ပြီ..။ ဒီလို ကြက်သီးမွေးညှင်းထတိုင်း ကျွန်တော် သရဲ နဲ့ ထိပ်တိုက်တွေ့ရလေ့ရှိသည်။
သူမက…။ သူမက.. ဘယ်သူလဲ…၊ လူကော ဟုတ်ရဲ့လား…။ ကျွန်တော် မ၀ံ့ရဲစွာ သူမဘက်ကို လှည့်ကြည့် လိုက်သည်။ ပြူးကြောင်နေသော မျက်လုံးအစုံက ကျွန်တော့်ကို စိုက်ကြည့်နေသည်။ ကျွန်တော် အရဲစွန့်ပြီး တစ်ခု စမ်းသပ်လိုက်သည်။

"အဟွတ်…၊ အဟွတ်…"

ကျွန်တော် ချက်ချင်းပဲ ချောင်းဆိုးသလိုလုပ်ပြီး လက်ကို သူမမျက်စိရှေ့မှာ ရုတ်တရက်လှုပ်ရှားလိုက်သည်။ ကျွန်တော့်ဖက်ကို လှည့်ပြီးပြူးကြည့်နေတဲ့ မျက်လုံး မျက်တောင် လုံးဝခတ်မသွား..။ သေချာပြီ..။ သူမ သည် လူမဟုတ်။ သရဲ..။ သရဲ ဖြစ်သည်။ ကျွန်တော် သူချီထားတဲ့ ကလေးကို ငုံ့ကြည့်လိုက်သည်။ ပိုသေချာ သွားသည်။ သူမ ချီထားသည်မှာ ကလေးမှာ ခေါင်းသာ ပါပြီး ခန္ဓာကိုယ်မပါ..။ ကလေးငယ်လေးက မျက်လုံးပြူး ပြီး ကျွန်တော့်ကို စိုက်ကြည့်နေသည်။

ကျွန်တော် ချက်ချင်း မျက်လုံးမှိတ်လိုက်သည်။ ကိုယ့်ကိုယ်ကို ပြန်သတိပေးသည်။ ဒါ တစ်ကယ်မဟုတ်ဘူး.။ အိပ်မက် မက်နေတာ..။ အိပ်မက်က နိုးစမ်း..။ နိုးစမ်းပါ..။ သတိပြန်ထားပြီး သူမကိုပြန်ကြည့်သည်။ ကျွန်တော့် ကို ပြူးကြောင်ကြည့်နေသော သားအမိနှစ်ယောက်ရဲ့ မျက်လုံးလေး လုံးက နေရာမရွှေ့..။ သေချာသည်။ ဒါ အိပ်မက်မှ မဟုတ်တာ။ တစ်ကယ် ဖြစ်နေတာကြီး.။
ကျွန်တော်ချက်ချင်းပဲ စိတ်ထဲကနေ ဘုရားစာဆိုပြီး..၊ မေတ္တာသုတ်ကို အဆက်မပြတ် ရွှတ်ဖတ်နေလိုက်သည်။ စိတ်ကိုလည်း သူ့ဖက်မရောက်အောင်.. ဘုရားစာထဲကိုသာ အာရုံပို့လိုက်သည်။ ပြီးတော့ စပယ်ယာကို 

"ကျွန်တော့်ကို တရားခွေ တိုးတိုးလေးဖွင့်ပေးပါလား..၊ အိပ်ရင်း တရားနာလို့ရတာပေါ့.."

တိုးညှင်း သိမ်မွေ့သော တရားသံက ကြားရရုံလေး ထွက်လာသည်။ ကျွန်တော် တရားနာရင်း စိတ်ကို မပြန့်လွင်အောင် ထိန်းရင်း အိပ်ပျော်သွားခဲ့သည်။ မနက် နိုးနိုးချင်း ကြည့်မိတာက ဘေးနားက နေရာ..
ဘယ်သူမှရှိမနေ..။ ကျွန်တော် စပယ်ယာကို မေးကြည့်သည်။

"ဘေးနားက လမ်းကြုံလိုက်လာတဲ့ ညီမ ဆင်းသွားပြီလား.."

"မဆင်းပါဘူး..၊ ကားက လုံးဝမရပ်ဘူး..၊ တောက်လျှောက်မောင်းနေတာလေ.."

"အခုသူ မရှိတော့ဘူးလေ…"

"ခုံများ ပြောင်းထိုင်နေသလား…"

သူပြောမှ ကျွန်တော်လည်း ကားထဲက ခုံတွေအားလုံး လိုက်စစ်ကြည့်သည်။ မတွေ့..။

"မရှိပါဘူးကွာ..၊ မင်းတို့ကလည်း လူတစ်ယောက်လုံး ပျောက်သွားတာကိုတောင် မသိဘူးလား.."

"အာ.. အကိုကလည်း ကားမှ မရပ်တာ..၊ လူစစ်ဖို့ မလိုဘူးလေ..၊ ထူးဆန်းတယ်ဗျာ..၊ ဘယ်ရောက်သွားတာ လဲ ဒီသားအမိ…"

"နေပါအုံး…၊ နောက်တစ်ခုက…၊ ကျွန်တော်တို့ကားက… လားရှိုးကနေ အစောဆုံးထွက်တဲ့ကား.. ရှေ့မှာ ဘယ် လားရှိုးကားမှ မရှိဘူး.."

"မင်းဟာ သေချာလို့လားကွာ.."

"အာ အကိုကလည်း ကျွန်တော်တို့က ဘယ်ကား ဘယ်ရောက်ပီ ဆိုတာ အချိန်ပြည့် ဖုန်းနဲ့ချိတ်နေတာဗျ.."

"ဒါဆို ငါတို့တွေ့ခဲ့တာ ဘာကြီးလဲ…"

"လွန်ခဲ့တဲ့နှစ်ရက်က အဲ့ဒီနေရာတစ်ဝိုက်မှာ ကားတိုက်မှု တစ်ခုဖြစ်ခဲ့တယ်ဗျ…။ အမျိုးသမီးတစ်ယောက်နဲ့ ကလေး တစ်ယောက် ပွဲချင်းပြီးဆုံးသွားတယ်တဲ့ .. သတင်းစာထဲမှာတော့ ဖတ်လိုက်ရတယ်… ကျွန်တော် တို့ တင်ခဲ့တာ အဲ့ဒီနှစ်ယောက်များ ဖြစ်နေမလား.."

"ဖြစ်နေမလား မဟုတ်ဘူး.. ဖြစ်နေတာဟေ့..၊ မင်းကို ပြောပြလိုက်အုံးမယ်..၊ အေး..၊ သူချီထားတဲ့ကလေးက ခေါင်းပဲ ရှိတယ်..။ ကိုယ်မရှိဘူး..။ ငါ့ကို ဘာမှ ဒုက္ခမပေးတာနဲ့ ငါလည်း တစ်ညလုံး ဘုရားစာတွေရွတ်၊ မေတ္တာတွေ ပို့နေလိုက်တာ.၊ ရှေ့လျှောက် ညပိုင်းဆို မင်းတို့ ကားပေါ်မှာ တရားခွေလေး ကြားရရုံဖွင့်ထားပါကွာ…၊ ဘေးကင်းတာပေါ့.."

ဒီလိုပါပဲ..။ အဲ့ဒီ နာမည်ကြီးတဲ့ အမြန်လမ်းမကြီးမှာ.. လူမသိသူမသိပဲ.. ညမှောင်မှောင်မှာ.. ကားတားတားပြီး စီးတတ်ကြတဲ့ သူတွေ ပိုမိုများလာသလို လမ်းပေါ်မှာ ကားတိုက်မှု၊ ကားမှောက်မှု၊ လူသေဆုံးမှုတွေကလည်း ပိုမို ဖြစ်လာကြတာဟာ တိုက်ဆိုင်မှု တစ်ခုလားဆိုတာကတော့ ကျွန်တော့်ကို ခေါင်းခြောက် စေခဲ့ပါတယ်..။ 

သင်တို့လည်း ညဘက် အဲ့ဒီလမ်းပေါ်မှာ ခရီးဝေးကား စီးရတဲ့အခါ လမ်းကြုံလို့ တားဆီးတဲ့ မသင်္ကာဖွယ်ရာ လူများတွေ့ရင် မေတ္တာသုတ်ကိုသာ နာနာဖိရွှတ်ပါလို့ အကြံပေးလိုက်ရပါစေ..။

အောင်ထွန်းဦး

LinkWithin

Related Posts Plugin for WordPress, Blogger...

ထင်မြင်ချက်လေးတွေ ရေးပေးခဲ့ပါ