တရုတ်နိုင်ငံ Fujian ပြည်နယ် Ningde မြို့တော်မှာ အဝေးခရီးလမ်းလျှောက်ပွဲ ဆင်နွှဲရင်းကဂူတစ်ခုထဲမှာ ရှေးခေတ်က အလောင်းတစ်လောင်းကို တွေ့ရှိပြီး သက်ဆိုင်ရာကို အကြောင်းကြားခဲ့ပါတယ်..။ စုံစမ်းစစ်ဆေးမှုတွေအရ ဒီအလောင်းဟာ အထူးစီမံပြုလုပ်ထားတဲ့ မံမီ ရုပ်အလောင်းဖြစ်ပြီး တွေ့ခဲ့ရသမျှ မံမီရုပ်အလောင်းတွေထဲမှာတော့ အစောဆုံးဖြစ်တယ်လို့ ဆိုထားပါတယ်..။ ဒီမံမီအလောင်းဟာ မပျက်မစီးသေးပဲ သူ့ရဲ့ ဆံပင်တောင် ဆံမြီးကျစ်ထားတဲ့ ပကတိပုံစံအတိုင်း ရှိနေတာကို အံ့သြစွာ တွေ့ရှိခဲ့ရပါတယ်..
မံမီကို အခေါင်းထဲက ထုတ်ပြီး ကြည့်လိုက်တဲ့အခါ သူဝတ်ထားတဲ့ မင်းမှုထမ်းဝတ်စုံရဲ့ အရှေ့ပိုင်း တစ်ဝက်လောက်ကိုသာ မြင်နိုင်ပါတော့တယ်…၊ ဒါပေမယ့် ၀တ်စုံရဲ့ အနောက်ဘက်မှာတော့ နဂါးသုံးကောင် ရောထွေးနေတဲ့ပုံကို ရွှေရောင်ချည်မျှင်တွေနဲ့ ထိုးထားပါတယ်….၊ အ၀တ်အစားတွေဟာလည်း သေသေချာချာ စီမံထားပုံရပြီး အတွင်းဆုံးအလွှာကို ရွှေအိုရောင်..၊ အပြင်အလွှာကို အပြာရောင်နဲ့ အပေါ်ဆုံးအထည်ကို ပိုးထည်တွေ အသုံးပြုထားကြောင်းတွေ့ရပါတယ်..။
တာဝန်ရှိသူတွေက "ဒီမံမီကို မပုပ်မသိုးပဲ ဒီလောက်နှစ်အကြာကြီး ကြာရှည်ခံနိုင်အောင် ရှေးခေတ် တရုတ်လူမျိုးများက စီမံနိုင်ခဲ့ပါတယ်..၊ ယခုခေတ်လူတွေတောင် ခေတ်ပေါ်နည်းပညာတွေနဲ့ ဒါမျိုး လုပ်နိုင်ဖို့ဆိုတာ မလွယ်ပါဘူး..၊ ရှေးခေတ်လူတွေရဲ့ တွေးခေါ် ဖန်တီးနိုင်မှုစွမ်းအားတွေကလည်း အတော်အားကောင်းခဲ့တာကို တွေ့ရပါတယ်လို့ " ပြောကြားခဲ့ပါတယ်..။
အောင်ထွန်းဦး
No comments:
Post a Comment